ਅੰਮ੍ਰਿਤਸਰ 'ਚ ਹੈਰਾਨ ਕਰਦਾ ਮਾਮਲਾ, ਕੁੱਤੇ ਦੇ ਭੌਂਕਣ ਨਾਲ ਬੱਚੇ ਦੀ ਮੌਤ

ਅੰਮ੍ਰਿਤਸਰ (ਸੁਮਿਤ ਖੰਨਾ) - ਅੰਮ੍ਰਿਤਸਰ 'ਚ ਇਕ ਕੁੱਤੇ ਦੇ ਕਾਰਨ 11 ਸਾਲ ਦੇ ਬੱਚੇ ਦੀ ਮੌਤ ਦਾ ਦਿਲ ਦਹਿਲਾ ਦੇਣ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। 
ਪ੍ਰਾਪਤ ਜਾਣਕਾਰੀ ਅਨੁਸਾਰ 11 ਸਾਲਾ ਬੱਚਾ ਜਦੋਂ ਆਪਣੀ ਗਲੀ 'ਚ ਖੇਡ ਰਿਹਾ ਸੀ ਤਾਂ ਉਸ ਬੱਚੇ 'ਤੇ ਕੁੱਤੇ ਨੇ ਭੌਂਕਣਾ ਸ਼ੁਰੂ ਕਰ ਦਿੱਤਾ, ਜਿਸ ਕਾਰਨ ਬੱਚਾ ਘਬਰਾ ਗਿਆ ਤੇ ਜ਼ਮੀਨ 'ਤੇ ਡਿੱਗ ਗਿਆ ਤੇ ਉਸ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ। ਇਸ ਪੂਰੇ ਮਾਮਲੇ ਦਾ ਖੁਲਾਸਾ ਇਸ ਇਲਾਕੇ 'ਚ ਲੱਗੇ ਸੀ. ਸੀ. ਟੀ. ਵੀ. ਕੈਮਰੇ 'ਚ ਹੋਇਆ ਜਿਸ 'ਚ ਸਾਫ ਦਿਖਾਈ ਦੇ ਰਿਹਾ ਸੀ ਕਿ ਇਕ ਬੱਚਾ ਗਲੀ ਦੇ ਮੋੜ 'ਤੇ ਗਿਆ ਤੇ ਬਾਅਦ 'ਚ ਕੁੱਤਾ ਉਸ ਦਾ ਪਿੱਛਾ ਕਰਦੇ ਹੋਏ ਆਇਆ। ਬੱਚਾ ਇਕ ਕਾਰ ਦੇ ਪਿਛੇ ਲੁਕ ਗਿਆ ਜਿਸ ਤੋਂ ਬਾਅਦ ਕੁੱਤਾ ਦੂਜੇ ਪਾਸੇ ਚਲਾ ਗਿਆ, ਜਦੋਂ ਬੱਚਾ ਕਾਰ ਤੋਂ ਬਾਹਰ ਆਇਆ ਤਾਂ ਜ਼ਮੀਨ 'ਤੇ ਡਿੱਗ ਤੇ ਉਸ ਦੀ ਮੌਤ ਹੋ ਗਈ।