ਆਦਿਲ ਰਾਸ਼ਿਦ ਸਾਡੇ ਲਈ ਸਭ ਤੋਂ ਮਹੱਤਵਪੂਰਨ ਖਿਡਾਰੀ ਹੈ : ਬਟਲਰ

ਰਾਜਕੋਟ- ਇੰਗਲੈਂਡ ਦੇ ਕਪਤਾਨ ਜੋਸ ਬਟਲਰ ਦਾ ਮੰਨਣਾ ਹੈ ਕਿ ਲੈੱਗ ਸਪਿਨਰ ਆਦਿਲ ਰਾਸ਼ਿਦ ਉਨ੍ਹਾਂ ਦੀ ਟੀ-20 ਟੀਮ ਦਾ ਸਭ ਤੋਂ ਮਹੱਤਵਪੂਰਨ ਖਿਡਾਰੀ ਹੈ, ਜਿਸਨੇ ਭਾਰਤ ਵਿਰੁੱਧ ਤੀਜੇ ਮੈਚ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਰਾਸ਼ਿਦ ਦੀ ਸ਼ਾਨਦਾਰ ਗੇਂਦਬਾਜ਼ੀ ਨੇ ਇੰਗਲੈਂਡ ਨੂੰ ਤੀਜਾ ਟੀ-20 ਜਿੱਤ ਕੇ ਲੜੀ ਵਿੱਚ ਵਾਪਸੀ ਕਰਨ ਵਿੱਚ ਮਦਦ ਕੀਤੀ। ਉਸਨੇ ਚਾਰ ਓਵਰਾਂ ਵਿੱਚ 15 ਦੌੜਾਂ ਦੇ ਕੇ ਇੱਕ ਵਿਕਟ ਲਈ। 

ਚੇਨਈ ਵਿੱਚ ਦੂਜੇ ਟੀ-20 ਵਿੱਚ ਵੀ, ਉਸਦਾ ਇਕਾਨਮੀ ਰੇਟ ਪ੍ਰਤੀ ਓਵਰ ਚਾਰ ਦੌੜਾਂ ਤੋਂ ਘੱਟ ਸੀ। ਭਾਰਤ ਨੂੰ 26 ਦੌੜਾਂ ਨਾਲ ਹਰਾਉਣ ਤੋਂ ਬਾਅਦ, ਬਟਲਰ ਨੇ ਕਿਹਾ, “ਉਹ ਸਾਡੇ ਲਈ ਸਭ ਤੋਂ ਮਹੱਤਵਪੂਰਨ ਖਿਡਾਰੀ ਹੈ ਅਤੇ ਉਸਦਾ ਪ੍ਰਦਰਸ਼ਨ ਲਗਾਤਾਰ ਸੁਧਰ ਰਿਹਾ ਹੈ। ਉਸ ਕੋਲ ਬਹੁਤ ਵਿਭਿੰਨਤਾ ਹੈ। ਉਹ ਇੱਕ ਕਪਤਾਨ ਲਈ ਟਰੰਪ ਕਾਰਡ ਤੋਂ ਘੱਟ ਨਹੀਂ ਹੈ। ਉਸਨੇ ਪਿਛਲੇ ਦੋ ਮੈਚਾਂ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ। 

ਲੜੀ 'ਚ ਅਜੇ ਵੀ 1-2 ਪਿੱਛੇ ਰਹਿਣ ਦੇ ਬਾਵਜੂਦ, ਬਟਲਰ ਨੇ ਕਿਹਾ ਕਿ ਉਸਦੀ ਟੀਮ ਸਹੀ ਦਿਸ਼ਾ ਵਿੱਚ ਅੱਗੇ ਵਧ ਰਹੀ ਹੈ। ਉਸਨੇ ਕਿਹਾ, "ਮੈਂ ਆਪਣੇ ਖਿਡਾਰੀਆਂ ਦੇ ਪ੍ਰਦਰਸ਼ਨ ਤੋਂ ਖੁਸ਼ ਹਾਂ। ਲਿਵੀ (ਲਿਵਿੰਗਸਟੋਨ, ​​ਜਿਸਨੇ ਪੰਜ ਛੱਕੇ ਮਾਰੇ) ਨੇ ਕੁਝ ਸ਼ਾਨਦਾਰ ਛੱਕੇ ਲਗਾਏ।" ਇਸ ਤੋਂ ਇਲਾਵਾ, ਸਿਹਰਾ ਰਸ਼ (ਰਾਸ਼ਿਦ) ਅਤੇ ਵੁਡੀ (ਮਾਰਕ ਵੁੱਡ) ਨੂੰ ਵੀ ਜਾਂਦਾ ਹੈ ਜਿਨ੍ਹਾਂ ਨੇ ਆਖਰੀ ਵਿਕਟ ਲਈ 20 ਦੌੜਾਂ ਜੋੜੀਆਂ। ਮੈਨੂੰ ਪਤਾ ਸੀ ਕਿ 170 ਦਾ ਸਕੋਰ ਚੰਗਾ ਸੀ। ਅਸੀਂ ਉਸੇ ਅੰਦਾਜ਼ ਵਿੱਚ ਖੇਡਣਾ ਜਾਰੀ ਰੱਖਾਂਗੇ, ਅਸੀਂ ਬੱਲੇ ਅਤੇ ਗੇਂਦ ਦੋਵਾਂ ਨਾਲ ਹਮਲਾਵਰ ਪ੍ਰਦਰਸ਼ਨ ਕਰਾਂਗੇ। "