ਦੀਵਾਲੀ ''ਤੇ ਐਮਰਜੈਂਸੀ ਨੰਬਰ ਨਾਲ ਜਾਰੀ ਹੋਏ ਖ਼ਾਸ ਨਿਰਦੇਸ਼

ਚੰਡੀਗੜ੍ਹ (ਰਾਏ) : ਤਿਉਹਾਰਾਂ ਖ਼ਾਸ ਕਰਕੇ ਦੀਵਾਲੀ ਮੌਕੇ ਹਾਦਸਿਆਂ ਨੂੰ ਰੋਕਣ ਲਈ ਚੰਡੀਗੜ੍ਹ ਨਗਰ ਨਿਗਮ ਦੀਆਂ ਫਾਇਰ ਐਂਡ ਐਮਰਜੈਂਸੀ ਸੇਵਾਵਾਂ ਨੇ ਨਾਗਰਿਕਾਂ ਅਤੇ ਦੁਕਾਨਦਾਰਾਂ ਲਈ ਜ਼ਰੂਰੀ ਸੁਰੱਖਿਆ ਦਿਸ਼ਾ-ਨਿਰਦੇਸ਼ ਜਾਰੀ ਕੀਤੇ ਹਨ। ਅੱਗ ਲੱਗਣ ਦੀ ਸਥਿਤੀ 'ਚ 112 ਡਾਇਲ ਕਰੋ ਜਾਂ ਨਜ਼ਦੀਕੀ ਫਾਇਰ ਸਟੇਸ਼ਨ ਨਾਲ ਸੰਪਰਕ ਕਰੋ। ਸਾਰੇ ਫਾਇਰ ਸਟੇਸ਼ਨਾਂ ਦੇ ਐਮਰਜੈਂਸੀ ਸੰਪਰਕ ਨੰਬਰਾਂ ਦੇ ਨਾਲ-ਨਾਲ ਫਾਇਰ ਅਧਿਕਾਰੀਆਂ ਦੇ ਮੋਬਾਈਲ ਨੰਬਰ ਤੁਰੰਤ ਸਹਾਇਤਾ ਲਈ ਉਪਲੱਬਧ ਹਨ।

ਇਹ ਵੀ ਪੜ੍ਹੋ : 3 ਮਹੀਨੇ ਪਹਿਲਾਂ ਵਿਆਹੇ ਜੋੜੇ ਨਾਲ ਵੱਡਾ ਹਾਦਸਾ, ਦੇਖਣ ਵਾਲਿਆਂ ਦੀ ਕੰਬ ਗਈ ਰੂਹ
ਨਾਗਰਿਕ ਸਾਵਧਾਨੀ ਵਰਤਣ
ਆਤਿਸ਼ਬਾਜ਼ੀ ਚਲਾਉਣ ਵੇਲੇ ਪਾਣੀ ਅਤੇ ਰੇਤ ਤਿਆਰ ਰੱਖੋ
ਵਰਤੇ ਗਏ ਪਟਾਕੇ, ਜਿਵੇਂ ਕਿ ਫੁੱਲਝੜੀ ਅਤੇ ਰਾਕੇਟ ਨੂੰ ਪਾਣੀ ਜਾਂ ਸੁੱਕੀ ਰੇਤ ਵਿਚ ਡੁਬੋ ਦਿਓ।
ਪਟਾਕੇ ਚਲਾਉਂਦੇ ਸਮੇਂ ਹੱਥਾਂ ਅਤੇ ਚਿਹਰੇ ਨੂੰ ਦੂਰ ਰੱਖੋ।
ਘਰ ਦੇ ਦਰਵਾਜ਼ੇ ਅਤੇ ਖਿੜਕੀਆਂ ਬੰਦ ਰੱਖੋ।
ਸਿਰਫ਼ ਮਿਆਰੀ ਨਿਰਮਿਤ ਪਟਾਕਿਆਂ ਦੀ ਵਰਤੋਂ ਕਰੋ।
ਪਟਾਕਿਆਂ ਨੂੰ ਚਲਾਉਂਦੇ ਸਮੇਂ ਉਨ੍ਹਾਂ ’ਤੇ ਪੂਰੀ ਨਜ਼ਰ ਰੱਖੋ।
ਆਤਿਸ਼ਬਾਜ਼ੀ ਚਲਾਉਣ ਵੇਲੇ ਤੰਗ ਸੂਤੀ ਕੱਪੜੇ ਪਾਓ।
ਜੁੱਤੀਆਂ ਅਤੇ ਸੁਰੱਖਿਆ ਚਸ਼ਮਿਆਂ ਦੀ ਵਰਤੋਂ ਕਰੋ।
