ਪੰਜਾਬ 'ਚ ਨਾੜ ਸਾੜਨ ਦਾ 3 ਸਾਲ ਦਾ ਟੁੱਟਿਆ ਰਿਕਾਰਡ, 27 ਦਿਨਾਂ 'ਚ ਇੰਨੀਆਂ ਘਟਨਾਵਾਂ ਆਈਆਂ ਸਾਹਮਣੇ

ਪਟਿਆਲਾ: ਪੰਜਾਬ 'ਚ ਨਾੜ ਸਾੜਨ 'ਚ ਪਿਛਲੇ 3 ਸਾਲਾਂ ਦਾ ਰਿਕਾਰਡ ਟੁੱਟ ਗਿਆ ਹੈ। ਲਗਾਤਾਰ ਖਰਾਬ ਹੋ ਰਹੇ ਸੂਬੇ ਦੇ ਵਾਤਾਵਰਣ ਖਰਾਬ ਹੋਣ ਦੇ ਪਿੱਛੇ ਇਹ ਵੀ ਵੱਡਾ ਕਾਰਨ ਹੈ। ਇਹ ਦਾਅਵਾ ਲੁਧਿਆਣਾ ਦੇ ਰਿਮੋਟ ਸੈਂਸਿੰਗ ਸੈਂਟਰ ਨੇ ਨਾੜ ਸਾੜਨ ਦੇ ਮਾਮਲੇ 'ਚ ਕੀਤਾ ਹੈ। ਆਂਕੜਿਆਂ 'ਤੇ ਗੌਰ ਕਰੀਏ ਤਾਂ ਪਿਛਲੇ 3 ਸਾਲਾਂ ਦਾ ਰਿਕਾਰਡ ਟੁੱਟ ਚੁੱਕਾ ਹੈ। 2018 'ਚ ਜਿੱਥੇ 10,832 ਘਟਨਾਵਾਂ 2019 'ਚ 8921 ਘਟਨਾਵਾਂ ਹੋਈਆਂ ਸਨ। ਜਾਣਕਾਰਾਂ ਦਾ ਕਹਿਣਾ ਹੈ ਕਿ ਇਸ ਸਾਲ ਸੀਜ਼ਨ 'ਚ ਸਖਤੀ ਕਰਨ ਵਾਲੀ ਸਰਕਾਰ ਅਤੇ ਪ੍ਰਸ਼ਾਸਨ ਕੋਰੋਨਾ ਨੂੰ ਰੋਕਣ ਦੀ ਲੜਾਈ 'ਚ ਵਿਅਸਥ ਹੈ। ਇਸ ਗੱਲ ਦਾ ਫਾਇਦਾ ਚੁੱਕਦੇ ਹੋਏ ਕੁਝ ਕਿਸਾਨ ਅਜਿਹਾ ਕਰ ਰਹੇ ਹਨ। 25 ਅਪ੍ਰੈਲ ਤੋਂ ਲੈ ਕੇ 22 ਮਈ ਤੱਕ ਯਾਨੀ 27 ਦਿਨਾਂ 'ਚ 11014 ਘਟਨਾਵਾਂ ਰਿਕਾਰਡ ਕੀਤੀਆਂ ਗਈਆਂ ਹਨ। ਸਭ ਤੋਂ ਵੱਧ 1051 ਘਟਨਾਵਾਂ ਬਠਿੰਡਾ 'ਚ ਹੋਈਆਂ। ਉੱਥੇ ਹੁਣ ਤੱਕ ਕਿਸਾਨਾਂ 'ਤੇ 273 ਕੇਸ ਦਰਜ ਕੀਤੇ ਗਏ ਹਨ। ਇਸ 'ਚੋਂ ਸੰਗਰੂਰ 'ਚ 98, ਮਾਨਸਾ 'ਚ 89, ਗੁਰਦਾਸਪੁਰ 'ਚ 75, ਕਪੂਰਥਲਾ 'ਚ 6, ਫਿਰੋਜ਼ਪੁਰ 'ਚ 2, ਹਸ਼ਿਆਰਪੁਰ, ਲੁਧਿਆਣਾ, ਤਰਨਤਾਰਨ 'ਚ 1-1 ਕੇਸ ਦਰਜ ਕੀਤੇ ਗਏ ਹਨ।

ਨਾੜ ਸਾੜਨ ਵਾਲਿਆਂ ਦੀ ਗਿਰਦਾਵਰੀ 'ਚ ਰੇਡ ਐਂਟਰੀ
ਪੰਜਾਬ ਪ੍ਰਦੂਸ਼ਣ ਰੋਕਥਾਮ ਮਹਿਕਮੇ ਦੇ ਮੈਂਬਰ ਕਰੁਣੇਸ਼ ਗਰਗ ਨੇ ਦੱਸਿਆ ਕਿ ਨਾੜ ਸਾੜਨ ਵਾਲੇ ਕਿਸਾਨਾਂ 'ਤੇ ਲਗਾਤਾਰ ਕਾਰਵਾਈ ਕੀਤੀ ਜਾ ਰਹੀ ਹੈ। ਅਜਿਹੇ ਕਿਸਾਨਾਂ ਦੀ ਪ੍ਰਸ਼ਾਸਨ ਨੇ ਗਿਰਦਾਵਰੀ 'ਚ ਰੇਡ ਐਂਟਰੀ ਕੀਤੀ। ਸੂਬੇ 'ਚ 429 ਕਿਸਾਨਾਂ ਦੀ ਗਿਰਦਾਵਰੀ 'ਚ ਹੋਈ ਹੈ।

ਸੂਬੇ 'ਚ ਏਅਰ ਕੁਆਲਿਟੀ ਇੰਡੈਕਸ
ਮੰਡੀ ਗੋਬਿੰਦਗੜ੍ਹ-240
ਅੰਮ੍ਰਿਤਸਰ-142
ਜਲੰਧਰ-111 ਲੁਧਿਆਣਾ-100
ਖੰਨਾ 109
ਬਠਿੰਡਾ-92
ਪਟਿਆਲਾ-126
ਰੋਪੜ-147

ਹਰ ਸਾਲ ਕਿੱਥੇ ਕਿੰਨੀਆਂ ਘਟੀਆਂ ਘਟਨਾਵਾਂ