ਇੰਗਲੈਂਡ ''ਚ ਫਲਾਪ ਹੋਣ ਬਾਵਜੂਦ ਅਜਿੰਕਯ ਰਹਾਨੇ ਬਣੇ ਕਪਤਾਨ

ਨਵੀਂ ਦਿੱਲੀ— ਇੰਗਲੈਂਡ 'ਚ ਹਾਲ ਹੀ 'ਚ ਸਮਾਪਤ ਹੋਈ ਪੰਜ ਟੈਸਟ ਮੈਚਾਂ ਦੀ ਸੀਰੀਜ਼ 'ਚ ਬੱਲੇਬਾਜ਼ੀ 'ਚ ਨਾਕਾਮ ਰਹੇ ਅਜਿੰਕਯ ਰਹਾਨੇ ਨੇ ਬੁੱਧਵਾਰ ਨੂੰ ਵਿਜੇ ਹਜਾਰੇ ਟ੍ਰਾਫੀ ਦੇ ਸੀਮਿਤ ਓਵਰ ਕ੍ਰਿਕਟ ਟੂਰਨੀਮੈਂਟ ਲਈ ਮੁੰਬਈ ਦੀ ਕਪਤਾਨੀ ਲਈ ਚੁਣਿਆ ਗਿਆ। ਮੁੰਬਈ ਦੀ ਟੀਮ ਐਲੀਟ ਗਰੁੱਪ ਏ 'ਚ ਸ਼ਾਮਲ ਹੈ ਜੋ ਇਸ 50 ਓਵਰਾਂ ਦੇ ਟੂਰਨਾਮੈਂਟ 'ਚ ਆਪਣੇ ਅਭਿਆਨ ਦੀ ਸ਼ੁਰੂਆਤ 19 ਸਤੰਬਰ ਨੂੰ ਬੜੌਦਾ ਖਿਲਾਫ ਕਰੇਗੀ। ਮੁੰਬਈ ਕ੍ਰਿਕਟ ਸੰਘ ਦੀ ਰਿਲੀਜ਼ ਅਨੁਸਾਰ ਹਮਲਾਵਰ ਬੱਲੇਬਾਜ਼ ਸ਼ਰੇਅਸ ਅਈਅਰ ਟੀਮ ਦੇ ਉੱਪ ਕਪਤਾਨ ਹੋਣਗੇ ਜਿਨ੍ਹਾਂ ਦੀ ਏਸ਼ੀਆ ਕੱਪ ਲਈ ਰਾਸ਼ਟਰੀ ਚੋਣਕਰਤਾਵਾਂ ਨੇ ਅਣਦੇਖੀ ਕੀਤੀ ਸੀ। ਰਹਾਣੇ ਵੇ ਏਸ਼ੀਆ ਕੱਪ 'ਚ ਜਗ੍ਹਾ ਨਹੀਂ ਬਣਾ ਸਕੇ ਜਿਸ 'ਚ ਭਾਰਤੀ ਟੀਮ ਦੀ ਕਪਤਾਨੀ ਮੁੰਬਈ ਦੇ ਇਕ ਹੋਰ ਖਿਡਾਰੀ ਰੋਹਿਤ ਸ਼ਰਮਾ ਕਰ ਰਹੇ ਹਨ। ਸਲਾਮੀ ਬੱਲੇਬਾਜ਼ ਪ੍ਰਿਥਵੀ ਸ਼ਾਹ ਵੀ ਟੀਮ ਦਾ ਹਿੱਸਾ ਹਨ। ਮੁੰਬਈ ਨੂੰ ਲੀਗ ਚੋਣ ਦੇ ਮੈਚਾਂ 'ਚ ਬੜੌਦਾ, ਕਰਨਾਟਕ, ਰੇਲਵੇ, ਵਿਦਰਭ, ਪੰਜਾਬ , ਹਿਮਾਚਲ ਪ੍ਰਦੇਸ਼, ਗੋਆ ਅਤੇ ਮਹਾਰਾਸ਼ਟਰ ਦੇ ਨਾਲ ਰੱਖਿਆ ਗਿਆ ਹੈ।