Punjab: ਮਜ਼ਦੂਰ ਦੀ ਕਿਸਮਤ ਨੇ ਮਾਰ 'ਤੀ ਪਲਟੀ! ਬਣਿਆ ਲੱਖਪਤੀ, ਜਿੱਤਿਆ 5 ਲੱਖ ਰੁਪਏ ਦਾ ਇਨਾਮ

ਰੂਪਨਗਰ (ਵਿਜੇ ਸ਼ਰਮਾ)-ਰੂਪਨਗਰ ’ਚ ਪ੍ਰਵਾਸੀ ਮਜ਼ਦੂਰ ਦੀ ਕਿਸਮਤ ਸਿਰਫ਼ ਸੱਤ ਰੁਪਏ ਵਾਲੀ ਟਿਕਟ ਨੇ ਚਮਕਾ ਦਿੱਤੀ ਅਤੇ ਉਸ ਦਾ 5 ਲੱਖ ਰੁਪਏ ਦਾ ਇਨਾਮ ਨਿਕਲ ਆਇਆ। ਰੂਪਨਗਰ ਸ਼ਹਿਰ ਦੇ ਸ਼੍ਰੀ ਰਾਧਾ ਲਾਟਰੀ ਦੇ ਮਾਲਕ ਗੌਰਵ ਧਵਨ ਨੇ ਦੱਸਿਆ ਕਿ ਉਨ੍ਹਾਂ ਦੇ ਲਾਟਰੀ ਸਟਾਲ ਤੋਂ 7 ਰੁਪਏ ਵਾਲੀਆਂ 50 ਟਿਕਟਾਂ ਵੇਚੀਆਂ ਗਈਆਂ ਸਨ, ਜਿਨ੍ਹਾਂ ਉੱਤੇ ਮਜ਼ਦੂਰੀ ਦਾ ਕੰਮ ਕਰਨ ਵਾਲੇ ਵਿਅਕਤੀ ਨੂੰ 5 ਲੱਖ ਰੁਪਏ ਦਾ ਇਨਾਮ ਨਿਕਲਿਆ ਹੈ। 

ਇਹ ਵੀ ਪੜ੍ਹੋ: ਪੰਜਾਬ 'ਚ ਰੂਹ ਕੰਬਾਊ ਘਟਨਾ! ਮਾਂ ਨੇ 2 ਪੁੱਤਾਂ ਸਮੇਤ ਕਾਲੀ ਵੇਈਂ 'ਚ ਮਾਰੀ ਛਾਲ, ਜਵਾਕਾਂ ਦੀ ਮੌਤ

ਉਨ੍ਹਾਂ ਦੱਸਿਆ ਕਿ ਉਸ ਵੱਲੋਂ ਇਹ ਟਿਕਟਾਂ ਖ਼ਰੀਦੀਆਂ ਗਈਆਂ ਸਨ ਅਤੇ ਹਰ ਟਿਕਟ 'ਤੇ 10,000 ਦਾ ਇਨਾਮ ਲੱਗਿਆ ਹੈ, ਜਿਸ ਦੀ ਕੁੱਲ੍ਹ ਕੀਮਤ 5 ਲੱਖ ਰੁਪਏ ਬਣਦੀ ਹੈ। ਲਾਟਰੀ ਦੇ ਜੇਤੂ ਅਜੀਤ ਪੁੱਤਰ ਸ਼ੰਭੂ ਮੂਲ ਵਾਸੀ ਬਿਹਾਰ ਅਤੇ ਹਾਲ ਵਾਸੀ ਰੂਪਨਗਰ ਨੇ ਦੱਸਿਆ ਕਿ ਉਸ ਦੀਆਂ ਤਿੰਨ ਭੈਣਾਂ ਹਨ ਅਤੇ ਉਹ ਇਸ ਰਕਮ ਨਾਲ ਆਪਣੀਆਂ ਭੈਣਾਂ ਦੇ ਵਿਆਹ ਕਰੇਗਾ। ਇਸ ਮੌਕੇ ਗੌਰਵ ਧਵਨ ਨੇ ਦੱਸਿਆ ਕਿ ਸਾਡੇ ਸਟਾਲ ਤੋਂ ਥੋੜ੍ਹੇ ਹੀ ਸਮੇ ’ਚ ਕਈ ਵਿਅਕਤੀ ਲੱਖਪਤੀ ਬਣ ਚੁੱਕੇ ਹਨ ਅਤੇ ਇਸ ਸਟਾਲ ’ਤੇ ਬਾਕਾਇਦਾ ਟਿਕਟ ਉੱਤੇ ਮੋਹਰ ਲਗਾ ਕੇ ਦਿੱਤੀ ਜਾਂਦੀ ਹੈ। ਇਸ ਮੌਕੇ ਫੂਲ ਚੰਦ ਧਵਨ ਅਤੇ ਹੋਰ ਹਾਜ਼ਰ ਸਨ।

ਇਹ ਵੀ ਪੜ੍ਹੋ: ਪੰਜਾਬ 'ਚ ਰੂਹ ਕੰਬਾਊ ਘਟਨਾ! ਜਵਾਕੜੀ ਨੂੰ ਕੁੱਤਿਆਂ ਨੇ ਨੋਚਿਆ, ਤੜਫ਼-ਤੜਫ਼ ਕੇ ਨਿਕਲੀ ਜਾਨ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e