ਆਸਟਰੇਲੀਆ ''ਤੇ ਜਿੱਤ ਤੋਂ ਬਾਅਦ ਵਿਰਾਟ-ਅਨੁਸ਼ਕਾ ਨੇ ਕੀਤਾ ਸੁਨੀਲ ਸ਼ੇਤਰੀ ਦੇ ਘਰ ਡਿਨਰ
01/20/2020 10:25:58 PM
ਨਵੀਂ ਦਿੱਲੀ— ਭਾਰਤੀ ਕ੍ਰਿਕਟ ਟੀਮ ਦੇ ਕਪਤਾਨ ਵਿਰਾਟ ਕੋਹਲੀ ਨੇ ਆਸਟਰੇਲੀਆ ਵਿਰੁੱਧ ਤਿੰਨ ਮੈਚਾਂ ਦੀ ਵਨ ਡੇ ਸੀਰੀਜ਼ 2-1 ਨਾਲ ਜਿੱਤ ਹਾਸਲ ਕਰਨ ਤੋਂ ਬਾਅਦ ਆਪਣੀ ਪਤਨੀ ਅਨੁਸ਼ਕਾ ਦੇ ਨਾਲ ਫੁੱਟਬਾਲਰ ਸੁਨੀਲ ਸ਼ੇਤਰੀ ਦੇ ਘਰ ਡਿਨਰ ਕੀਤਾ। ਸ਼ੇਤਰੀ ਦੀ ਪਤਨੀ ਸੋਨਮ ਨੇ ਇਸ ਮੁਲਾਕਾਤ ਦੀ ਇਕ ਤਸਵੀਰ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤੀ ਹੈ, ਜਿਸ 'ਚ ਉਸ ਨੇ ਕੋਹਲੀ ਤੇ ਅਨੁਸ਼ਕਾ ਦਾ ਘਰ ਪਹੁੰਚਣ 'ਤੇ ਸਵਾਗਤ ਕੀਤਾ ਹੈ। ਸੋਨਮ ਨੇ ਆਪਣੀ ਪੋਸਟ 'ਚ ਲਿਖਿਆ ਹੈ- ਕੋਈ ਫੋਨ ਨਹੀਂ, ਘੜੀ 'ਤੇ ਕੋਈ ਨਜ਼ਰ ਨਹੀਂ। ਬਸ ਚਾਰ ਅਜਿਹੇ ਅਲੱਗ-ਅਲੱਗ ਲੋਕ ਹਨ ਜੋ ਸੂਰਜ ਦੇ ਹੇਠਾ ਹਰ ਚੀਜ਼ ਦੇ ਬਾਰੇ 'ਚ ਬੋਲਦੇ ਹਾਂ। ਰਾਤ ਦੇ ਖਾਣੇ ਦੇ ਲਈ ਤੁਹਾਡੀ ਦੋਵਾਂ ਦੀ ਮੇਜਬਾਨੀ ਬਹੁਤ ਪਿਆਰੀ ਸੀ।
ਸੁਨੀਲ ਸ਼ੇਤਰੀ ਤੇ ਸੋਨਮ ਦੀ ਲਵ ਸਟੋਰੀ
ਸੁਨੀਲ ਸ਼ੇਤਰੀ ਨੇ ਸੋਨਮ ਨਾਲ 2017 'ਚ ਵਿਆਹ ਕੀਤਾ ਸੀ। ਸੋਨਮ ਨਾਲ ਆਪਣੀ ਪਹਿਲੀ ਮੁਲਾਕਾਤ ਦੇ ਬਾਰੇ 'ਚ ਸ਼ੇਤਰੀ ਨੇ ਇਕ ਇੰਟਰਵਿਊ ਦੇ ਦੌਰਾਨ ਦੱਸਿਆ ਸੀ ਕਿ ਮੈਂ ਮੋਹਨ ਬਾਗਾਨ ਦੇ ਅੰਡਰ ਕੋਚਿੰਗ ਕਰਦਾ ਸੀ। ਕੋਚ ਆਪਣੇ ਘਰ 'ਚ ਮੇਰੀ ਖੂਬ ਸ਼ਲਾਘਾ ਕਰਦਾ ਸੀ।
ਕੋਚ ਦੀ ਬੇਟੀ ਸੋਨਮ ਜੋਕਿ ਉਸ ਸਮੇਂ 15 ਸਾਲ ਦੀ ਸੀ, ਇਨ੍ਹੀਆਂ ਤਰੀਫਾਂ ਸੁਣ ਕੇ ਮੈਨੂੰ ਮਿਲਣਾ ਚਾਹੁੰਦੀ ਸੀ। ਉਸ ਨੇ ਆਪਣੇ ਪਿਤਾ ਦੇ ਮੋਬਾਈਲ 'ਚੋਂ ਮੇਰਾ ਨੰਬਰ ਕੱਢਿਆ ਤੇ ਮੈਨੂੰ ਮਿਲਣ ਦਾ ਸੰਦੇਸ਼ ਭੇਜ ਦਿੱਤਾ।
ਸ਼ੇਤਰੀ ਨੇ ਕਿਹਾ— ਪਹਿਲਾਂ ਤਾਂ ਮੈਂ ਐੱਸ. ਐੱਮ. ਐੱਸ. ਪੜ੍ਹ ਕੇ ਹੈਰਾਨ ਰਹਿ ਗਿਆ। ਬਾਅਦ 'ਚ ਜਦੋ ਮਿਲਣ ਗਿਆ ਤਾਂ ਦੇਖਿਆ ਸਾਹਮਣੇ ਇਕ 15 ਸਾਲ ਦੀ ਬੱਚੀ ਸੀ। ਮੈਂ ਉਸ ਨੂੰ ਕਿਹਾ ਕਿ ਤੁਸੀਂ ਬੱਚੀ ਹੋ। ਜਾ ਕੇ ਪੜ੍ਹੋ ਪਰ ਇਸ ਤੋਂ ਬਾਅਦ ਵੀ ਅਸੀਂ ਇਕ-ਦੂਜੇ ਨੂੰ ਐੱਸ. ਐੱਮ. ਐੱਸ. ਕਰਦੇ ਰਹੇ। ਆਖਿਰ ਕੁਝ ਸਾਲਾਂ 'ਚ ਅਸੀਂ ਇਕ-ਦੂਜੇ ਨੂੰ ਸਮਝ ਗਏ ਸੀ ਕਿ ਅਸੀਂ ਦੋਵੇਂ ਇਕ-ਦੂਜੇ ਦੇ ਲਈ ਹੀ ਬਣੇ ਹਾਂ।
