ਚੋਰੀ ਦੇ 6 ਮੋਟਰਸਾਈਕਲ ਬਰਾਮਦ

 ਅਮਰਗਡ਼੍ਹ (ਜੋਸ਼ੀ) – ਥਾਣਾ ਅਮਰਗਡ਼੍ਹ ਦੀ ਪੁਲਸ ਨੇ  2 ਵਿਅਕਤੀਅਾਂ ਨੂੰ ਗ੍ਰਿਫਤਾਰ ਕਰ ਕੇ ਉਨ੍ਹਾਂ ਕੋਲੋਂ ਚੋਰੀ ਦੇ 6 ਮੋਟਰਸਾਈਕਲ ਬਰਾਮਦ ਕੀਤੇ ਹਨ। ਲੰਘੀ 17 ਜੁਲਾਈ ਨੂੰ ਸੁਨੀਲ ਕੁਮਾਰ ਪੁੱਤਰ ਵੀਰ ਚੰਦ ਵਾਸੀ ਅਮਰਗਡ਼੍ਹ ਨੇ ਆਪਣਾ ਮੋਟਰਸਾਈਕਲ ਚੋਰੀ ਹੋਣ ਸਬੰਧੀ ਥਾਣਾ ਅਮਰਗਡ਼੍ਹ ਵਿਖੇ ਮੁਕੱਦਮਾ ਦਰਜ ਕਰਵਾਇਆ ਸੀ। 19 ਜੁਲਾਈ ਨੂੰ ਸਹਾਇਕ ਥਾਣੇਦਾਰ ਕੁਲਵਿੰਦਰ ਸਿੰਘ ਨੇ ਪੁਲਸ ਪਾਰਟੀ ਸਣੇ ਮਾਹੋਰਾਣਾ ਵਿਖੇ ਲਾਏ ਨਾਕੇ  ਦੌਰਾਨ ਜਸਵਿੰਦਰ ਸਿੰਘ ਉਰਫ ਗੱਗੂ ਪੁੱਤਰ ਹਰਜੀਤ ਸਿੰਘ ਵਾਸੀ ਜਲਾਲਗਡ਼੍ਹ ਅਤੇ ਸੁਨੀਲ ਸਿੰਘ ਉਰਫ਼ ਰਾਜੂ ਨੂੰ ਰੋਕ ਕੇ ਉਨ੍ਹਾਂ ਤੋਂ ਚੋਰੀ  ਦਾ ਮੋਟਰਸਾਈਕਲ  ਬਰਾਮਦ ਕੀਤਾ। ਦੋਵਾਂ ਮੁਲਜ਼ਮਾਂ ਨੂੰ  ਗ੍ਰਿਫਤਾਰ ਕਰ ਕੇ ਅਦਾਲਤ ਵਿਚ ਪੇਸ਼ ਕਰ ਕੇ ਦੋ ਦਿਨਾ ਪੁਲਸ ਰਿਮਾਂਡ ਹਾਸਲ ਕੀਤਾ ਗਿਆ। ਪੁੱਛਗਿੱਛ ਦੌਰਾਨ ਜਸਵਿੰਦਰ ਸਿੰਘ ਗੱਗੂ ਦੇ ਘਰੋਂ ਚੋਰੀ ਦੇ 2  ਅਤੇ  ਸੁਨੀਲ ਉਰਫ਼ ਰਾਜੂ ਦੇ ਘਰੋਂ ਚੋਰੀ ਦਾ ਇਕ ਮੋਟਰਸਾਈਕਲ ਬਰਾਮਦ ਕੀਤਾ  ਗਿਆ। ਇਨ੍ਹਾਂ  ਦੇ ਤੀਜੇ ਸਾਥੀ ਗੁਰਪ੍ਰੀਤ ਸਿੰਘ ਉਰਫ਼ ਪ੍ਰੀਤੀ ਵਾਸੀ ਗਲਵੱਟੀ ਹਾਲ ਪਿੰਡ ਬੁੱਗਾ ਪਾਲੀਆ ਪਾਸ ਵੀ ਚੋਰੀ ਦੇ 2 ਮੋਟਰਸਾਈਕਲ ਹਨ, ਜਿਨ੍ਹਾਂ  ’ਚੋਂ ਇਕ ਇਨ੍ਹਾਂ ਪਿੰਡ ਬੁੱਗਾ ਪਾਲੀਆ ਅਤੇ ਇਕ ਮਾਲੇਰਕੋਟਲਾ ਤੋਂ ਚੋਰੀ ਕੀਤਾ ਸੀ।