MLA ਰਮਨ ਅਰੋੜਾ ਦਾ 'ਮਾਇਆ-ਜਾਲ'! ਇਕ-ਇਕ ਕਰਕੇ ਖੁੱਲ੍ਹਣ ਲੱਗੀਆਂ ਪਰਤਾਂ

ਜਲੰਧਰ: ਭ੍ਰਿਸ਼ਟਾਚਾਰ ਦੇ ਦੋਸ਼ਾਂ ਹੇਠ ਨਾਭਾ ਜੇਲ੍ਹ 'ਚ ਬੰਦ ਆਮ ਆਦਮੀ ਪਾਰਟੀ ਦੇ ਵਿਧਾਇਕ ਰਮਨ ਅਰੋੜਾ ਦੇ ਕੁਰਪਸ਼ਨ ਕਾਂਡ 'ਚ ਹਰ ਰੋਜ਼ ਨਵੇਂ ਖੁਲਾਸੇ ਹੋ ਰਹੇ ਹਨ। ਹੁਣ ਇਹ ਗੱਲ ਵੀ ਸਾਹਮਣੇ ਆਈ ਹੈ ਕਿ ਵਿਧਾਇਕ ਦੇ ਸਾਂਢੂ ਰਾਜਨ ਕਪੂਰ ਅਤੇ ਕੁੜਮ ਰਾਜ ਕੁਮਾਰ ਉਰਫ਼ ਰਾਜੂ ਮਦਾਨ ਅਤੇ ਉਸ ਦੇ ਪਰਿਵਾਰ ਦੇ ਕਾਰੋਬਾਰਾਂ 'ਚ ਚੋਣ ਨਤੀਜਿਆਂ ਮਗਰੋਂ ਅਚਾਨਕ ਬਹੁਤ ਜ਼ਿਆਦਾ ਉਛਾਲ ਆ ਗਿਆ। ਜਿਸ ਕਾਰੋਬਾਰ ਦੀ ਟਰਨ-ਓਵਰ ਪਹਿਲਾਂ 40 ਲੱਖ ਦੇ ਕਰੀਬ ਸੀ, ਉਹ 12 ਕਰੋੜ ਤੋਂ ਵੀ ਟੱਪ ਗਈ। ਵਿਜੀਲੈਂਸ ਵੱਲੋਂ ਬੜੀ ਬਾਰੀਕੀ ਨਾਲ ਇਸ ਦੀ ਜਾਂਚ ਕੀਤੀ ਜਾ ਰਹੀ ਹੈ। 

ਇਹ ਖ਼ਬਰ ਵੀ ਪੜ੍ਹੋ - ਬਿਕਰਮ ਮਜੀਠੀਆ ਦੇ ਘਰ ਵਿਜੀਲੈਂਸ ਦੀ Raid! ਨਸ਼ਿਆਂ ਖ਼ਿਲਾਫ਼ ਮਾਨ ਸਰਕਾਰ ਦਾ ਸਭ ਤੋਂ ਵੱਡਾ ਐਕਸ਼ਨ

ਵਿਜੀਲੈਂਸ ਨੂੰ ਸ਼ੱਕ ਹੈ ਕਿ ਇਹ ਵਾਧਾ ਕਥਿਤ ਤੌਰ 'ਤੇ ਵਿਧਾਇਕ ਰਮਨ ਅਰੋੜਾ ਦੀ ਕਾਲੀ ਕਮਾਈ ਨੂੰ ਘੁੰਮਾਉਣ ਦਾ ਨਤੀਜਾ ਹੋ ਸਕਦਾ ਹੈ। ਇਸੀ ਸਬੰਧੀ ਰਾਜੂ ਮਦਾਨ ਦੇ ਪੁੱਤਰਾਂ – ਗੌਰਵ ਮਦਾਨ ਅਤੇ ਕਰਨ ਮਦਾਨ ਦੇ ਬੈਂਕ ਖਾਤਿਆਂ ਦੀ ਵੀ ਗੰਭੀਰਤਾ ਨਾਲ ਜਾਂਚ ਜਾਰੀ ਹੈ।