ਮਾਮੂਲੀ ਜਲਣ ਦੀ ਸਥਿਤੀ ਵਿਚ ਪ੍ਰਭਾਵਿਤ ਜਗ੍ਹਾ ’ਤੇ ਠੰਡਾ ਪਾਣੀ ਪਾਓ। ਜੇ ਜ਼ਰੂਰੀ ਹੈ ਤਾਂ ਡਾਕਟਰ ਨਾਲ ਸਲਾਹ ਕਰੋ।
ਸਮਾਗਮਾਂ ਦੌਰਾਨ ਬਜ਼ੁਰਗਾਂ, ਬੱਚਿਆਂ ਅਤੇ ਔਰਤਾਂ ਦੀ ਸੁਰੱਖਿਆ ਨੂੰ ਪਹਿਲ ਦਿੱਤੀ ਜਾਵੇ।
ਸਜਾਵਟੀ ਰੌਸ਼ਨੀ ਲਈ ਮਿਆਰੀ ਸਾਜ਼ੋ-ਸਾਮਾਨ ਦੀ ਵਰਤੋਂ ਕਰੋ ਅਤੇ ਸ਼ਾਰਟ ਸਰਕਟਾਂ ਨੂੰ ਰੋਕਣ ਲਈ ਪ੍ਰਵਾਨਿਤ ਬਿਜਲੀ ਲੋਡਾਂ ਦੀ ਪਾਲਣਾ ਕਰੋ।

ਇਹ ਵੀ ਪੜ੍ਹੋ : ਪੰਜਾਬੀਓ! ਅੱਜ ਸੋਚ-ਸਮਝ ਕੇ ਨਿਕਲਿਓ ਘਰੋਂ, ਸਾਰੇ Main ਹਾਈਵੇਅ ਰਹਿਣਗੇ ਬੰਦ
ਕੀ ਨਾ ਕਰੀਏ
1. ਬਿਨਾਂ ਨਿਗਰਾਨੀ ਦੇ ਬੱਚਿਆਂ ਨੂੰ ਪਟਾਕੇ ਨਾ ਚਲਾਉਣ ਦਿਓ।
2. ਜਿਹੜੇ ਪਟਾਕੇ ਨਹੀਂ ਸੜਦੇ, ਉਨ੍ਹਾਂ ਨੂੰ ਦੁਬਾਰਾ ਨਾ ਜਲਾਓ।
3. ਇਮਾਰਤਾਂ ਦੇ ਨੇੜੇ ਪਟਾਕੇ ਨਾ ਸਾੜੋ।
4. ਜਲਦੇ ਹੋਏ ਤੇਲ ਦੇ ਦੀਵੇ, ਮੋਮਬੱਤੀਆਂ ਜਾਂ ਅਗਰਬੱਤੀਆਂ ਨੂੰ ਆਤਿਸ਼ਬਾਜ਼ੀ ਤੋਂ ਦੂਰ ਰੱਖੋ।
5. ਇਮਾਰਤਾਂ ਦੇ ਆਲੇ-ਦੁਆਲੇ ਜਲਣਸ਼ੀਲ ਸਮੱਗਰੀ ਨਾ ਰੱਖੋ।
6. ਘਰ ਦੇ ਅੰਦਰ ਪਟਾਕੇ ਨਾ ਸਾੜੋ।
7. ਫੁੱਲਾਂ ਦੇ ਗਮਲੇ, ਬੁਲੇਟ ਬੰਬ ਜਾਂ ਇਸ ਤਰਾਂ ਦੀ ਕੋਈ ਵਸਤੂ ਆਪਣੇ ਹੱਥਾਂ ਵਿਚ ਫੜ੍ਹਨ ਤੋਂ ਬਚੋ।
8. ਬੱਚਿਆਂ ਨੂੰ ਖ਼ਤਰਨਾਕ, ਉੱਚੀ ਆਵਾਜ਼ ਵਾਲੇ ਪਟਾਕਿਆਂ ਤੋਂ ਦੂਰ ਰੱਖੋ।
9. ਪਟਾਕਿਆਂ ਦੀਆਂ ਦੁਕਾਨਾਂ ਦੇ ਨੇੜੇ ਆਤਿਸ਼ਬਾਜੀ ਚਲਾਉਣ ਤੋਂ ਬਚੋ।
10. ਬਲਦੇ ਪਟਾਕੇ ਅੰਨ੍ਹੇਵਾਹ ਨਾ ਸੁੱਟੋ।
11. ਖ਼ਰਾਬ ਹੋਏ ਪਟਾਕਿਆਂ ਨੂੰ ਧਿਆਨ ਨਾਲ ਸੰਭਾਲੋ।
