140 ਕਰੋੜ ਦੀ ਪ੍ਰਾਪਰਟੀ 1 ਰੁਪਏ ''ਚ ਦੇਵਾਂਗਾ, ਜੇ ਕਮੇਟੀ ਸੇਲ ਡੀਡ ਪੇਸ਼ ਕਰੇ : ਜੀ. ਕੇ.

ਜਲੰਧਰ (ਚਾਵਲਾ) - ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਸਾਬਕਾ ਪ੍ਰਧਾਨ ਮਨਜੀਤ ਸਿੰਘ ਜੀ. ਕੇ. ਨੇ ਕਮੇਟੀ ਨੇਤਾਵਾਂ ਨੂੰ ਉਨ੍ਹਾਂ ਦੇ ਖਿਲਾਫ ਬਿਨਾਂ ਤੱਥਾਂ ਦੇ ਨਾ ਬੋਲਣ ਦੀ ਚਿਤਾਵਨੀ ਦਿੱਤੀ ਹੈ। ਸਾਬਕਾ ਕਮੇਟੀ ਪ੍ਰਧਾਨ ਅਵਤਾਰ ਸਿੰਘ ਹਿੱਤ ਵਲੋਂ ਆਪਣੇ ਖਿਲਾਫ ਲਾਏ ਗਏ ਦੋਸ਼ਾਂ ਨੂੰ ਝੁਠਲਾਉਣ ਲਈ ਮੀਡੀਆ ਦੇ ਸਾਹਮਣੇ ਆਏ ਜੀ. ਕੇ. ਨੇ ਕਮੇਟੀ ਪ੍ਰਧਾਨ ਮਨਜਿੰਦਰ ਸਿੰਘ ਸਿਰਸਾ ਅਤੇ ਹਿੱਤ ਦੇ ਕੱਚੇ ਚਿੱਠੇ ਵੀ ਖੋਲ੍ਹ ਦਿੱਤੇ। ਨਾਲ ਹੀ ਕਿਸੇ ਔਰਤ ਵਲੋਂ ਦਾਨ 'ਚ ਦਿੱਤੀ ਗਈ 140 ਕਰੋੜ ਦੀ ਇਕ ਪ੍ਰਾਪਰਟੀ ਆਪਣੇ ਨਾਂ ਕਰਵਾਉਣ ਦੇ ਹਿੱਤ ਵਲੋਂ ਕੀਤੇ ਗਏ ਦਾਅਵੇ ਨੂੰ ਸਾਬਿਤ ਕਰਨ ਦੀ ਹਿੱਤ ਨੂੰ ਉਨ੍ਹਾਂ ਨੇ ਚੁਣੌਤੀ ਦਿੱਤੀ।

ਹਿੱਤ ਕੋਲ ਪ੍ਰਾਪਤੀ ਦੇ ਨਾਂ 'ਤੇ ਦੱਸਣ ਲਈ ਇਕ ਕੇਸ ਨਹੀਂ
ਜੀ. ਕੇ. ਨੇ ਕਿਹਾ ਕਿ ਹਿੱਤ ਦਾ ਕਿਰਦਾਰ ਕੀ ਹੈ, ਸਭ ਜਾਣਦੇ ਹਨ। 