ਕਲਯੁਗੀ ਮਾਂ ਦਾ ਰੂਹ ਕੰਬਾਊ ਕਾਰਾ, 10 ਸਾਲਾ ਬੱਚੀ ਦੇ ਸਰੀਰ ''ਤੇ ਦਾਗੇ ਗਰਮ ਸਰੀਏ, ਪ੍ਰਾਈਵੇਟ ਪਾਰਟ ਤੱਕ ਨਹੀਂ ਛੱਡਿਆ

ਫਿਲੌਰ (ਭਾਖੜੀ)–ਕੁਲਯੁਗੀ ਮਾਂ ਇਸ ਹੱਦ ਤੱਕ ਨਿਰਦਾਈ ਬਣ ਜਾਵੇਗੀ ਕਿਸੇ ਨੇ ਸੋਚਿਆ ਤੱਕ ਨਹੀਂ ਹੋਵੇਗਾ। ਮਾਂ ਦੇ ਨਾਂ ’ਤੇ ਕਲੰਕ ਇਸ ਮਾਂ ਨੇ ਆਪਣੀ 10 ਸਾਲ ਦੀ ਬੱਚੀ ਨਾਲ ਉਹ ਕਹਿਰ ਕਮਾਇਆ, ਜਿਸ ਬਾਰੇ ਸੁਣ ਤੁਹਾਡੀ ਵੀ ਰੂਹ ਕੰਬ ਜਾਵੇਗੀ। 6ਵੀਂ ਕਲਾਸ ਵਿਚ ਪੜ੍ਹਦੀ 10 ਸਾਲਾ ਬੱਚੀ ਨੂੰ ਸਜ਼ਾ ਦੇਣ ਲਈ ਮਾਂ ਉਸ ਦਾ ਸਰੀਰ ਲੋਹੇ ਦੇ ਸਰੀਏ ਨੂੰ ਗਰਮ ਕਰਕੇ ਆਏ ਦਿਨ ਲਾ ਕੇ ਜਲਾਉਂਦੀ ਰਹੀ। ਬੱਚੀ ਦੇ ਜਿਸਮ ’ਤੇ ਬਣੇ ਜ਼ਖ਼ਮਾਂ ਵਿਚੋਂ ਹਰ ਵਕਤ ਪਾਣੀ ਰਿਸਦਾ ਰਹਿੰਦਾ ਸੀ, ਸਕੂਲ ਵਿਚ ਜਲਿਆ ਹੋਇਆ ਸਰੀਰ ਕੋਈ ਵੇਖ ਨਾ ਲਵੋ, ਇਸ ਲਈ ਉਸ ਦੀ ਬਾਕਾਇਦਾ ਚੁੰਨੀ ਨਾਲ ਸਰੀਰ ਨੂੰ ਢੱਕ ਕੇ ਰੱਖਣ ਦੀ ਹਿਦਾਇਤ ਕੀਤੀ ਹੋਈ ਸੀ। ਕੁਲਯੁਗੀ ਮਾਂ ਨੇ ਆਪਣੀ ਬੱਚੀ ਦੇ ਜਿਸਮ ਦੇ ਅੰਦਰੂਨੀ ਹਿੱਸੇ (ਪ੍ਰਾਈਵੇਟ ਪਾਰਟ) ਤੱਕ ਨਹੀਂ ਛੱਡੇ, ਉਨ੍ਹਾਂ ਨੂੰ ਵੀ ਗਰਮ ਸਰੀਆ ਲਾ ਕੇ ਸਾੜ ਦਿੱਤਾ। ਐਤਵਾਰ ਜਦ ਪਿੰਡ ਦੀ ਪੰਚਾਇਤ ਬੈਠੀ ਤਾਂ ਕੁਲਯੁਗੀ ਮਾਂ ਨੇ ਕਨ ਫੜ ਕੇ ਦੋਬਾਰਾ ਇਸ ਤਰ੍ਹਾਂ ਦੀ ਗਲਤੀ ਨਾ ਕਰਨ ਦਾ ਕਹਿ ਕੇ ਮੁਆਫ਼ੀ ਮੰਗ ਕੇ ਜਾਨ ਛੁਡਵਾਈ।

