ਧੋਖੇ ਨਾਲ ਏ. ਟੀ. ਐੱਮ. ਕਾਰਡ ਬਦਲ ਕੇ ਉਡਾਏ 82 ਹਜ਼ਾਰ ਰੁਪਏ

ਨਵਾਂਸ਼ਹਿਰ (ਮਨੋਰੰਜਨ)— ਇਕ ਨੌਸਰਬਾਜ਼ ਨੇ ਇਕ ਵਿਅਕਤੀ ਦਾ ਏ. ਟੀ. ਐੱਮ. ਕਾਰਡ ਧੋਖੇ ਨਾਲ ਬਦਲ ਕੇ ਉਸ ਦੇ ਖਾਤੇ 'ਚੋਂ ਵੱਖ-ਵੱਖ ਸ਼ਹਿਰਾਂ ਤੋਂ 82 ਹਜ਼ਾਰ ਰੁਪਏ ਉਡਾ ਲਏ। ਪੀੜਤ ਬਾਬਾ ਦੀਪ ਸਿੰਘ ਨਗਰ ਦੇ ਵਾਸੀ ਸੁਰਜੀਤ ਸਿੰਘ ਨੇ ਪੁਲਸ ਨੂੰ ਦਿੱਤੀ ਸ਼ਿਕਾਇਤ 'ਚ ਦੱਸਿਆ ਕਿ ਉਸ ਦਾ ਨਵਾਂਸ਼ਹਿਰ ਵਿਚ ਪੰਜਾਬ ਨੈਸ਼ਨਲ ਬੈਂਕ ਵਿਚ ਖਾਤਾ ਹੈ। ਇਸੇ ਬੈਂਕ ਦਾ ਏ.ਟੀ.ਐੱਮ. ਕਾਰਡ ਲੈ ਕੇ ਉਸ ਨੇ 19 ਜਨਵਰੀ ਨੂੰ ਸ਼ਾਮ 5.40 ਵਜੇ 7 ਹਜ਼ਾਰ ਰੁਪਏ ਕੱਢਵਾਏ। ਉਸ ਸਮੇਂ ਉਨ੍ਹਾਂ ਦੇ ਪਿੱਛੇ ਇਕ ਨੌਜਵਾਨ ਖੜ੍ਹਾ ਸੀ। ਨੌਜਵਾਨ ਨੇ ਬੜੀ ਚਲਾਕੀ ਨਾਲ ਮਸ਼ੀਨ 'ਚੋਂ ਨਿਕਲ ਰਿਹਾ ਮੇਰਾ ਏ. ਟੀ. ਐੱਮ. ਕਾਰਡ ਬਦਲ ਕੇ ਖੁਦ ਰੱਖ ਲਿਆ ਅਤੇ ਆਪਣਾ ਉਸ ਦੇ ਹੱਥ 'ਚ ਫੜਾ ਕੇ ਚਲਾ ਗਿਆ। ਉਸ ਤੋਂ ਬਾਅਦ ਉਸ ਦੇ ਖਾਤੇ 'ਚੋਂ 7 ਹਜ਼ਾਰ ਰੁਪਏ ਜਲੰਧਰ ਤੋਂ, 15 ਹਜ਼ਾਰ ਰੁਪਏ ਹੁਸ਼ਿਆਰਪੁਰ ਤੇ ਹੋਰ ਪੈਸੇ ਵੱਖ-ਵੱਖ ਸ਼ਹਿਰਾਂ ਦੇ ਏ.ਟੀ.ਐੱਮਜ਼ 'ਚੋਂ ਕਢਵਾ ਕੇ ਕੁੱਲ 82 ਹਜ਼ਾਰ ਦਾ ਚੂਨਾ ਉਸ ਨੂੰ ਲਾਇਆ। ਹੁਣ ਉਸ ਦੇ ਖਾਤੇ ਵਿਚ ਸਿਰਫ 400 ਰੁਪਏ ਬਕਾਇਆ ਹਨ। ਪੁਲਸ ਨੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।