ਮੋਟਰਸਾਈਕਲ ਦੀ ਫੇਟ ਵੱਜਣ ਨਾਲ ਵਿਅਕਤੀ ਜ਼ਖ਼ਮੀ
Saturday, Nov 25, 2017 - 02:26 AM (IST)
ਬਟਾਲਾ, (ਸੈਂਡੀ)- ਅੱਜ ਬਟਾਲਾ-ਕਾਹਨੂੰਵਾਲ ਰੋਡ 'ਤੇ ਮੋਟਰਸਾਈਕਲ ਦੀ ਲਪੇਟ ਵਿਚ ਆਉਣ ਨਾਲ ਇਕ ਵਿਅਕਤੀ ਦੇ ਜ਼ਖ਼ਮੀ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ।
ਜਾਣਕਾਰੀ ਅਨੁਸਾਰ ਮੱਖਣ ਪੁੱਤਰ ਹਜ਼ਾਰਾ ਲਾਲ ਵਾਸੀ ਸੁਚੈਨੀਆਂ, ਜੋ ਕਿ ਕਾਹਨੂੰਵਾਨ ਰੋਡ 'ਤੇ ਗਲੀ-ਮੁਹੱਲਿਆਂ 'ਚ ਮੁਨਿਆਰੀ ਦਾ ਸਾਮਾਨ ਵੇਚ ਰਿਹਾ ਸੀ, ਸੜਕ ਪਾਰ ਕਰਨ ਲੱਗਾ ਤਾਂ ਦੋ ਮੋਟਰਸਾਈਕਲ ਸਵਾਰਾਂ ਨੇ ਇਸ ਨੂੰ ਆਪਣੀ ਲਪੇਟ 'ਚ ਲੈ ਲਿਆ, ਜਿਸ ਨਾਲ ਇਹ ਜ਼ਖ਼ਮੀ ਹੋ ਗਿਆ ਤੇ ਤੁਰੰਤ 108 ਐਂਬੂਲੈਂਸ ਦੇ ਕਰਮਚਾਰੀਆਂ ਨੇ ਇਸ ਨੂੰ ਬਟਾਲਾ ਦੇ ਸਿਵਲ ਹਸਪਤਾਲ ਦਾਖਲ ਕਰਵਾਇਆ।
