'ਆ ਜੋ ਭਾਈ ਜੀ ਆ ਜੋ, ਸਾਡੇ ਖੇਤਾਂ 'ਚ ਝੋਨਾ ਲਗਾਓ, ਏ.ਸੀ. ਵਾਲੀ ਕੋਠੀ ਨਾਲੇ ਸਾਰਾ ਰਾਸ਼ਨ ਫਰੀ'
06/14/2019 3:23:46 PM
ਜਲੰਧਰ, ਬਠਿੰਡਾ, ਪਟਿਆਲਾ, ਲੁਧਿਆਣਾ (ਸੋਨੂੰ, ਅਮਿਤ, ਬਖਸ਼ੀ, ਨਰਿੰਦਰ)—ਪੰਜਾਬ 'ਚ ਅੱਜ ਝੋਨੇ ਦੀ ਬੀਜਾਈ ਸ਼ੁਰੂ ਹੋ ਗਈ ਹੈ, ਜਿਸ ਦੇ ਚੱਲਦੇ ਪੰਜਾਬ ਤੋਂ ਬਾਹਰ ਜ਼ਿਆਦਾ ਦਿਹਾੜੀ ਅਤੇ ਮਨਰੇਗਾ ਸਕੀਮ ਦੇ ਅਸਰ ਦੇ ਕਾਰਨ ਪੰਜਾਬ 'ਚ ਕਿਸਾਨਾਂ ਨੂੰ ਝੋਨੇ ਦੀ ਰੋਪਾਈ ਲਈ ਮਜ਼ਦੂਰ ਨਹੀਂ ਮਿਲ ਰਹੇ ਹਨ। ਕਿਸਾਨਾਂ ਨੂੰ ਚਿੰਤਾ ਸਤਾਉਣ ਲੱਗੀ ਹੈ ਕਿ ਝੋਨੇ ਦੀ ਰੋਪਾਈ ਕਿਸ ਤਰ੍ਹਾਂ ਹੋਵੇਗੀ। ਮਜ਼ਦੂਰਾਂ ਦੀ ਤਲਾਸ਼ 'ਚ ਕਿਸਾਨ ਰੇਲਵੇ ਸਟੇਸ਼ਨਾਂ ਦੇ ਚੱਕਰ ਕੱਟ ਰਹੇ ਹਨ। ਵੀਰਵਾਰ ਸਵੇਰੇ ਸਟੇਸ਼ਨ ਦੇ ਬਾਹਰ ਮਜ਼ਦੂਰਾਂ ਨਾਲ ਗੱਲਬਾਤ ਕਰ ਰਹੇ ਪਿੰਡ ਬੂਥਗੜ੍ਹ ਦੇ ਕਿਸਾਨ ਮਨੀ ਬੈਨੀਪਾਲ ਪ੍ਰਵਾਸੀ ਮਜ਼ਦੂਰਾਂ ਨੂੰ ਨਾਲ ਲੈ ਜਾਣ ਲਈ 'ਆ ਜੋ ਭਾਈ ਜੀ ਆ ਜੋ, ਸਾਡੇ ਖੇਤਾਂ 'ਚ ਝੋਨਾ ਲਗਾਓ, ਜ਼ਿਆਦਾ ਦਿਹਾੜੀ, ਏ.ਸੀ. ਵਾਲੀ ਕੋਠੀ ਨਾਲੇ ਸਾਰਾ ਰਾਸ਼ਨ ਫਰੀ ਪਾਓ' ਦੀਆਂ ਆਵਾਜ਼ਾਂ ਲਗਾਉਂਦੇ ਹੋਏ ਦਿਖਾਏ ਦਿੱਤੇ, ਪਰ ਇਸ ਦੇ ਬਾਵਜੂਦ ਮਜ਼ਦੂਰ ਉਨ੍ਹਾਂ ਦੇ ਨਾਲ ਨਹੀਂ ਗਏ ਕਿਉਂਕਿ ਉਹ 12 ਸਾਲ ਤੋਂ ਪਿੰਡ ਚੀਮਾ 'ਚ ਇਕ ਕਿਸਾਨ ਦੇ ਕੋਲ ਕੰਮ ਕਰ ਰਹੇ ਹਨ। ਉਨ੍ਹਾਂ ਨੇ ਐਂਡਵਾਸ ਵੀ ਲਿਆ ਹੋਇਆ ਹੈ। ਉਹ ਉਨ੍ਹਾਂ ਦੇ ਕੋਲ ਹੀ ਜਾ ਕੇ ਕੰਮ ਕਰਨਗੇ।
ਕਿਸਾਨਾਂ ਨੂੰ ਸਤਾ ਰਹੀ ਰੋਪਾਈ ਲੇਟ ਹੋਣ ਦੀ ਚਿੰਤਾ
