ਮੀਂਹ ਦਾ ਕਹਿਰ, ਪਾਣੀ 'ਚ ਰੁੜੀ ਮਾਂ ਸਣੇ 4 ਸਾਲਾ ਬੱਚੀ
09/30/2019 6:23:49 PM
ਹੁਸ਼ਿਆਰਪੁਰ (ਅਮਰੀਕ,ਅਮਰਿੰਦਰ)— ਬੀਤੀ ਰਾਤ ਪਏ ਮੁਸਲੇਧਾਰ ਮੀਂਹ ਦੇ ਚੱਲਦੇ ਪਿੰਡ ਸ਼ੇਰਪੁਰ ਬਾਹਤੀਆਂ 'ਚ ਮਾਂ ਅਤੇ 4 ਸਾਲਾ ਧੀ ਪਾਣੀ 'ਚ ਰੁੜ ਗਈਆਂ। ਹਾਲਾਂਕਿ ਕੁਝ ਪਰਿਵਾਰਕ ਮੈਂਬਰਾਂ ਨੇ ਆਪਣੀ ਜਾਨ ਬਚਾ ਲਈ ਪਰ ਇਕ ਔਰਤ ਅਤੇ ਉਸ ਦੀ ਚਾਰ ਸਾਲਾ ਬੱਚੀ ਪਾਣੀ ਦੇ ਤੇਜ਼ ਵਹਾਅ 'ਚ ਰੁੜ•ਗਈਆਂ। ਘਟਨਾ ਦਾ ਪਤਾ ਲੱਗਦੇ ਹੀ ਇਲਾਕੇ ਦੇ ਲੋਕਾਂ ਵੱਲੋਂ ਰਾਹਤ ਅਤੇ ਬਚਾਅ ਕਾਰਜ ਸ਼ੁਰੂ ਕੀਤੇ ਗਏ।
ਭਾਰੀ ਜੱਦੋ-ਜ਼ਹਿਦ ਤੋਂ ਬਾਅਦ ਔਰਤ ਸੀਮਾ (30) ਪਤਨੀ ਰਾਜੂ ਦੀ ਲਾਸ਼ ਪਿੰਡ ਬਸੀ ਗੁਲਾਮ ਹੁਸੈਨ ਦੇ ਚੋਅ 'ਚੋਂ ਬਰਾਮਦ ਕੀਤੀ ਗਈ ਜਦਕਿ ਬੱਚੀ ਗੀਤਾ (4) ਦੀ ਭਾਲ ਅਜੇ ਤਕ ਕੀਤੀ ਜਾ ਰਹੀ ਸੀ।
ਉਕਤ ਔਰਤ ਅਤੇ ਬੱਚੀ ਨੇਪਾਲੀ ਮੂਲ ਦੇ ਦੱਸੇ ਜਾ ਰਹੇ ਹਨ ਅਤੇ ਉਹ ਇਥੇ ਪੋਲਟਰੀ ਫਾਰਮ 'ਚ ਕੰਮ ਕਰਦੇ ਸਨ ਅਤੇ ਚੋਅ ਦੇ ਨੇੜੇ ਹੀ ਮਕਾਨ ਬਣਾ ਕੇ ਰਹਿ ਰਹੇ ਸਨ। ਘਟਨਾ ਦਾ ਪਤਾ ਲੱਗਦੇ ਹੀ ਥਾਣਾ ਸਦਰ ਦੇ ਏ. ਐੱਸ. ਆਈ. ਰਾਜ ਕੁਮਾਰ ਅਤੇ ਪੁਲਸ ਪਾਰਟੀ ਨੇ ਮੌਕੇ 'ਤੇ ਪਹੁੰਚ ਕੇ ਸਾਰੇ ਹਲਾਤਾਂ ਦਾ ਜਾਇਜ਼ਾ ਲਿਆ।
ਉਨ੍ਹਾਂ ਪਰਿਵਾਰ ਨੂੰ ਭਰੋਸਾ ਦਿਵਾਇਆ ਕਿ ਉਹ ਜਲਦ ਹੀ ਬੱਚੀ ਨੂੰ ਲੱਭ ਲੈਣਗੇ। ਸੂਤਰਾਂ ਅਨੁਸਾਰ ਜਦੋਂ ਚੋਅ 'ਚ ਹੜ੍ਹ ਆਇਆ, ਉਸ ਸਮੇਂ ਪਰਿਵਾਰ ਦੇ 7 ਮੈਂਬਰ ਘਰ 'ਚ ਸੁੱਤੇ ਪਏ ਸਨ।
