ਅਜ਼ਹਰੂਦੀਨ ਅਬੂ ਧਾਬੀ ਟੀ10 ਫ੍ਰੈਂਚਾਇਜ਼ੀ ਬੰਗਲਾ ਟਾਈਗਰਜ਼ ਦੇ ਬਣੇ ''ਬ੍ਰਾਂਡ ਅੰਬੈਸਡਰ''
Monday, Oct 18, 2021 - 10:31 PM (IST)
ਆਬੂ ਧਾਬੀ- ਬੰਗਲਾ ਟਾਈਗਰਜ਼ ਨੇ ਸੋਮਵਾਰ ਨੂੰ ਭਾਰਤ ਦੇ ਸਾਬਕਾ ਕਪਤਾਨ ਮੁਹੰਮਦ ਅਜ਼ਹਰੂਦੀਨ ਨੂੰ ਆਗਾਮੀ ਆਬੂ ਧਾਬੀ ਟੀ-10 ਲੀਗ ਦੇ ਲਈ ਫ੍ਰੈਂਚਾਇਜ਼ੀ ਦਾ ਬ੍ਰਾਂਡ ਅੰਬੈਸਡਰ ਨਿਯੁਕਤ ਕੀਤਾ। ਅਜ਼ਹਰੂਦੀਨ ਟੂਰਨਾਮੈਂਟ ਤੋਂ ਪਹਿਲਾਂ ਟੀਮ ਨਾਲ ਜੁੜਨਗੇ ਤੇ ਖਿਡਾਰੀਆਂ ਨੂੰ ਪ੍ਰੇਰਿਤ ਕਰਨ ਵਿਚ ਅਹਿਮ ਭੂਮਿਕਾ ਨਿਭਾਉਣਗੇ। ਟੂਰਨਾਮੈਂਟ 19 ਨਵੰਬਰ ਤੋਂ ਆਬੂ ਧਾਬੀ ਦੇ ਜ਼ਾਇਦ ਕ੍ਰਿਕਟ ਸਟੇਡੀਅਮ ਵਿਚ ਖੇਡਿਆ ਜਾਵੇਗਾ।
ਇਹ ਖ਼ਬਰ ਪੜ੍ਹੋ- ਧੋਨੀ ਪਹਿਲਾਂ ਵੀ ਸਾਡੇ ਲਈ ਇਕ ਮੇਂਟਰ ਹੀ ਸਨ ਤੇ ਅੱਗੇ ਵੀ ਰਹਿਣਗੇ : ਵਿਰਾਟ
ਇਸ ਰਸਮੀ ਤੌਰ 'ਤੇ ਅੰਤਰਰਾਸ਼ਟਰੀ ਕ੍ਰਿਕਟ ਬੋਰਡ (ਆਈ. ਸੀ. ਸੀ.) ਵਲੋਂ ਪ੍ਰਵਾਨਤ ਤੇ ਅਮੀਰਾਤ ਕ੍ਰਿਕਟ ਬੋਰਡ ਤੋਂ ਲਾਇਸੈਂਸ ਹਾਸਲ ਹੈ। ਇਸ ਟੀਮ ਵਿਚ ਪਾਕਿਸਤਾਨ ਦੇ ਸ਼ਾਹਿਦ ਅਫਰੀਦੀ ਤੇ ਮੁਹੰਮਦ ਆਮਿਰ ਵਰਗੇ ਦਿੱਗਜ ਹਨ, ਜਦਕਿ ਦੱਖਣੀ ਅਫਰੀਕਾ ਕਪਤਾਨ ਫਾਫ ਡੂ ਪਲੇਸਿਸ ਨੂੰ 'ਆਈਕਨ' ਖਿਡਾਰੀ ਨਿਯੁਕਤ ਕੀਤਾ ਗਿਆ ਹੈ। ਅਜ਼ਹਰ ਨੇ ਕਿਹਾ ਬੰਗਲਾ ਟਾਈਗਰਜ਼ ਵਰਗੀ ਫ੍ਰੈਂਚਾਇਜ਼ੀ ਦੇ ਨਾਲ ਜੁੜਨਾ ਸ਼ਾਨਦਾਰ ਹੈ। ਸਾਡੀ ਟੀਮ ਵਿਚ ਕੁਝ ਰੋਮਾਂਚਕ ਖਿਡਾਰੀ ਹਨ। ਮੈਨੂੰ ਯਕੀਨ ਹੈ ਕਿ ਉਹ ਟੂਰਨਾਮੈਂਟ ਵਿਚ ਆਪਣੀ ਪਛਾਣ ਬਣਾਉਣ ਦੇ ਲਈ ਤਿਆਰ ਹਨ।
ਇਹ ਖ਼ਬਰ ਪੜ੍ਹੋ- ਆਇਰਲੈਂਡ ਦੇ ਤੇਜ਼ ਗੇਂਦਬਾਜ਼ ਦਾ ਕਮਾਲ, ਹਾਸਲ ਕੀਤੀ ਇਹ ਉਪਲੱਬਧੀ
ਨੋਟ- ਇਸ ਖ਼ਬਰ ਸਬੰਧੀ ਕਮੈਂਟ ਕਰਕੇ ਦਿਓ ਆਪਣੀ ਰਾਏ।