ਕਿਸਾਨ ਬੈਨੀਪਾਲ ਨੇ ਦੱਸਿਆ ਕਿ ਲੇਬਰ ਦੀ ਕਮੀ ਦੇ ਕਾਰਨ ਖੇਤੀਬਾੜੀ ਪ੍ਰਭਾਵਿਤ ਹੋ ਰਹੀ ਹੈ। 60 ਏਕੜ 'ਚ ਖੇਤੀਬਾੜੀ ਸੂਰਜਮੁਖੀ ਦੀ ਕਟਾਈ ਨਹੀਂ ਹੋ ਰਹੀ। ਝੋਨੇ ਦੀ ਬਿਜਾਈ ਵੀ ਲੇਟ ਹੈ। ਤਿੰਨ ਦਿਨ ਤੋਂ ਖਤਰਾ, ਮੰਡੀ ਗੋਬਿੰਦਗੜ੍ਹ ਅਤੇ ਸਰਹਿੰਦ ਸਟੇਸ਼ਨ 'ਤੇ ਮਜ਼ਦੂਰਾਂ ਦੀ ਤਲਾਸ਼ ਕਰ ਰਹੇ ਹਨ ਤੇ ਸਭ ਬੇਕਾਰ ਹੈ। ਪਿੰਡ ਰਸੂਲਗੜ੍ਹ ਦੇ ਕਿਸਾਨ ਸਰਬਜੀਤ ਸਿੰਘ ਨੇ ਕਿਹਾ ਕਿ ਦਿਨ 'ਚ ਚਾਰ ਵਾਰ ਰੇਲਵੇ ਸਟੇਸ਼ਨ ਦਾ ਚੱਕਰ ਲਗਾਉਂਦੇ ਹਨ ਪਰ ਮਜ਼ਦੂਰ ਨਹੀਂ ਮਿਲ ਰਹੇ।
ਕਈ ਦਿਨ ਤੋਂ ਆ ਰਹੇ ਹਨ ਫੋਨ
ਰੇਲਵੇ ਸਟੇਸ਼ਨ 'ਤੇ ਆਪਣੇ ਸਾਥੀਆਂ ਨਾਲ ਪਹੁੰਚੇ ਮਜ਼ਦੂਰ ਰਾਮੂ ਪਾਸਵਾਨ ਨਾਲ ਜਦੋਂ ਕਿਸਾਨ ਗੱਲ ਕਰ ਰਿਹਾ ਸੀ ਤਾਂ ਉਸ ਦਾ ਦੋ-ਟੂਕ ਕਹਿਣਾ ਸੀ ਕਿ ਉਹ ਫਰੀ ਨਹੀਂ ਹੈ। ਕਈ ਦਿਨ ਪਹਿਲਾਂ ਤੋਂ ਪੁਰਾਣੇ ਮਾਲਕਾਂ ਦੇ ਫੋਨ ਆ ਰਹੇ ਹਨ। ਉਹ ਪਹਿਲਾਂ ਹੀ ਜਲੰਧਰ ਲੇਟ ਪਹੁੰਚੇ ਹਨ। ਇਸ ਸਮੇਂ 'ਚ ਕਿਸੇ ਦੂਜੇ ਕੋਲ ਜਾ ਕੇ ਧਾਨ ਦੀ ਰੋਪਾਈ ਕਰਨ ਦਾ ਸਵਾਲ ਪੈਦਾ ਹੀ ਨਹੀਂ ਹੁੰਦਾ।
ਲਗਾਤਾਰ ਪੇਸ਼ ਆ ਰਹੀਆਂ ਲੇਬਰ ਨੂੰ ਮੁਸ਼ਕਲਾਂ
ਲੇਬਰ ਦੀ ਮੁਸ਼ਕਲ ਦਾ ਸਾਹਮਣਾ ਕਿਸਾਨਾਂ ਨੂੰ ਲਗਾਤਾਰ ਕਰਨਾ ਪੈ ਰਿਹਾ ਹੈ। ਪਿਛਲੇ ਸਾਲ ਵੀ ਪਰੇਸ਼ਾਨੀ ਝੇਲਣੀ ਪਈ ਸੀ। ਬਿਹਾਰ, ਯੂ.ਪੀ. ਅਤੇ ਝਾਰਖੰਡ ਤੋਂ ਆਉਣ ਵਾਲੇ ਮਜ਼ਦੂਰਾਂ ਦੀ ਗਿਣਤੀ 'ਚ ਲਗਾਤਾਰ ਗਿਰਾਵਟ ਆ ਰਹੀ ਹੈ, ਇਹ ਹੀ ਕਾਰਨ ਹੈ ਕਿ ਪੰਜਾਬ ਦੇ ਕਿਸਾਨ ਦੋਗੁਣੀ ਮਜ਼ਦੂਰੀ, ਫਰੀ ਭੋਜਨ, ਰਹਿਣ ਦੇ ਨਾਲ-ਨਾਲ ਫਰੀ ਮੋਬਾਇਲ ਵੀ ਆਫਰ ਕਰ ਰਹੇ ਹਨ।
