3 ਦੀ ਸੈਕੰਡ ਸਪੋਰਟ ਅਪਡੇਟ ਦੇ ਨਾਲ ਲਾਉਣੀ ਖਬਰ

ਕਪੂਰਥਲਾ (ਧੀਰ/ਜੋਸ਼ੀ/ਅਸ਼ਵਨੀ)-ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਅੰਮ੍ਰਿਤਸਰ ਵੱਲੋਂ ਧਾਰਕਲਾਂ (ਪਠਾਨਕੋਟ) ਦੀ ਝੀਲ ''ਚ ਕਰਵਾਏ ਗਏ ਇੰਟਰ ਯੂਨੀਵਰਸਿਟੀ ਕਿਸ਼ਤੀ ਮੁਕਾਬਲਿਆਂ ''ਚ ਸੰਤ ਸੀਚੇਵਾਲ ਵਾਟਰ ਸਪੋਰਟਸ ਸੈਂਟਰ ਦੀਆਂ ਖਿਡਾਰਣਾਂ ਨੇ 1 ਸੋਨੇ ਦਾ 8 ਚਾਂਦੀ ਦੇ ਅਤੇ 4 ਕਾਂਸੇ ਦੇ ਤਮਗੇ ਜਿੱਤੇ। ਤਿੰਨ ਦਿਨ ਚੱਲੇ ਕਿਸ਼ਤੀਆਂ ਦੇ ਕਿਯਾਕਿੰਗ ਕਨੋਇੰਗ ਮੁਕਾਬਲਿਆਂ ''ਚ ਦੇਸ਼ ਭਰ ਤੋਂ 23 ਯੂਨੀਵਰਸਿਟੀਆਂ ਦੇ ਖਿਡਾਰੀ ਹਿੱਸਾ ਲੈਣ ਲਈ ਆਏ ਹੋਏ ਸਨ। ਇਨ੍ਹਾਂ ਮੁਕਾਬਲਿਆਂ ''ਚ ਸੰਤ ਸੀਚੇਵਾਲ ਵਾਟਰ ਸਪੋਰਟਸ ਸੈਂਟਰ ਦੀਆਂ ਖਿਡਾਰਨਾਂ ਦਾ ਪ੍ਰਦਰਸ਼ਨ ਬਹੁਤ ਵਧੀਆ ਰਿਹਾ। ਇਨ੍ਹਾਂ ਖਿਡਾਰਣਾਂ ''ਚ ਇੱਕਲੀ ਪ੍ਰੀਅੰਕਾ ਦੇਵੀ ਨੇ 6 ਮੈਡਲ ਜਿਤੇ ਜਿਨ੍ਹਾਂ ਵਿਚ 1 ਸੋਨੇ ਦਾ 4 ਚਾਂਦੀ ਦੇ ਅਤੇ 1 ਕਾਂਸੇ ਦਾ ਤਮਗਾ ਸ਼ਾਮਿਲ ਹੈ। ਇਸੇ ਤਰ੍ਹਾਂ ਕਿਰਨਦੀਪ ਕੌਰ ਅਤੇ ਮਧੂ ਸ਼ਰਮਾ ਨੇ 2-2 ਚਾਂਦੀ ਦੇ, ਪ੍ਰਿਆ ਰਾਜਪੂਤ, ਮਨਪ੍ਰੀਤ ਕੌਰ ਤੇ ਸੁਖਵਿੰਦਰ ਕੌਰ ਨੇ ਇਕ-ਇਕ ਕਾਂਸੇ ਦਾ ਤਮਗਾ ਹਾਸਲ ਕੀਤਾ। ਜ਼ਿਕਰਯੋਗ ਹੈ ਕਿ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੀ ਚਰਨ ਛੋਹ ਪ੍ਰਾਪਤ ਪਵਿੱਤਰ ਕਾਲੀ ਵੇਈਂ ਕਿਨਾਰੇ 2015 ਤੋਂ ਚੱਲ ਰਹੇ ਸੰਤ ਸੀਚੇਵਾਲ ਵਾਟਰ ਸਪੋਰਟਸ ਸੈਂਟਰ ਦੇ ਖਿਡਾਰੀਆਂ ਨੇ ਆਲ ਇੰਡੀਆ ਇੰਟਰ ਯੂਨੀਵਰਸਿਟੀ ਕਿਯਾਕਿੰਗ ਕਨੋਇੰਗ ਚੈਂਪੀਅਨਸ਼ਿਪ 2019 ਮੁਕਾਬਲਿਆਂ ਵਿਚੋਂ 13 ਮੈਡਲ ਹਾਸਲ ਕੀਤੇ ਹਨ। ਸੈਂਟਰ ਦੇ ਕੋਚ ਅਮਨਦੀਪ ਸਿੰਘ ਖੈਹਿਰਾ ਨੇ ਦੱਸਿਆ ਕਿ ਇਸ ਖਿੱਤੇ ਵਿਚੋਂ ਚੰਗੇ ਖਿਡਾਰੀ ਪੈਦਾ ਕਰਨ ਦੀਆਂ ਹੋਰ ਵੀ ਬਹੁਤ ਸਾਰੀਆਂ ਸੰਭਾਵਨਾਵਾਂ ਮੌਜੂਦ ਹਨ। ਸੰਤ ਬਲਬੀਰ ਸਿੰਘ ਸੀਚੇਵਾਲ ਜੀ ਨੇ ਖਿਡਾਰੀਆਂ ਅਤੇ ਕੋਚ ਨੂੰ ਮੁਬਾਰਕਬਾਦ ਦਿੱਤੀ ਅਤੇ ਭਵਿੱਖ ਵਿਚ ਹੋਰ ਵੀ ਮਿਹਨਤ ਕਰਨ ਲਈ ਕਿਹਾ। ਜ਼ਿਕਰਯੋਗ ਹੈ ਕਿ ਇਸ ਸੈਂਟਰ ਦੇ ਖਿਡਾਰੀ ਹੁਣ ਤਕ ਏਸ਼ੀਅਨ ਚੈਂਪੀਅਨਸ਼ਿਪ ਵਿਚੋਂ ਮੈਡਲ ਹਾਸਲ ਕਰ ਚੁੱਕੇ ਹਨ ਤੇ ਕਈ ਖਿਡਾਰੀ ਵੱਖ-ਵੱਖ ਮਹਿਕਮਿਆਂ ਵਿਚ ਰੋਜ਼ਗਾਰ ਵੀ ਪ੍ਰਾਪਤ ਕਰ ਚੁੱਕੇ ਹਨ। ਸਾਲ 2019 ਵਿਚ ਵੀ 3 ਖਿਡਾਰੀ ਰਣਜੀਤ ਸਿੰਘ, ਪ੍ਰਿਆ ਰਾਜਪੂਤ ਅਤੇ ਵਰਿੰਦਰ ਸਿੰਘ 29ਵੀਂ ਸੀਨੀਅਰ ਨੈਸ਼ਨਲ ਚੈਂਪੀਅਨਸ਼ਿਪ ਦਿੱਲੀ ਵਿਖੇ ਅਤੇ ਅਭੇ ਸਿੰਘ, ਨਿਰਭੈ ਸਿੰਘ, ਬਲਵਿੰਦਰ ਸਿੰਘ ਅਤੇ ਪ੍ਰਭਜੋਤ ਸਿੰਘ ਸਬ-ਜੂਨੀਅਰ ਚੈਂਪੀਅਨਸ਼ਿਪ ਜੋ ਕਿ ਭੋਪਾਲ ਵਿਖੇ ਹੋਈ ਸੀ, ਉਸ ਵਿਚ ਹਿੱਸਾ ਲੈ ਚੁੱਕੇ ਹਨ।