1984 ਸਿੱਖ ਕਤਲੇਆਮ 'ਚ ਐੱਚ. ਕੇ. ਐੱਲ ਭਗਤ ਦੇ ਖਿਲਾਫ ਸਤਨਾਮੀ ਬਾਈ ਅਤੇ ਦਰਸ਼ਨ ਕੌਰ ਨੂੰ ਗਵਾਹੀ ਬਦਲਣ ਲਈ ਕਿਸੇ ਨੇ ਪੈਸੇ ਦੇਣ ਦੀ ਪੇਸ਼ਕਸ਼ ਕੀਤੀ ਸੀ, ਜਿਸ ਦਾ ਜ਼ਿਕਰ 1984 'ਤੇ ਲਿਖੀਆਂ ਕਈ ਕਿਤਾਬਾਂ 'ਚ ਹੋ ਚੁੱਕਾ ਹੈ। ਸ੍ਰੀ ਅਕਾਲ ਤਖ਼ਤ ਸਾਹਿਬ ਨੇ ਹਰੀਨਗਰ ਸਕੂਲ ਤੋਂ ਹਿੱਤ ਦਾ ਗ਼ੈਰ-ਕਾਨੂੰਨੀ ਕਬਜ਼ਾ ਆਜ਼ਾਦ ਕਰਵਾਇਆ ਸੀ, ਜਿਸ ਦੇ ਬਾਵਜੂਦ ਸਕੂਲ ਛੱਡਣ ਦੇ ਬਦਲੇ ਹਿੱਤ ਨੇ ਕਮੇਟੀ ਨੇ ਲੱਖਾਂ ਰੁਪਏ ਵਸੂਲ ਕਰਨ ਮਗਰੋਂ ਸਕੂਲ ਛੱਡਿਆ ਸੀ। 1984 ਦੀ ਲੜਾਈ ਦੇ ਨਾਂ 'ਤੇ ਸਿਆਸਤ ਕਰਨ ਵਾਲੇ ਹਿੱਤ ਕੋਲ ਪ੍ਰਾਪਤੀ ਦੇ ਤੌਰ 'ਤੇ ਦੱਸਣ ਲਈ ਇਕ ਕੇਸ ਨਹੀਂ, ਜੋ ਕਾਤਲਾਂ ਦੇ ਖਿਲਾਫ ਹਿੱਤ ਨੇ ਗਵਾਹਾਂ ਨੂੰ ਵਿਸ਼ਵਾਸ 'ਚ ਲੈ ਕੇ ਕੋਰਟ 'ਚ ਦਾਖਲ ਕੀਤਾ ਹੋਵੇ।

ਹਿੱਤ ਨੂੰ ਟਕਸਾਲ ਦੇ ਕੰਮਾਂ ਤੇ ਕੁਰਬਾਨੀਆਂ ਨੂੰ ਚਾਹੀਦਾ ਸੀ ਵੇਖਣਾ
ਦਮਦਮੀ ਟਕਸਾਲ ਦੇ ਮੁਖੀ ਬਾਬਾ ਹਰਨਾਮ ਸਿੰਘ ਖਾਲਸਾ 'ਤੇ ਝੂਠੀ ਗਵਾਹੀ ਦੇਣ ਦਾ ਦੋਸ਼ ਲਾਉਣ ਤੋਂ ਪਹਿਲਾਂ ਹਿੱਤ ਨੂੰ ਟਕਸਾਲ ਦੇ ਕੰਮਾਂ ਤੇ ਕੁਰਬਾਨੀਆਂ ਨੂੰ ਵੇਖਣਾ ਚਾਹੀਦਾ ਸੀ ਪਰ ਦੂਜਿਆਂ ਦੀ ਭਰੀ ਚਾਬੀ 'ਤੇ ਚੱਲਣ ਵਾਲੇ ਹਿੱਤ ਨੂੰ ਇਸ ਗੱਲ ਦਾ ਅੰਦਾਜ਼ਾ ਨਹੀਂ ਕਿ ਸੀ. ਆਰ. ਪੀ. ਸੀ. 