ਮਹਾਰਾਸ਼ਟਰ ਦੇ ਹਜ਼ਾਰਾਂ ਲੋਕ ਬਣਨਗੇ ਸਿੱਖ: ਲੌਂਗੋਵਾਲ
04/26/2019 10:42:28 AM
ਸੰਗਰੂਰ—ਜਿੱਥੇ ਇਕ ਪਾਸੇ ਭਾਰਤ ਹੀ ਨਹੀਂ ਸਗੋਂ ਕੌਮਾਂਤਰੀ ਪੱਧਰ 'ਤੇ ਪਹਿਲੀ ਪਾਤਸ਼ਾਹੀ ਗੁਰੂ ਨਾਨਕ ਦੇਵ ਜੀ ਦਾ 550ਵਾਂ ਪ੍ਰਕਾਸ਼ ਪੁਰਬ ਮਨਾਉਣ ਦੀ ਉੱਚੇ ਪੱਧਰ 'ਤੇ ਤਿਆਰੀਆਂ ਚੱਲ ਰਹੀਆਂ ਹਨ, ਉੱਥੇ ਹੀ ਮਹਾਰਾਸ਼ਟਰ ਦੀ ਕਰੀਬ ਪਿਛੜੀਆਂ ਹੋਈਆਂ ਜਾਤੀਆਂ ਦੇ ਲੋਕ ਧਰਮ ਨਾਲ ਜੁੜਨ ਨਾਲ ਤਿਆਰੀਆਂ 'ਚ ਜੁੜੇ ਹੋਏ ਹਨ। ਉੱਥੇ ਮਹਾਰਾਸ਼ਟਰ 'ਚ ਵਡਾਰ, ਕੇਕਾੜੀ, ਟਕਾਰੀ, ਸ਼ਿਕਾਰੀ, ਰੋਮਾਂਸ਼ੀ, ਲੰਬਾਰੀਏ, ਗੋਪਾਣੀ, ਗੋਸਾਈ ਸਮੇਤ ਕਰੀਬ 44 ਜਾਤੀਆਂ ਦੇ ਲੋਕ ਸਿੱਖ ਧਰਮ ਨੂੰ ਵਿਧੀ ਤਰੀਕੇ ਨਾਲ ਅਪਣਾਉਣ ਦੀਆਂ ਤਿਆਰੀਆਂ ਸ਼ੁਰੂ ਕਰ ਦਿੱਤੀਆਂ ਹਨ। ਉਪਰੋਕਤ ਜਾਤੀਆਂ ਦੇ ਲੋਕਾਂ ਨੂੰ ਸਿੱਖ ਧਰਮ ਨਾਲ ਜੁੜਨ 'ਚ ਸੰਘ ਪ੍ਰਮੁੱਖ ਅਤੇ ਗਠੜੀ ਚੋਰ, ਮੌਤ ਦੇਣ ਆਲਣੇ ਅਤੇ ਪੱਥਰ ਨਾਲ ਪਿਘਲਣ ਪੁਸਤਕ ਦੇ ਲੇਖਕ ਲਕਸ਼ਮਣ ਗਾਇਕਵਾੜ ਅਹਿਮ ਭੂਮਿਕਾ ਨਿਭਾਅ ਰਹੇ ਹਨ।
ਗਾਇਕਵਾੜ ਦੀਆਂ ਲਿਖੀਆਂ ਕਿਤਾਬਾਂ ਪੰਜਾਬ 'ਚ ਵੱਡੇ ਪੱਧਰ 'ਤੇ ਪੜ੍ਹੀਆਂ ਜਾਦੀਆਂ ਹਨ। ਗਾਇਕਵਾੜ ਨੇ ਕਿਹਾ ਕਿ ਉਨ੍ਹਾਂ ਦਾ ਮਹਾਸੰਘ ਨਾਂਦੇੜ, ਲਾਤੂਰ, ਉਸਮਾਨਾਬਾਦ, ਪ੍ਰਭਣੀ, ਔਰੰਗਾਬਾਦ, ਬੀੜ, ਜਾਲਣਾ ਅਤੇ ਹਿੰਗੋਲੀ ਆਦਿ ਖੇਤਰਾਂ 'ਚ ਸਮਾਜ ਸੇਵਾ ਦਾ ਕੰਮ ਕਰ ਰਿਹਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਇੱਥੇ ਜਾਤੀ ਪ੍ਰਥਾ ਬੇਹੱਦ ਹਾਵੀ ਹੈ ਅਤੇ ਨੀਵੀਆਂ ਜਾਤੀਆਂ ਅਤੇ ਪਿਛੜੀਆਂ ਜਾਤੀਆਂ ਦੇ ਲੋਕਾਂ ਨੂੰ ਮੰਦਰਾਂ 'ਚ ਆਉਣ ਨਹੀਂ ਦਿੱਤਾ ਜਾਂਦਾ।
ਉੱਥੇ ਕਾਫੀ ਸਮੇਂ ਤੋਂ ਇਕ ਇਸ ਤਰ੍ਹਾਂ ਦੇ ਧਰਮ ਦੀ ਤਲਾਸ਼ 'ਚ ਸੀ ਜੋ ਸਾਰਿਆਂ ਨੂੰ ਬਰਾਬਰੀ ਦਾ ਹੱਕ ਦਿੰਦਾ ਹੋਵੇ। ਹੁਣ ਫੈਸਲਾ ਲਿਆ ਹੈ ਕਿ ਮਹਾਸੰਘ ਨਾਲ ਜੁੜੇ ਸਾਰੀਆਂ ਜਾਤੀਆਂ ਦੇ ਲੋਕ ਸਿੱਖ ਧਰਮ ਨੂੰ ਅਪਣਾਉਣਗੇ। ਗਾਇਕਵਾੜ ਨੇ ਕਿਹਾ ਕਿ ਉਹ ਪਿਛਲੇ ਸਾਲ ਬਰਨਾਲਾ ਜ਼ਿਲੇ ਦੇ ਤਹਿਤ ਆਉਂਦੇ ਪਿੰਡ ਘੁੰਨਸ 'ਚ ਐਵਾਰਡ ਲੈਣ ਲਈ ਪਹੁੰਚੇ ਸੀ। ਇੱਥੇ ਆ ਕੇ ਉਨ੍ਹਾਂ ਨੂੰ ਸਿੱਖ ਧਰਮ ਦੇ ਬਾਰੇ 'ਚ ਜਾਣਕਾਰੀ ਮਿਲੀ ਅਤੇ ਉਹ ਇਸ ਧਰਮ ਨੂੰ ਅਪਣਾਉਣ ਲਈ ਪ੍ਰੇਰਿਤ ਹੋਏ।
ਇਸ 'ਚ ਗੁਰਦੁਆਰਾ ਪ੍ਰਬੰਧਰ ਕਮੇਟੀ ਦੇ ਪ੍ਰਧਾਨ ਗੋਬਿੰਦ ਸਿੰਘ ਲੌਂਗੋਵਾਲ ਨੇ ਕਿਹਾ ਕਿ ਸਿੱਖ ਧਰਮ ਅਪਣਾਉਣ ਵਾਲੇ ਲੋਕਾਂ ਦਾ ਸੁਆਗਤ ਹੈ। ਸਿੱਖ ਧਰਮ ਸਾਰਿਆਂ ਨੂੰ ਜੋੜਦਾ ਹੈ ਅਤੇ ਬਰਾਬਰੀ ਦਾ ਅਧਿਕਾਰ ਦਿੰਦਾ ਹੈ। ਮਹਾਰਾਸ਼ਟਰ ਦੀ ਪਿਛੜੀਆਂ ਜਾਤੀਆਂ ਦੇ ਲੋਕਾਂ ਨੂੰ ਵੀ ਪੂਰਾ ਸਨਮਾਨ ਦਿੱਤਾ ਜਾਵੇਗਾ।