ਕਾਰੋਬਾਰ ਵਿਚ ਅਚਾਨਕ ਵਾਧਾ

ਮਦਾਨ ਕਾਰਡਜ਼ ਫਰਮ, ਜੋ ਕਿ ਰਾਜੂ ਮਦਾਨ ਚਲਾਉਂਦਾ ਹੈ, ਦਾ ਟਰਨਓਵਰ 2021-22 'ਚ ₹2.62 ਕਰੋੜ ਸੀ, ਜੋ ਕਿ ਰਮਨ ਅਰੋੜਾ ਦੇ ਵਿਧਾਇਕ ਬਣਨ ਤੋਂ ਬਾਅਦ 2022-23 'ਚ ₹5.87 ਕਰੋੜ, 2023-24 'ਚ ₹8.96 ਕਰੋੜ ਅਤੇ 2024-25 'ਚ ₹10.15 ਕਰੋੜ ਹੋ ਗਿਆ।

ਇਸੇ ਤਰ੍ਹਾਂ ਰਾਜਨ ਕਪੂਰ ਦੀ ਫਰਮ ਜਗਦੰਬੇ ਫੈਸ਼ਨ ਦਾ ਵੀ ਟਰਨਓਵਰ 2021-22 'ਚ ਸਿਰਫ ₹39 ਲੱਖ ਸੀ, ਪਰ 2022-23 'ਚ ₹10 ਕਰੋੜ ਅਤੇ 2023-24 'ਚ ₹12 ਕਰੋੜ ਹੋ ਗਿਆ।

ਬੈਂਕ ਖਾਤਿਆਂ 'ਚ ਹੋਈਆਂ ਵੱਡੀਆਂ ਐਂਟਰੀਆਂ

27 ਦਸੰਬਰ 2022 ਨੂੰ ਰਾਜੂ ਮਦਾਨ ਦੇ ਖਾਤੇ 'ਚ ₹61 ਲੱਖ ਆਏ।

26 ਮਾਰਚ 2024 ਤੋਂ 24 ਅਪ੍ਰੈਲ 2025 ਤਕ ₹14.44 ਲੱਖ ਦੀਆਂ ਐਂਟਰੀਆਂ ਹੋਈਆਂ।

ਗੌਰਵ ਮਦਾਨ ਦੇ ਖਾਤੇ 'ਚ ਵਨੀਤ ਨਾਮਕ ਵਿਅਕਤੀ ਤੋਂ ₹4 ਲੱਖ ਅਤੇ 15 ਜੂਨ 2024 ਨੂੰ ₹5 ਲੱਖ ਦੀ ਐਂਟਰੀ ਮਿਲੀ।

ਕਰਨ ਮਦਾਨ ਦੇ ਖਾਤੇ 'ਚ 23 ਅਪ੍ਰੈਲ ਤੋਂ 12 ਮਈ 2025 ਤਕ ₹50.31 ਲੱਖ ਅਤੇ 23 ਅਪ੍ਰੈਲ 2025 ਨੂੰ ₹10.31 ਲੱਖ ਜਮ੍ਹਾਂ ਹੋਏ।

ਰਿਸ਼ਤੇਦਾਰਾਂ ਵਿਚਾਲੇ ਟ੍ਰਾਂਜ਼ੈਕਸ਼ਨਜ਼

ਬੈਂਕ ਰਿਕਾਰਡ ਤੋਂ ਪਤਾ ਲੱਗਾ ਹੈ ਕਿ ਗੌਰਵ ਮਦਾਨ ਨੇ 22 ਮਾਰਚ 2024 ਨੂੰ ਆਪਣੇ ਫਰਾਰ ਸਾਲੇ ਰਾਜਨ ਅਰੋੜਾ ਦੇ ਨਾਂ ਵਾਲੀ ਫਰਮ ਡੀ.ਪੀ. ਸਨਜ਼ ਨੂੰ ₹19 ਲੱਖ ਭੇਜੇ। ਇਸ ਤੋਂ ਪਹਿਲਾਂ ਕਾਇਆ ਟ੍ਰੈਂਡਜ਼, ਸੂਰਤ ਵੱਲੋਂ ਰਾਜਨ ਦੇ ਖਾਤੇ 'ਚ ₹60 ਲੱਖ ਭੇਜੇ ਗਏ ਸਨ। ਇਹ ਰਕਮ ਕਿਉਂ ਆਈ, ਇਹ ਰਾਜਨ ਦੇ ਫੜੇ ਜਾਣ ਤੋਂ ਬਾਅਦ ਹੀ ਸਪਸ਼ਟ ਹੋਵੇਗਾ।

ਇਹ ਖ਼ਬਰ ਵੀ ਪੜ੍ਹੋ - ਪੰਜਾਬ ਦੀ ਸਿਆਸਤ 'ਚ ਹਲਚਲ! ਪਰਗਟ ਸਿੰਘ ਤੇ ਕਿੱਕੀ ਢਿੱਲੋਂ ਨੇ ਦਿੱਤਾ ਅਸਤੀਫ਼ਾ

ਕਾਨੂੰਨੀ ਕਾਰਵਾਈ

ਰਾਜੂ ਮਦਾਨ ਦੀ ਅੰਟੀਸਿਪੇਟਰੀ ਜ਼ਮਾਨਤ ਦੀ ਸੁਣਵਾਈ ਅੱਜ ਹੋਣੀ ਹੈ।

ਰਮਨ ਅਰੋੜਾ ਦੀ ਜ਼ਮਾਨਤ 'ਤੇ 3 ਜੁਲਾਈ ਨੂੰ ਸੁਣਵਾਈ ਹੋਏਗੀ।

14 ਮਈ ਨੂੰ ਏ.ਟੀ.ਪੀ. ਸੁਖਦੇਵ ਵਸ਼ਿਸ਼ਠ ਦੀ ਗ੍ਰਿਫ਼ਤਾਰੀ ਤੋਂ ਸ਼ੁਰੂ ਹੋਇਆ ਕਾਰਵਾਈ ਦਾ ਸਿਲਸਿਲਾ, ਹੁਣ ਤਕ ਰਮਨ ਅਰੋੜਾ, ਆੜ੍ਹਤੀ ਮਹੇਸ਼ ਮਖੀਜਾ ਅਤੇ ਨਿਗਮ ਦੀ ਇੰਸਪੈਕਟਰ ਹਰਪ੍ਰੀਤ ਕੌਰ ਦੀ ਗ੍ਰਿਫਤਾਰੀ ਤੱਕ ਪਹੁੰਚ ਚੁੱਕਾ ਹੈ।

ਹੁਣ ਤੱਕ ਕੀ ਮਿਲਿਆ?

ਰਮਨ ਅਰੋੜਾ ਦੇ ਘਰੋਂ ₹6.30 ਲੱਖ ਨਕਦ ਅਤੇ 1200 ਗ੍ਰਾਮ ਸੋਨਾ

ਮਹੇਸ਼ ਮਖੀਜਾ ਕੋਲੋਂ ₹36 ਲੱਖ

ਕੁੱਲ ਰਕਮ: ₹42.47 ਲੱਖ ਨਕਦ, ਥਾਰ ਗੱਡੀ, ਅਤੇ ਕਰੀਬ 2584 ਗ੍ਰਾਮ ਸੋਨੇ ਦੇ ਗਹਿਣੇ

ਵਿਜੀਲੈਂਸ ਦੀ ਜਾਂਚ ਜਾਰੀ ਹੈ ਤੇ ਹੋਰ ਵੱਡੇ ਖ਼ੁਲਾਸਿਆਂ ਦੀ ਉਮੀਦ ਹੈ।

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8