ਮੋਗਾ: ਮਹਿਲਾ 'ਤੇ ਤਸ਼ੱਦਦ ਢਾਉਣ ਵਾਲਾ ਕਾਂਸਟੇਬਲ ਪਤੀ ਚੜ੍ਹਿਆ ਪੁਲਸ ਹੱਥੇ
02/08/2020 1:41:22 PM
ਮੋਗਾ (ਸੰਜੀਵ ਗੁਪਤਾ, ਵਿਪਨ): ਮੋਗਾ ਦੇ ਪਿੰਡ ਝੰਡੇ ਆਨਾ 'ਚ ਮਹਿਲਾ ਦੇ ਵਾਲ ਕੱਟ ਕੇ ਅਤੇ ਉਸ ਦਾ ਮੂੰਹ ਕਾਲਾ ਕਰਕੇ ਪਿੰਡ 'ਚ ਘੁਮਾਉਣ ਵਾਲੇ ਪੁਲਸ ਮੁਲਾਜ਼ਮ ਪਤੀ ਨੂੰ ਮੋਗਾ ਪੁਲਸ ਨੇ ਉਸ ਨੂੰ ਅੰਮ੍ਰਿਤਸਰ ਤੋਂ ਗ੍ਰਿਫਤਾਰ ਕਰ ਲਿਆ ਹੈ ਅਤੇ ਪੁਲਸ ਨੇ ਅੱਜ ਉਸ ਨੂੰ ਅਦਾਲਤ 'ਚ ਪੇਸ਼ ਕੀਤਾ ਹੈ, ਜਿਸ 'ਤੇ ਉਸ ਨੂੰ ਰਿਮਾਂਡ ਤੇ ਲਿਆ ਜਾਵੇਗਾ। ਇਸ ਹੌਲਦਾਰ ਨੂੰ ਸੰਸਪੈਂਡ ਕਰ ਦਿੱਤਾ ਗਿਆ ਹੈ। ਇਸ ਮਾਮਲੇ ਦੇ ਪੰਜਾਬ ਰਾਜ ਮਹਿਲਾ ਕਮਿਸ਼ਨ ਨੇ ਵੀ ਮੋਗਾ ਐੱਸ.ਐੱਸ.ਪੀ. ਤੋਂ 4 ਦਿਨ 'ਚ ਰਿਪੋਰਟ ਮੰਗੀ ਸੀ।
ਦੱਸਣਯੋਗ ਹੈ ਕਿ ਪੀੜਤ ਜਸਵੀਰ ਕੌਰ ਨੇ ਦੋਸ਼ ਲਗਾਇਆ ਸੀ ਕਿ ਉਸ ਦਾ ਪਤੀ ਇੰਦਰਜੀਤ ਸਿੰਘ ਜੋ ਕਿ ਇਕ ਹਵਲਦਾਰ ਹੈ, ਉਸ 'ਤੇ ਬੀਤੇ ਕਈ ਸਾਲਾਂ ਤੋਂ ਤਸ਼ਦੱਦ ਢਾਉਂਦਾ ਆ ਰਿਹਾ ਸੀ।