164 ਦੇ ਤਹਿਤ ਨਿਆਂ-ਅਧਿਕਾਰੀ ਦੇ ਸਾਹਮਣੇ ਬਾਬਾ ਖਾਲਸਾ ਵਲੋਂ ਦਿੱਤੀ ਗਈ ਗਵਾਹੀ ਨੂੰ ਗਲਤ ਦੱਸ ਕੇ ਹਿੱਤ ਨੇ ਅਦਾਲਤ ਦੀ ਮਰਿਆਦਾ ਭੰਗ ਕੀਤੀ। ਪਿਛਲੇ 6 ਸਾਲਾਂ ਤੋਂ ਟਕਸਾਲ ਨੇ ਦਿੱਲੀ 'ਚ ਕਈ ਅਹਿਮ ਸੇਵਾਵਾਂ ਕੀਤੀਆਂ, ਜਿਸ 'ਚ 1 ਮਹੀਨੇ ਤੱਕ ਕਰੀਬ ਪਾਠ ਬੋਧ ਸਮਾਗਮ, ਗੁਰਦੁਆਰਾ ਬੰਗਲਾ ਸਾਹਿਬ ਦੇ ਦਰਬਾਰ ਹਾਲ 'ਚ ਸੋਨੇ ਦਾ ਦਰਵਾਜ਼ਾ, ਅਸ਼ੋਕਾ ਰੋੜ ਦੇ ਮੁੱਖ ਦਵਾਰ 'ਤੇ ਸੋਨੇ ਦਾ ਖੰਡਾ, ਗੁਰਦੁਆਰਾ ਬੰਗਲਾ ਸਾਹਿਬ ਦੇ ਚਾਰਾਂ ਤਰਫ ਹਰਿਆਲੀ ਗਲਿਆਰਾ ਵਿਕਸਤ ਕਰਨਾ, ਕਮੇਟੀ ਦੇ ਅੰਮ੍ਰਿਤਸਰ ਸਥਿਤ ਯਾਤਰੀ ਨਿਵਾਸ ਦੀ ਮੁਰੰਮਤ ਅਤੇ ਕਾਇਆ-ਕਲਪ ਅਤੇ ਪਟਨਾ ਸਾਹਿਬ 'ਚ ਸ਼ਤਾਬਦੀ 'ਤੇ 1.25 ਕਰੋੜ ਰੁਪਏ ਦੀ ਲਾਗਤ ਨਾਲ ਲੱਖਾਂ ਸੰਗਤਾਂ ਲਈ ਲੰਗਰ ਸੇਵਾ ਲਾਉਣਾ ਆਦਿ ਸ਼ਾਮਲ ਹਨ।

ਮੀਡੀਆ ਨੂੰ ਕੀਤਾ ਗੁੰਮਰਾਹ
ਝੂਠ ਬੋਲਣ ਦੀ ਆਦਤ ਤੋਂ ਮਜਬੂਰ ਹਿੱਤ ਨੇ 1 ਲੱਖ ਕੈਨੇਡੀਅਨ ਡਾਲਰ ਦੇ ਮਾਮਲੇ 'ਚ ਸ਼ਰਾਰਤਪੂਰਨ ਤਰੀਕੇ ਨਾਲ ਮੀਡੀਆ ਨੂੰ ਗੁੰਮਰਾਹ ਕੀਤਾ ਹੈ। ਭਾਰਤੀ ਮੁਦਰਾ 'ਚ ਇਹ ਰਕਮ 51 ਲੱਖ ਰੁਪਏ ਬਣਦੀ ਹੈ, ਜੋ ਕਮੇਟੀ ਦੇ ਐਕਸਿਸ ਬੈਂਕ ਦੇ ਖਾਤੇ 'ਚੋਂ ਕ੍ਰੈਡਿਟ ਹੋਈ ਸੀ। ਨਾਲ ਹੀ 51 ਲੱਖ ਰੁਪਏ ਟਕਸਾਲ ਨੂੰ ਦਿੱਤੇ ਗਏ ਸਨ, ਜਿਸ ਦੀ ਪ੍ਰਾਪਤੀ ਦੀ ਗਵਾਹੀ ਆਪਣੇ-ਆਪ ਟਕਸਾਲ ਮੁਖੀ ਨੇ ਕੋਰਟ 'ਚ ਦਿੱਤੀ ਹੈ। ਉਨ੍ਹਾਂ ਨੇ ਕਰੋਲ ਬਾਗ 'ਚ ਹਿੱਤ ਵਲੋਂ 140 ਕਰੋੜ ਦੀ ਕਮੇਟੀ ਦੀ ਪ੍ਰਾਪਰਟੀ ਨੂੰ ਆਪਣੇ ਨਾਂ 'ਤੇ ਕਰਵਾਉਣ ਦੇ ਕੀਤੇ ਗਏ ਦਾਅਵੇ ਨੂੰ ਕਾਲਪਨਿਕ ਦੱਸਦੇ ਹੋਏ ਹਿੱਤ ਨੂੰ ਪ੍ਰਾਪਰਨੀ ਦੀ ਸੇਲ ਡੀਡ ਲਿਆ ਕੇ 1 ਰੁਪਏ 'ਚ ਕਮੇਟੀ ਦੇ ਨਾਂ ਪ੍ਰਾਪਰਟੀ ਕਰਵਾਉਣ ਦੀ ਪੇਸ਼ਕਸ਼ ਕੀਤੀ। ਸਰਨਾ ਦੇ ਪ੍ਰਧਾਨਗੀ ਕਾਲ 'ਚ 27 ਮਈ 2005 ਨੂੰ ਮਹਿਤਾਬ ਕੌਰ ਪਤਨੀ ਤੀਰਥ ਸਿੰਘ ਨੇ ਆਪਣੀ ਰਿਹਾਇਸ਼ੀ ਜਾਇਦਾਦ 17ਬੀ /19 ਦੇਸ਼ਬੰਧੂ ਗੁਪਤਾ ਰੋਡ ਅਤੇ ਟੀ -1715 ਦੇਵਨਗਰ ਅਤੇ ਕਮਰਸ਼ੀਅਲ ਜਾਇਦਾਦ ਦੇ ਤੌਰ 'ਤੇ ਸਦਰ ਥਾਨਾ ਰੋਡ 'ਤੇ ਸਥਿਤ ਆਪਣੀਆਂ ਦੁਕਾਨਾਂ ਦੀ ਕਮੇਟੀ ਦੇ ਨਾਂ ਵਸੀਅਤ ਕੀਤੀ ਸੀ। ਮਹਿਤਾਬ ਕੌਰ ਦੀ ਮੌਤ ਮਗਰੋਂ ਜਦੋਂ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰਾਂ ਨੂੰ ਉਨ੍ਹਾਂ ਦੀ ਵਸੀਅਤ ਬਾਰੇ ਪਤਾ ਲੱਗਾ ਤਾਂ ਉਨ੍ਹਾਂ ਨੇ 2013 'ਚ ਕੋਰਟ 'ਚ ਕੇਸ ਪਾ ਕੇ ਮਹਿਤਾਬ ਕੌਰ ਨੇ ਵਸੀਅਤ 'ਚ ਆਪਣਾ ਪ੍ਰਾਪਰਟੀ ਦਾ ਪੂਰਾ ਹਿੱਸਾ ਦੱਸਿਆ, ਜਦੋਂਕਿ ਉਹ ਪੂਰੇ ਹਿੱਸੇ ਦੀ ਮਾਲਕ ਨਹੀਂ ਸੀ। ਸੁਪਰੀਮ ਕੋਰਟ ਤੱਕ ਚੱਲੇ ਇਸ ਕੇਸ ਨੂੰ ਸੀਨੀਅਰ ਵਕੀਲ ਅਮਰਜੀਤ ਸਿੰਘ ਚੰਡੋਕ ਨੇ ਕੋਰਟ ਦੇ ਆਦੇਸ਼ 'ਤੇ ਹੱਲ ਕਰਵਾਇਆ ਸੀ। ਜੇਕਰ ਉਹ ਉਕਤ ਪ੍ਰਾਪਰਟੀਆਂ 'ਚੋਂ ਕਿਸੇ ਵੀ ਪ੍ਰਾਪਰਟੀ ਦੀ ਮੇਰੇ ਨਾਂ 'ਤੇ ਰਜਿਸਟਰਾਰ ਦੇ ਦਫਤਰ 'ਚ ਰਜਿਸਟਰਾਰ ਸੇਲ ਡੀਡ ਲੈ ਆਉਂਦੇ ਹਨ ਤਾਂ ਮੈਂ ਸਿਰਫ 1 ਰੁਪਏ ਦੇ ਬਦਲੇ 140 ਕਰੋੜ ਦੀ ਪ੍ਰਾਪਰਟੀ ਕਮੇਟੀ ਨੂੰ ਦੇ ਦੇਵਾਂਗਾ।

ਹਿੱਤ ਕਾਰਣ ਅਕਾਲੀ ਦਲ ਖਤਮ ਹੋਣ ਕੰਢੇ
ਉਨ੍ਹਾਂ ਦਾਅਵਾ ਕੀਤਾ ਕਿ ਹਿੱਤ ਦੇ ਕਈ ਭ੍ਰਿਸ਼ਟਾਚਾਰਾਂ ਕਾਰਨ ਦਿੱਲੀ 'ਚ ਅਕਾਲੀ ਦਲ ਖਤਮ ਹੋਣ ਦੀ ਹਾਲਤ 'ਚ ਆ ਗਿਆ ਸੀ। ਹਿੱਤ ਨੇ ਆਪਣੀ ਪਛਾਣ ਟਿਕਟ ਵੇਚਣ ਵਾਲੇ ਪ੍ਰਧਾਨ ਦੀ ਬਣਾ ਰੱਖੀ ਸੀ। ਟਿਕਟ ਵਿਕਦੀ ਸੀ ਪਰ ਉਮੀਦਵਾਰ ਨਹੀਂ ਸੀ ਜਿੱਤਦਾ, ਜਿਸ ਮਗਰੋਂ 2008 'ਚ ਸੁਖਬੀਰ ਬਾਦਲ ਉਨ੍ਹਾਂ ਦੇ ਘਰ ਆਏ ਸਨ। ਉਨ੍ਹਾਂ ਹਿੱਤ ਵਲੋਂ ਪਾਰਟੀ ਦੀ ਕੀਤੀ ਗਈ ਤਬਾਹੀ ਦਾ ਹਵਾਲਾ ਦਿੰਦੇ ਹੋਏ ਮੈਨੂੰ ਪ੍ਰਦੇਸ਼ ਇਕਾਈ ਬਤੌਰ ਪ੍ਰਧਾਨ ਸੰਭਾਲਣ ਦੀ ਪੇਸ਼ਕਸ਼ ਕੀਤੀ ਸੀ। ਪ੍ਰਧਾਨ ਬਣਨ ਦੇ ਬਾਅਦ ਮੈਂਪਹਿਲਾਂ ਅਕਾਲੀ ਦਲ ਦਫਤਰ 'ਚ ਰੱਖਿਆ ਹਿੱਤ ਦਾ ਡਬਲ ਬੈੱਡ ਬਾਹਰ ਕੀਤਾ ਸੀ। ਜੀ. ਕੇ. ਨੇ ਪੁੱਛਿਆ ਕਿ ਪਾਰਟੀ ਦਫਤਰ 'ਚ ਡਬਲ ਬੈੱਡ 'ਤੇ ਕੀ ਹੁੰਦਾ ਸੀ, ਹਿੱਤ ਬੋਲ ਪਾਉਣਗੇ?

