ਅੰਕਿਤਾ ਰੈਨਾ ਨੇ ਵੈਸ਼ਨਵੀ ਅਡਕਰ ਨੂੰ ਹਰਾ ਕੇ ਅਗਲੇ ਦੌਰ ਵਿੱਚ ਬਣਾਈ ਜਗ੍ਹਾ

ਮੁੰਬਈ- ਭਾਰਤੀ ਟੈਨਿਸ ਖਿਡਾਰਨ ਅੰਕਿਤਾ ਰੈਨਾ ਨੇ ਹਮਵਤਨ ਵੈਸ਼ਣਵੀ ਆਡਕਰ ਨੂੰ ਹਰਾ ਕੇ ਐਲ ਐਂਡ ਟੀ ਮੁੰਬਈ ਓਪਨ ਦੇ ਅਗਲੇ ਦੌਰ ਵਿੱਚ ਜਗ੍ਹਾ ਬਣਾ ਲਈ ਹੈ। ਅੰਕਿਤਾ ਰੈਨਾ ਨੇ ਅੱਜ ਮੁੰਬਈ ਦੇ ਕ੍ਰਿਕਟ ਕਲੱਬ ਆਫ਼ ਇੰਡੀਆ ਵਿੱਚ ਖੇਡੇ ਗਏ ਮੈਚ ਵਿੱਚ ਵੈਸ਼ਣਵੀ ਅਡਕਰ ਨੂੰ 6-2, 6-2 ਨਾਲ ਹਰਾ ਕੇ ਰਾਊਂਡ ਆਫ਼ 16 ਵਿੱਚ ਪ੍ਰਵੇਸ਼ ਕੀਤਾ। 

ਅੰਕਿਤਾ ਰੈਨਾ ਅਗਲੇ ਦੌਰ ਵਿੱਚ ਕੈਨੇਡਾ ਦੀ ਦੂਜੀ ਸੀਡ ਰੇਬੇਕਾ ਮਾਰੀਨੋ ਨਾਲ ਭਿੜੇਗੀ। ਟੂਰਨਾਮੈਂਟ ਬਾਰੇ ਆਪਣਾ ਤਜਰਬਾ ਸਾਂਝਾ ਕਰਦਿਆਂ ਅੰਕਿਤਾ ਨੇ ਕਿਹਾ ਕਿ ਇਹ ਟੂਰਨਾਮੈਂਟ ਭਾਰਤੀ ਖਿਡਾਰੀਆਂ ਨੂੰ ਦੁਨੀਆ ਦੇ ਕੁਝ ਸਭ ਤੋਂ ਵਧੀਆ ਖਿਡਾਰੀਆਂ ਵਿਰੁੱਧ ਖੇਡਣ ਦਾ ਇੱਕ ਵਧੀਆ ਮੌਕਾ ਪ੍ਰਦਾਨ ਕਰਦਾ ਹੈ। ਉਨ੍ਹਾਂ ਕਿਹਾ ਕਿ ਮੈਨੂੰ ਲੱਗਦਾ ਹੈ ਕਿ ਮੈਂ ਮੈਚ ਦੀ ਸ਼ੁਰੂਆਤ ਚੰਗੀ ਕੀਤੀ ਸੀ ਅਤੇ ਮੈਨੂੰ ਪਤਾ ਸੀ ਕਿ ਉਹ ਇੱਕ ਹਮਲਾਵਰ ਖਿਡਾਰੀ ਵੀ ਹੈ। ਮੈਂ ਉਸਦੇ ਖਿਲਾਫ ਖੇਡ ਕੇ ਖੁਸ਼ ਹਾਂ।