ਏਅਰੋਫਲੋਟ ਓਪਨ ਸ਼ਤਰੰਜ ਟੂਰਨਾਮੈਂਟ : ਸੁਬਰਾਮਣੀਅਮ ਚੀਨੀ ਖਿਡਾਰੀ ਨੂੰ ਹਰਾ ਚੋਟੀ ''ਤੇ

ਮਾਸਕੋ : ਭਾਰਤ ਦੇ 13 ਸਾਲਾ ਗ੍ਰੈਂਡਮਾਸਟਰ ਭਰਤ ਸੁਬਰਾਮਣੀਅਮ ਨੇ ਇੱਥੇ ਏਅਰੋਫਲੋਟ ਓਪਨ ਸ਼ਤਰੰਜ ਟੂਰਨਾਮੈਂਟ ਦੇ ਚੌਥੇ ਦੌਰ ਵਿਚ ਚੀਨ ਦੇ ਗ੍ਰੈਂਡਮਾਸਟਰ ਜਿਆਨਚੋ ਝੋਉ ਨੂੰ ਹਰਾ ਕੇ 'ਏ' ਗਰੁਪ ਵਿਚ ਸਾਂਝੇ ਦੌਰ 'ਤੇ ਚੋਟੀ ਸਥਾਨ ਹਾਸਲ ਕਰ ਲਿਆ ਹੈ। ਕੌਮਾਂਤਰੀ ਮਾਸਟਰ ਸੁਬਰਾਮਣੀਅਮ ਨੇ ਸ਼ਨੀਵਾਰ ਨੂੰ ਸਫੇਦ ਮੋਹਰਿਆਂ ਨਾਲ ਖੇਡਦਿਆਂ 74 ਚਾਲਾਂ ਤਕ ਚੱਲੀ ਇਸ ਬਾਜ਼ੀ ਵਿਚ ਝੋਉ ਨੂੰ ਹਰਾਇਆ। ਟੂਰਨਾਮੈਂਟ ਵਿਚ ਇਹ ਉਸ ਦੀ ਤੀਜੀ ਜਿੱਤ ਹੈ। ਸੁਭ੍ਰਮਣਿਅਮ ਜਦੋਂ ਅਜਰਬੇਜਾਨ ਦੇ ਗ੍ਰੈਂਡਮਾਸਟਰ ਰਊਫ ਮਾਮੇਦੋਵ ਨਾਲ ਸਾਂਝੇ ਤੌਰ 'ਤੇ ਬੜ੍ਹਤ 'ਤੇ ਹੈ। ਮਾਮੇਦੋਵ ਨੇ ਭਾਰਤ ਦੇ ਐੱਸ. ਪੀ. ਸੇਤੁਰਮਨ ਖਿਲਾਫ ਬਾਜ਼ੀ ਡਰਾਅ ਖੇਡੀ। ਸੁਬਰਾਮਣੀਅਮ ਅਤੇ ਮਾਮੇਦੋਵ ਦੋਵਾਂ ਦੇ ਸਨਮਾਨ 3.5 ਅੰਗ ਹਨ।