ਗੇਟ ਮੂਹਰੇ ਡਿੱਗੇ ਪਏ 10-10 ਦੇ ਨੋਟਾਂ ਨੇ ਘਰ ਵਾਲਿਆਂ ਨੂੰ ਪਾਈਆਂ ਭਾਜੜਾਂ

04/29/2020 10:50:34 AM

ਤਪਾ ਮੰਡੀ (ਸ਼ਾਮ, ਗਰਗ): ਸ਼ਹਿਰ 'ਚ ਕੁਝ ਸ਼ਰਾਰਤੀ ਅਨਸਰਾਂ ਵੱਲੋਂ ਗਲੀ 'ਚ 10-10 ਦੇ ਅਸਲੀ ਨੋਟ ਸੁੱਟਣ ਦਾ ਮਾਮਲਾ ਸਾਹਮਣੇ ਆਇਆ ਹੈ।ਜਾਣਕਰੀ ਅਨੁਸਾਰ ਸ਼ਹਿਰ ਦੀ ਗਲੀ ਨੰਬਰ 08 'ਚ ਸਿਸਨਪਾਲ ਜੱਜ ਦੇ ਘਰ ਮੂਹਰੇ 40 ਕੁ ਰੁਪਏ ਦੇ ਕਰੀਬ ਦਸ-ਦਸ ਦੇ ਅਸਲੀ ਨੋਟ ਡਿੱਗੇ ਪਏ ਸੀ। ਇਨ੍ਹਾਂ ਰੁਪਿਆਂ ਦਾ ਪਤਾ ਸਿਸਨਪਾਲ ਨੂੰ ਸਵੇਰੇ ਉੱਠ ਕੇ ਉਸ ਸਮੇਂ ਲੱਗਾ ਜਦੋਂ ਉਹ ਆਪਣੇ ਗੇਟ 'ਤੇ ਆਏ ਪਰ ਉਨ੍ਹਾਂ ਨੇ ਨੋਟਾਂ ਨੂੰ ਚੁੱਕਣ ਦੀ ਬਜਾਏ ਤਪਾ ਪੁਲਸ ਸੂਚਿਤ ਕੀਤਾ।

PunjabKesari
ਇਸ ਮੌਕੇ ਸਿਟੀ ਚੌਕੀ ਦੇ ਸਹਾਇਕ ਥਾਣੇਦਾਰ ਜਸਵੀਰ ਸਿੰਘ ਅਤੇ ਹੋਰ ਪੁਲਸ ਮੁਲਾਜ਼ਮਾਂ ਨੇ ਮੌਕੇ 'ਤੇ ਪਹੁੰਚੇ ਅਤੇ ਗਲੀ 'ਚ ਡਿੱਗੇ ਹੋਏ ਦਸ-ਦਸ ਦੇ ਨੋਟਾਂ ਦਾ ਜਾਇਜ਼ਾ ਲਿਆ। ਸਹਾਇਕ ਥਾਣੇਦਾਰ ਵੱਲੋਂ ਡਿੱਗੇ ਹੋਏ ਨੋਟਾਂ 'ਤੇ ਸੈਨਾਟਾਈਜ਼ਰ ਦਾ ਛਿੜਕਾਅ ਕੀਤਾ ਅਤੇ ਹੱਥਾਂ 'ਤੇ ਦਸਤਾਨੇ ਚੜਾ ਕੇ ਇਕ ਲਿਫਾਫੇ 'ਚ ਨੋਟਾਂ ਨੂੰ ਬੰਦ ਕਰ ਲਿਆ ਗਿਆ।

PunjabKesari

ਇਸ ਮੌਕੇ ਸਿਸਲਪਾਲ ਜੱਜ ਨੇ ਕਿਹਾ ਕਿ ਕੋਰੋਨਾ ਵਾਇਰਸ ਬੀਮਾਰੀ ਦਾ ਫੈਲਾਅ ਲੋਕਾਂ 'ਚ ਵੱਧ ਰਿਹਾ ਹੈ ਅਤੇ ਸ਼ਰਾਰਤੀ ਅਤੇ ਦੇਸ਼ਧ੍ਰੋਹੀ ਲੋਕ ਕੋਰੋਨਾ ਵਾਇਰਸ ਨੂੰ ਫਲਾਉਣ ਵਾਸਤੇ ਅਜਿਹੇ ਹੱਥਕੰਢੇ ਵਰਤ ਰਹੇ ਹਨ। ਇਸ ਲਈ ਇਸ ਮਹਾਮਾਰੀ ਦੇ ਚਲਦਿਆਂ ਕਿਸੇ ਵੀ ਵਿਅਕਤੀ ਨੂੰ ਸੜਕਾਂ ਜਾਂ ਗਲੀ ਮੁਹੱਲਿਆਂ 'ਚ ਡਿੱਗੇ ਪਏ ਰੁਪਿਆਂ ਨੂੰ ਹੱਥ ਨਹੀਂ ਲਾਉਣਾ ਚਾਹੀਦਾ ਤੁਰੰਤ ਸਬੰਧਤ ਥਾਣੇ ਦੀ ਪੁਲਸ ਨੂੰ ਸੂਚਿਤ ਕਰ ਦੇਣਾ ਚਾਹੀਦਾ ਹੈ। ਸਹਾਇਕ ਥਾਣੇਦਾਰ ਜਸਵੀਰ ਸਿੰਘ ਨੇ ਕਿਹਾ ਇਹ ਸੁੱਟੇ ਗਏ ਰੁਪਿਆਂ ਸਬੰਧੀ ਪੂਰੀ ਜਾਂਚ ਕੀਤੀ ਜਾਵੇਗੀ।


Shyna

Content Editor

Related News