ਚੱਲਦੇ IPL ''ਚ ਇਸ ਧਾਕੜ ਆਲਰਾਊਂਡਰ ''ਤੇ ਲੱਗ ਗਿਆ ਇਕ ਸਾਲ ਦਾ ਬੈਨ ! ਵਜ੍ਹਾ ਜਾਣ ਰਹਿ ਜਾਓਗੇ ਹੈਰਾਨ

ਸਪੋਰਟਸ ਡੈਸਕ- ਦੱਖਣੀ ਅਫਰੀਕਾ ਦੇ ਆਲ ਰਾਊਂਡਰ ਲਈ ਪਾਕਿਸਤਾਨ ਦੀ ਪੀ.ਐੱਸ.ਐੱਲ. ਛੱਡ ਆਈ.ਪੀ.ਐੱਲ. 'ਚ ਖੇਡਣਾ ਮਹਿੰਗਾ ਪੈ ਗਿਆ, ਕਿਉਂਕਿ ਉਸ ਨੂੰ ਪਾਕਿਸਤਾਨ ਕ੍ਰਿਕਟ ਬੋਰਡ ਨੇ ਇਕ ਸਾਲ ਲਈ ਬੈਨ ਕਰ ਦਿੱਤਾ ਹੈ। ਪੀ.ਸੀ.ਬੀ. ਨੇ ਇਹ ਫ਼ੈਸਲਾ ਇਸ ਲਈ ਕੀਤਾ ਹੈ, ਕਿਉਂਕਿ ਬੋਸ਼ ਨੇ ਪੀ.ਐੱਸ.ਐੱਲ. 'ਚ ਪੇਸ਼ਾਵਰ ਜ਼ਾਲਮੀ ਨਾਲ ਇਕ ਸਾਲ ਦਾ ਕਰਾਰ ਕੀਤਾ ਸੀ, ਜਿਸ ਨੂੰ ਤੋੜ ਕੇ ਉਸ ਨੇ ਆਈ.ਪੀ.ਐੱਲ. 'ਚ ਖੇਡਣ ਨੂੰ ਪਹਿਲ ਦਿੱਤੀ। 

ਉਸ ਨੂੰ ਜਨਵਰੀ 'ਚ ਪੇਸ਼ਾਵਰ ਜ਼ਾਲਮੀ ਨੇ ਕਰਾਰਬੱਧ ਕੀਤਾ ਸੀ, ਪਰ ਮੁੰਬਈ ਇੰਡੀਅਨਜ਼ ਨੇ ਦੱਖਣੀ ਅਫਰੀਕਾ ਦੇ ਲੀਜ਼ਾਡ ਵਿਲੀਅਮਜ਼ ਦੇ ਜ਼ਖ਼ਮੀ ਹੋਣ ਮਗਰੋਂ ਟੀਮ ਮੈਨੇਜਮੈਂਟ ਨੇ ਬੋਸ਼ ਨਾਲ ਸੰਪਰਕ ਕੀਤਾ ਤੇ ਉਸ ਨੂੰ ਲੀਜ਼ਾਡ ਦੀ ਜਗ੍ਹਾ ਟੀਮ 'ਚ ਸ਼ਾਮਲ ਕਰ ਲਿਆ। 

ਇਹ ਵੀ ਪੜ੍ਹੋ- IPL 2025 ; ਅੱਜ CSK ਦਾ ਮੁਕਾਬਲਾ KKR ਨਾਲ, ਟੀਮ ਦੀ ਡਗਮਗਾਉਂਦੀ ਬੇੜੀ ਨੂੰ ਸੰਭਾਲਣਗੇ 'ਕੈਪਟਨ ਕੂਲ'

ਇਸ ਮਗਰੋਂ ਪੀ.ਸੀ.ਬੀ. ਨੇ ਬੋਸ਼ ਨੂੰ ਕਰਾਰ ਤੋੜਨ ਕਾਰਨ ਲੀਗਲ ਨੋਟਿਸ ਭੇਜਿਆ ਹੈ, ਜਿਸ 'ਚ ਬੋਰਡ ਨੇ ਲਿਖਿਆ ਕਿ ਕਰਾਰ ਤੋੜਨ ਕਾਰਨ ਬੋਸ਼ ਨੂੰ ਇਕ ਸਾਲ ਲਈ ਪਾਕਿਸਤਾਨ ਸੁਪਰ ਲੀਗ 'ਚੋਂ ਬੈਨ ਕੀਤਾ ਜਾਂਦਾ ਹੈ। 

ਇਸ ਬਾਰੇ ਬੋਲਦਿਆਂ ਕੌਰਬਿਨ ਬੋਸ਼ ਨੇ ਕਿਹਾ ਕਿ ਮੈਨੂੰ ਆਪਣੇ ਫ਼ੈਸਲੇ 'ਤੇ ਪਛਤਾਵਾ ਹੈ ਤੇ ਮੈਂ ਪਾਕਿਸਤਾਨ ਦੇ ਲੋਕਾਂ, ਪੇਸ਼ਾਵਰ ਜ਼ਾਲਮੀ ਦੇ ਪ੍ਰਸ਼ੰਸਕਾਂ ਤੇ ਸਮੂਹ ਕ੍ਰਿਕਟ ਪ੍ਰੇਮੀਆਂ ਤੋਂ ਮੁਆਫ਼ੀ ਮੰਗਦਾ ਹਾਂ। 

ਜ਼ਿਕਰਯੋਗ ਹੈ ਕਿ ਡੇਵਿਡ ਵਾਰਨਰ, ਡੈਰਿਲ ਮਿਚੇਲ, ਟਿਮ ਸਟਿਫਰਟ, ਮਾਈਕਲ ਬ੍ਰੇਸਵੈੱਲ ਤੇ ਜੇਸਨ ਹੋਲਡਰ ਵਰਗੇ ਵੱਡੇ ਨਾਮਵਰ ਖਿਡਾਰੀ ਪਾਕਿਸਤਾਨ ਸੁਪਰ ਲੀਗ 'ਚ ਖੇਡਦੇ ਹੋਏ ਦਿਖਾਈ ਦੇਣਗੇ। 

ਇਹ ਵੀ ਪੜ੍ਹੋ- ਕਿੱਥੋਂ ਕਰ ਲਓਗੇ ਮੁਕਾਬਲਾ ! IPL ਨਾਲ ਟਕਰਾਅ ਤੋਂ ਬਚਣ ਲਈ PSL ਨੂੰ ਬਦਲਣਾ ਪਿਆ Time

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e