ਫਿਲੌਰ ਨੇੜੇ ਪਿੰਡ ਛੋਟੀ ਪਾਲਾਂ ਦੀ ਰਹਿਣ ਵਾਲੀ 10 ਸਾਲਾ ਬੱਚੀ ਪਿੰਡ ਦੇ ਸਰਕਾਰੀ ਸਕੂਲ ਵਿਚ 6ਵੀਂ ਕਲਾਸ ਵਿਚ ਪੜ੍ਹਦੀ ਹੈ, ਉਸ ਉਤੇ ਹੋ ਰਹੇ ਇਸ ਤਸੀਹੇ ਬਾਰੇ ਸੁਣ ਕੇ ਹਰ ਕਿਸੇ ਦਾ ਸੀਨਾ ਫਟ ਗਿਆ। ਇਸ ਮਾਸੂਮ ਬੱਚੀ ਦਾ ਪੂਰਾ ਸਰੀਰ ਲੋਹੇ ਦੇ ਗਰਮ ਸਰੀਏ ਨਾਲ ਰੋਜ਼ ਸਾੜਿਅ ਜਾਂਦਾ ਸੀ। ਇਸ ਘਟਨਾ ਨੂੰ ਅੰਜਾਮ ਕੋਈ ਹੋਰ ਨਹੀਂ ਸਗੋਂ ਉਸ ਦੀ ਆਪਣੀ ਮਾਂ ਦਿੰਦੀ ਸੀ।

ਇਹ ਵੀ ਪੜ੍ਹੋ - ਟਰਾਂਸਪੋਰਟ ਮੰਤਰੀ ਲਾਲਜੀਤ ਭੁੱਲਰ ਨੇ ਕਰਤਾਰਪੁਰ ਜੰਗ-ਏ-ਅਜ਼ਾਦੀ ਨੇੜੇ ਪ੍ਰਾਈਵੇਟ ਬੱਸਾਂ ਦੀ ਕੀਤੀ ਅਚਨਚੇਤ ਚੈਕਿੰਗ

ਇੰਝ ਖੁੱਲ੍ਹੀ ਮਾਂ ਦੀ ਕਾਲੀ ਕਰਤੂਤ
ਰੋਜ਼ਾਨਾ ਬੱਚੀ ਪੜ੍ਹਨ ਲਈ ਪਿੰਡ ਦੇ ਸਰਕਾਰੀ ਸਕੂਲ ਵਿਚ ਜਾਂਦੀ ਸੀ, ਸਕੂਲ ਵਿਚ ਵੀ ਡਰੀ-ਸਹਿਮੀ ਬੈਠੀ ਰਹਿੰਦੀ ਸੀ। ਬੱਚੀ ਉੱਤੋਂ ਬੀਤੇ ਦਿਨੀਂ ਚੁੰਨੀ ਹਟੀ ਤਾਂ ਸਕੂਲ ਅਧਿਆਪਕਾਂ ਨੇ ਉਸ ਦੇ ਸਰੀਰ ਦੇ ਸੜਣ ਕਾਰਨ ਹੋਏ ਜ਼ਖ਼ਮਾਂ ਨੂੰ ਵੇਖਿਆ। ਉਹ ਬੱਚੀ ਨੂੰ ਦੂਜੇ ਕਮਰੇ ’ਚ ਲੈ ਗਈ, ਜਿੱਥੇ ਜ਼ਖ਼ਮਾਂ ’ਤੇ ਮਰਹਮ ਲਾਉਂਦੇ ਹੋਏ ਮੈਡਮ ਨੇ ਬੱਚੀ ਦੇ ਜ਼ਖ਼ਮ ਵੇਖੇ ਅਤੇ ਬੱਚੀ ਦੇ ਪ੍ਰਾਈਵੇਟ ਅੰਗਾਂ ਕੋਲ ਵੀ ਸਰੀਰ ਸੜਿਆ ਹੋਇਆ ਸੀ। 

ਮਾਂ ਨੂੰ ਲੱਗਿਆ, ਬੱਚੀ ਨੇ ਲੁਕਾਏ ਨੇ ਪੈਸੇ, ਫਿਰ ਦਿੱਤੀ ਇਹ ਸਜ਼ਾ
ਬੱਚੀ ਨੇ ਦੱਸਿਆ ਕਿ ਮਾਂ ਨੂੰ ਲੱਗਿਆ ਕਿ ਮੈਂ ਕਿਤੇ ਪੈਸੇ ਛੁਪਾ ਲਏ ਹਨ, ਜਿਸ ਕਾਰਨ ਉਸ ਨੇ ਸਰੀਆ ਗਰਮ ਕਰਕੇ ਮੇਰੇ ਸਰੀਰ ਨੂੰ ਸਾੜਿਆ ਪਰ ਪੈਸੇ ਘਰ ਵਿਚ ਹੀ ਕਿਤੇ ਪਏ ਹੋਏ ਸਨ। ਬੱਚੀ ਨੇ ਦੱਸਿਆ ਕਿ ਇਹ ਕੋਈ ਪਹਿਲੀ ਵਾਰ ਸਜ਼ਾ ਨਹੀਂ ਮਿਲੀ, ਉਸ ਨੂੰ ਕਈ ਵਾਰ ਇਸ ਤਰ੍ਹਾਂ ਦੀ ਸਜ਼ਾ ਮਿਲੀ ਹੈ। ਉਸ ਦੇ ਸਰੀਰ ਦਾ ਇਸ ਤਰ੍ਹਾਂ ਦਾ ਕੋਈ ਅੰਗ ਨਹੀਂ ਜਿੱਥੇ ਉਸ ਦੀ ਮਾਂ ਨੇ ਗਰਮ ਸਰੀਆ ਨਾ ਲਾਇਆ ਹੋਵੇ। ਬੱਚੀ ਦੀ ਹਾਲਤ ਵੇਖ ਕੇ ਅਧਿਆਪਕਾ ਵੀ ਰੋ ਪਈ। ਇਸ ਤਰ੍ਹਾਂ ਕਲਯੁਗੀ ਮਾਂ ਦਾ ਅੱਤਿਆਚਾਰ ਦਾ ਰਾਜ਼ ਖੁੱਲ੍ਹ ਗਿਆ। ਬੱਚੀ ’ਤੇ ਅੱਤਿਆਚਾਰ ਕਰਨ ਵਾਲੀ ਕਲਯੁਗੀ ਮਾਂ ਰਾਜ ਰਾਣੀ ਨੇ ਦੱਸਿਆ ਕਿ ਉਨ੍ਹਾਂ ਨੇ ਇਹ ਬੱਚੀ ਗੋਦ ਲੈ ਲਈ ਸੀ। ਉਸ ਦੇ ਮੁਤਾਬਕ ਬੱਚੀ ਦੇ ਮਾਤਾ-ਪਿਤਾ ਗਰੀਬ ਸਨ, ਉਨ੍ਹਾਂ ਨੇ ਮੁੰਡੇ ਦੀ ਉਮੀਦ ’ਚ 6 ਕੁੜੀਆਂ ਨੂੰ ਜਨਮ ਦਿੱਤਾ ਸੀ। ਉਨ੍ਹਾਂ ਨੇ ਇਸ ਬੱਚੀ ਨੂੰ ਗੋਦ ਲੈ ਲਿਆ ਸੀ ਅਤੇ ਨੌਕਰਾਣੀ ਦੀ ਤਰ੍ਹਾਂ ਕੰਮ ਕਰਵਾਉਣ ਲੱਗ ਗਈ ਅਤੇ ਅੰਤਿਆਚਾਰ ਕਰਨਾ ਸ਼ੁਰੂ ਕਰ ਦਿੱਤਾ। ਜਦ ਇਸ ਮਮਲੇ ਵਿਚ ਐਤਵਾਰ ਪਿੰਡ ਦੀ ਪੰਚਾਇਤ ਬੈਠੀ ਤਾਂ ਕੁਲਯੁਗੀ ਇਸ ਮਤਰੇਈ ਮਾਂ ਨੇ ਕੰਨ ਫੜ ਕੇ ਦੋਬਾਰਾ ਇਸ ਤਰ੍ਹਾਂ ਦੀ ਗਲਤੀ ਨਾ ਕਰਨ ਦਾ ਕਹਿ ਕੇ ਮੁਆਫ਼ੀ ਮੰਗ ਕੇ ਜਾਨ ਛੁਡਾ ਲਈ।

ਇਹ ਵੀ ਪੜ੍ਹੋ - ਮਿਲੀ ਰੂਹ ਕੰਬਾਊ ਮੌਤ, ਭੋਗਪੁਰ 'ਚ ਤਾਰਾਂ ਨਾਲ ਲਟਕਿਆ ਰਿਹਾ ਲਾਈਨਮੈਨ, ਤੜਫ਼-ਤੜਫ਼ ਕੇ ਨਿਕਲੀ ਜਾਨ

ਨੋਟ- ਇਸ ਖ਼ਬਰ ਸਬੰਧੀ ਆਪਣੇ ਵਿਚਾਰ ਕੁਮੈਂਟ ਬਾਕਸ 'ਚ ਸਾਂਝੇ ਕਰੋ।

ਪੰਜਾਬ ਅਤੇ ਦੇਸ਼ ਦੁਨੀਆਂ ਦੀਆਂ ਖ਼ਬਰਾਂ ਟੈਲੀਗ੍ਰਾਮ ’ਤੇ ਵੀ ਪੜ੍ਹਨ ਲਈ ਇਸ ਲਿੰਕ ’ਤੇ ਕਲਿੱਕ ਕਰੋ https://t.me/onlinejagbani