ਉਨ੍ਹਾਂ ਨੇ ਹਿੱਤ, ਕੁਲਵੰਤ ਸਿੰਘ ਬਾਠ, ਹਰਵਿੰਦਰ ਸਿੰਘ ਕੇ.ਪੀ. ਅਤੇ ਹੋਰਨਾਂ ਦੀ ਅਮਰੀਕਾ ਅਤੇ ਯੂ. ਕੇ. ਯਾਤਰਾ ਦੀ ਟਿਕਟ ਅਤੇ ਹੋਟਲ ਪ੍ਰਵਾਸ ਕਮੇਟੀ ਵਲੋਂ ਭੁਗਤਾਨ ਕੀਤੇ ਜਾਣ ਦਾ ਦਾਅਵਾ ਕੀਤਾ। ਉਨ੍ਹਾਂ ਨੇ ਸਿਰਸਾ, ਹਿੱਤ ਅਤੇ ਰਣਜੀਤ ਕੌਰ ਦੇ ਭ੍ਰਿਸ਼ਟਾਚਾਰ 'ਤੇ ਕੋਰ ਕਮੇਟੀ ਦੇ ਚੁਪ ਰਹਿਣ ਉੱਤੇ ਵੀ ਸਵਾਲ ਚੁੱਕੇ। ਉਨ੍ਹਾਂ ਪੁੱਛਿਆ ਕਿ ਕੋਰ ਕਮੇਟੀ ਨੂੰ ਰਣਜੀਤ ਕੌਰ ਦੇ ਵਲੋਂ ਘੱਟਗਿਣਤੀ ਭਾਈਚਾਰੇ ਦੀਆਂ ਭਲਾਈ ਸਕੀਮਾਂ ਦੇ ਨਾਂ ਉੱਤੇ ਇਕੱਠੇ ਕੀਤੇ ਗਏ ਕਥਿਤ 50 ਲੱਖ ਰੁਪਏ ਦੇ ਸਹੂਲਤ ਫੰਡ, ਹਿੱਤ ਦੇ ਵਲੋਂ ਹਰੀਨਗਰ ਸਕੂਲ 'ਚ 2 ਕਰੋੜ ਤੋਂ ਜ਼ਿਆਦਾ ਦੀ ਰਕਮ ਨੂੰ ਖੁਰਦ ਬੁਰਦ ਕਰਨਾ ਅਤੇ ਸਿਰਸੇ ਦੇ ਪੀ.ਏ. ਦੀ ਕਥਿਤ ਕੰਪਨੀ ਵਲੋਂ 90 ਲੱਖ ਦੀ ਫਰਜ਼ੀ ਏ.ਸੀ. ਖਰੀਦ ਦੀਆਂ ਖਬਰਾਂ ਅਖਬਾਰਾਂ ਵਿਚ ਛਪਣ ਦੇ ਬਾਵਜੂਦ ਭ੍ਰਿਸ਼ਟਾਚਾਰ ਨਜ਼ਰ ਨਹੀਂ ਆਉਂਦਾ ਜਦੋਂਕਿ ਕੁੱਝ ਮਾਮਲਿਆਂ ਵਿਚ ਦਿੱਲੀ ਘੱਟਗਿਣਤੀ ਕਮਿਸ਼ਨ ਸੰਮਨ ਵੀ ਕਰ ਚੁੱਕਾ ਹੈ। ਉਨ੍ਹਾਂ ਨੇ ਅਕਾਲੀ ਦਲ ਦਾ ਮੁੱਖ ਪੱਤਰ ਮੰਨੀ ਜਾਂਦੀ ਡੇਲੀ ਪੋਸਟ ਅੰਗਰੇਜ਼ੀ ਅਖਬਾਰ ਨੂੰ ਦਿੱਲੀ ਵਿਚ ਬਿਨਾਂ ਸਰਕੁਲੇਸ਼ਨ ਦੇ ਲੱਖਾਂ ਰੁਪਏ ਮਹੀਨੇ ਦੇ ਫੁਲ ਪੇਜ ਦਿੱਤੇ ਗਏ ਇਸ਼ਤਿਹਾਰਾਂ 'ਤੇ ਬੋਲਣ ਦੀ ਸਿਰਸਾ ਨੂੰ ਸਲਾਹ ਦਿੱਤੀ। ਨਾਲ ਹੀ ਸਿਰਸੇ ਦੇ ਪੀ.