12. ਕਦੇ ਵੀ ਬੰਦ ਭਾਂਡੇ ਵਿਚ ਪਟਾਕੇ ਨਾ ਸਾੜੋ।
13. ਸਿਰਫ ਖੁੱਲੇ ਖੇਤਰਾਂ ਵਿਚ ਹੀ ਰਾਕੇਟ ਚਲਾਓ।
14. ਛੱਤ ਵਾਲੇ ਘਰਾਂ ਜਾਂ ਘਾਹ ਦੇ ਢੇਰਾਂ ਦੇ ਨੇੜੇ ਰਾਕੇਟ, ਫੁੱਲਦਾਨ ਜਾਂ ਹੋਰ ਉੱਡਣ ਵਾਲੇ ਪਟਾਕਿਆਂ ਨੂੰ ਵਰਤਣ ਤੋਂ ਬਚੋ।
ਆਤਿਸ਼ਬਾਜ਼ੀ/ਪਟਾਕਿਆਂ ਦੀਆਂ ਦੁਕਾਨਾਂ ਲਈ ਦਿਸ਼ਾ-ਨਿਰਦੇਸ਼
1. ਪਟਾਕਿਆਂ ਦੀਆਂ ਦੁਕਾਨਾਂ ਵਿਚਕਾਰ ਸੁਰੱਖਿਅਤ ਦੂਰੀ ਬਣਾਈ ਰੱਖੋ।
2. ਦੁਕਾਨ ਦੇ ਅੰਦਰ ਮੋਮਬੱਤੀਆਂ, ਲਾਈਟਰ ਜਾਂ ਮਾਚਿਸ ਦੀ ਵਰਤੋਂ ਕਰਨ ਤੋਂ ਬਚੋ।
3. ਕਿਸੇ ਨੂੰ ਵੀ ਦੁਕਾਨ ਦੇ ਨੇੜੇ ਪਟਾਕੇ ਚਲਾਉਣ ਤੋਂ ਰੋਕੋ।
4. ਖ਼ਰਾਬ ਜਾਂ ਢਿੱਲੀ ਬਿਜਲੀ ਦੀਆਂ ਤਾਰਾਂ ਦੀ ਵਰਤੋਂ ਨਾ ਕਰੋ।
5. ਪਟਾਕਿਆਂ ਦਾ ਸਟਾਕ ਕੇਵਲ ਅਧਿਕਾਰਤ ਅਤੇ ਪ੍ਰਵਾਨਿਤ ਮਾਤਰਾ ਵਿਚ ਹੀ ਰੱਖੋ।
6. ਜਲਣਸ਼ੀਲ ਸਮੱਗਰੀ ਤੋਂ ਬਿਨਾਂ ਪਟਾਕਿਆਂ ਦੀਆਂ ਦੁਕਾਨਾਂ ਦੀ ਉਸਾਰੀ ਕਰੋ।
7. ‘ਨੋ ਸਮੋਕਿੰਗ’ ਚਿੰਨ੍ਹ ਪ੍ਰਦਰਸ਼ਿਤ ਕਰੋ ਅਤੇ ਸਿਗਰਟਨੋਸ਼ੀ ’ਤੇ ਸਖ਼ਤੀ ਨਾਲ ਮਨਾਹੀ ਕਰੋ।
8. ਲਾਈਟਾਂ, ਬੱਲਬਾਂ ਅਤੇ ਪਟਾਕਿਆਂ ਵਿਚਕਾਰ ਸੁਰੱਖਿਅਤ ਦੂਰੀ ਬਣਾਈ ਰੱਖੋ।
9. ਅੱਗ ਸੁਰੱਖਿਆ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ ਪਾਣੀ, ਰੇਤ ਅਤੇ ਅੱਗ ਬੁਝਾਊ ਯੰਤਰਾਂ ਦੀਆਂ ਬਾਲਟੀਆਂ ਤਿਆਰ ਰੱਖੋ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8