ਵਿਸਾਖੀ ਨਹਾਉਣ ਗਏ ਡੁੱਬੇ 2 ਨੌਜਵਾਨ, ਲਾਸ਼ਾਂ ਬਰਾਮਦ
04/15/2019 4:45:43 PM
ਜ਼ੀਰਾ (ਸਤੀਸ਼) - ਬੀਤੇ ਦਿਨ ਵਿਸਾਖੀ ਦਾ ਤਿਉਹਾਰ ਮਨਾਉਣ ਗਏ 3 ਨੌਜਵਾਨ ਹਰਿ ਦੇ ਹੈੱਡ ਵਰਕਸ 'ਤੇ ਪਾਣੀ 'ਚ ਰੁੜ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਸੀ। ਪਾਣੀ 'ਚ ਡੁੱਬੇ ਨੌਜਵਾਨਾਂ 'ਚੋਂ ਇਕ ਨੂੰ ਗੋਤਾਖੋਰਾਂ ਨੇ ਬਚਾ ਲਿਆ ਸੀ, ਜਦਕਿ ਬਾਕੀ ਦੇ 2 ਨੌਜਵਾਨਾਂ ਦੀ ਭਾਲ ਕੀਤੀ ਜਾ ਰਹੀ ਸੀ, ਜਿਨਾਂ ਦੀਆਂ ਲਾਸ਼ਾਂ ਅੱਜ ਬਰਾਮਦ ਹੋ ਗਈਆਂ ਹਨ। ਪੁਲਸ ਨੇ ਉਕਤ ਲਾਸ਼ਾਂ ਨੂੰ ਕਬਜ਼ੇ 'ਚ ਲੈ ਕੇ ਪੋਸਟਮਾਰਟਮ ਲਈ ਹਸਪਤਾਲ ਭੇਜ ਦਿੱਤਾ ਹੈ।
ਦੱਸ ਦੇਈਏ ਕਿ ਤਹਿਸੀਲ ਜ਼ੀਰਾ ਦੇ ਪਿਡ ਮੇਹਰ ਸਿੰਘ ਵਾਲਾ ਵਿਖੇ ਨੌਜਵਾਨਾਂ ਦੇ ਮੌਤ ਹੋ ਜਾਣ ਦੀ ਸੂਚਨਾ ਮਿਲਣ 'ਤੇ ਮਾਤਮ ਛਾ ਗਿਆ। ਮ੍ਰਿਤਕ ਵਿਅਕਤੀ ਦੀ ਪਛਾਣ ਅਰਸ਼ਦੀਪ ਸਿੰਘ (21) ਅਤੇ ਬੱਚੇ ਦੀ ਪਛਾਣ ਕੁਲਵਿੰਦਰ (13) ਵਜੋਂ ਹੋਈ ਹੈ। ਮ੍ਰਿਤਕਾ ਦੇ ਸਾਥੀ ਨੇ ਦੱਸਿਆ ਕਿ ਉਹ ਵਿਸਾਖੀ ਨਹਾਉਣ ਲਈ ਹਰੀਕੇ ਦਰਿਆ 'ਤੇ ਗਏ ਸਨ ਅਤੇ ਪਾਣੀ ਦੀ ਗਹਿਰਾਈ ਜ਼ਿਆਦਾ ਹੋਣ ਕਾਰਨ ਉਹ ਡੁੱਬਣ ਲੱਗ ਗਏ।