ਏ. ਦੇ ਨਾਂ ਚੜ੍ਹੇ 38 ਲੱਖ ਰੁਪਏ ਦੀ ਨਕਦ ਅਤੇ ਸਿਰਫ ਰਾਜੌਰੀ ਗਾਰਡਨ ਵਿਧਾਨਸਭਾ ਦੇ ਲੋਕਾਂ ਨੂੰ 28 ਲੱਖ ਰੁਪਏ ਦੀ ਫਿਲਮ ਦਿਖਾਉਣ 'ਤੇ ਵੀ ਜੀ.ਕੇ. ਨੇ ਸਵਾਲ ਖੜ੍ਹੇ ਕੀਤੇ। ਉਨ੍ਹਾਂ ਕਿਹਾ ਕਿ ਜੇਕਰ ਮੇਰੇ ਖਿਲਾਫ ਸੀ. ਆਰ. ਪੀ. ਸੀ. 156 ਦੇ ਤਹਿਤ ਗੁਰਮੀਤ ਸਿੰਘ ਸ਼ੰਟੀ ਦੇ ਵਲੋਂ ਕੋਰਟ ਵਿਚ ਪਾਏ ਗਏ ਕੇਸ ਦੇ ਕਾਰਨ ਮੈਂ ਅਹੁਦੇ ਦਾ ਤਿਆਗ ਕੀਤਾ ਹੈ ਤਾਂ ਸਿਰਸੇ ਦੇ ਖਿਲਾਫ ਵੀ ਅਜਿਹਾ ਮਾਮਲਾ ਸਰਨਾ ਦੇ ਵਲੋਂ ਪਾਉਣ ਦੇ ਬਾਵਜੂਦ ਸਿਰਸਾ ਆਪਣੇ ਅਹੁਦੇ ਉੱਤੇ ਕਿਉਂ ਹਨ?

ਸੁਖਬੀਰ ਹੁਣ ਪ੍ਰਧਾਨ ਅਹੁਦੇ ਤੋਂ ਦੇਣਗੇ ਅਸਤੀਫਾ
ਬੇਅਦਬੀ ਮਾਮਲੇ ਵਿਚ ਐੱਸ. ਆਈ. ਟੀ. ਵਲੋਂ ਸੁਖਬੀਰ ਬਾਦਲ ਨੂੰ ਦੋਸ਼ੀ ਦੇ ਤੌਰ 'ਤੇ ਚਾਰਜਸ਼ੀਟ ਵਿਚ ਸ਼ਾਮਲ ਕਰਨ 'ਤੇ ਪ੍ਰਤੀਕਰਮ ਦਿੰਦੇ ਹੋਏ ਉਨ੍ਹਾਂ ਪੁੱਛਿਆ ਕਿ ਕੀ ਸੁਖਬੀਰ ਹੁਣ ਪ੍ਰਧਾਨ ਅਹੁਦੇ ਤੋਂ ਅਸਤੀਫਾ ਦੇਣਗੇ? ਉਨ੍ਹਾਂ ਖੁਲਾਸਾ ਕੀਤਾ ਕਿ ਕਈ ਕਮੇਟੀ ਮੈਬਰਾਂ ਦੀ ਹਾਜ਼ਰੀ ਵਿਚ ਮੇਰੇ ਕਮਰੇ ਵਿਚ ਖੜ੍ਹੇ ਹੋ ਕੇ ਸਿਰਸਾ ਨੇ ਹਿੱਤ ਉੱਤੇ 2 ਕਰੋੜ ਦਾ ਘਪਲਾ ਕਰਨ ਦਾ ਦੋਸ਼ ਲਾਇਆ ਸੀ। ਕਾਲਕਾ ਨੇ ਵੀ ਜੀ.ਟੀ.ਆਈ.ਬੀ.ਟੀ. ਵਿਚ ਬਣੇ ਫਰਜ਼ੀ ਉਸਾਰੀ ਦੇ ਬਿੱਲਾਂ, 80 ਲੱਖ ਦੀਆਂ ਪੌੜੀਆਂ ਅਤੇ 15 ਲੱਖ ਦੇ ਫੁਹਾਰੇ ਦਾ ਹਿਸਾਬ ਪੁੱਛਿਆ ਸੀ, ਜਿਸ 'ਤੇ ਹਿੱਤ ਨੇ ਜਵਾਬ ਦੇਣ ਦੀ ਜਗ੍ਹਾ ਕਾਲਕਾ ਦੇ ਦਾਦੇ ਨੂੰ ਹੀ ਭ੍ਰਿਸ਼ਟਾਚਾਰੀ ਦੱਸ ਦਿੱਤਾ।