ਪਤਨੀ ਦਾ ਅਨੋਖਾ ਕਾਰਾ ; ਪਹਿਲਾਂ ਵੇਚੀ ਪਤੀ ਦੀ ਕਿਡਨੀ, ਫ਼ਿਰ ਪੈਸੇ ਲੈ ਕੇ....

ਕੋਲਕਾਤਾ- ਪੱਛਮੀ ਬੰਗਾਲ ਦੇ ਹਾਵੜਾ ਜ਼ਿਲ੍ਹੇ ਵਿੱਚ ਇੱਕ ਔਰਤ ਨੇ ਆਪਣੀ ਧੀ ਦੀ ਪੜ੍ਹਾਈ ਲਈ ਪੈਸੇ ਇਕੱਠੇ ਕਰਨ ਲਈ ਪਹਿਲਾਂ ਆਪਣੇ ਪਤੀ ਨੂੰ 10 ਲੱਖ ਰੁਪਏ ਵਿੱਚ ਆਪਣੀ ਕਿਡਨੀ ਵੇਚਣ ਲਈ ਮਜਬੂਰ ਕੀਤਾ ਅਤੇ ਫਿਰ ਸਾਰੇ ਪੈਸੇ ਲੈ ਕੇ ਆਪਣੇ ਪ੍ਰੇਮੀ ਨਾਲ ਫਰਾਰ ਹੋ ਗਈ। ਇੱਕ ਪੁਲਸ ਅਧਿਕਾਰੀ ਨੇ ਐਤਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਸੰਕਰੀਆਲ ਵਿੱਚ ਰਹਿਣ ਵਾਲੇ ਪਤੀ ਦੇ ਪਰਿਵਾਰ ਦੀ ਸ਼ਿਕਾਇਤ ਦੇ ਆਧਾਰ 'ਤੇ ਪੁਲਸ ਨੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।

ਸ਼ਿਕਾਇਤ ਦੇ ਅਨੁਸਾਰ, ਪਿਛਲੇ ਇੱਕ ਸਾਲ ਤੋਂ ਔਰਤ ਆਪਣੇ ਪਤੀ 'ਤੇ ਦਬਾਅ ਪਾ ਰਹੀ ਸੀ ਕਿ ਉਹ ਆਪਣੀ ਕਿਡਨੀ ਵੇਚ ਕੇ ਕੁਝ ਪੈਸੇ ਕਮਾ ਕੇ ਆਪਣਾ ਘਰ ਵਧੀਆ ਢੰਗ ਨਾਲ ਚਲਾਵੇ ਅਤੇ ਆਪਣੀ 12 ਸਾਲ ਦੀ ਧੀ ਨੂੰ ਚੰਗੇ ਸਕੂਲ ਵਿੱਚ ਦਾਖਲ ਕਰਵਾਵੇ। ਇਸ ਤੋਂ ਬਾਅਦ ਪਤਨੀ ਨੇ ਕਿਡਨੀ ਲਈ ਇੱਕ ਖਰੀਦਦਾਰ ਨਾਲ 10 ਲੱਖ ਰੁਪਏ ਦਾ ਇਕਰਾਰਨਾਮਾ ਕੀਤਾ। ਆਪਣੀ ਪਤਨੀ 'ਤੇ ਭਰੋਸਾ ਕਰਦੇ ਹੋਏ ਪਤੀ ਆਪਣੀ ਕਿਡਨੀ ਦੇਣ ਲਈ ਸਰਜਰੀ ਕਰਵਾਉਣ ਲਈ ਰਾਜ਼ੀ ਹੋ ਗਿਆ।

ਇਹ ਵੀ ਪੜ੍ਹੋ- ਫਰਵਰੀ ਮਹੀਨੇ 28 'ਚੋਂ 14 ਦਿਨ ਬੰਦ ਰਹਿਣਗੇ ਬੈਂਕ, ਦੇਖੋ ਛੁੱਟੀਆਂ ਦੀ ਪੂਰੀ ਲਿਸਟ

ਜਦੋਂ ਪਤੀ ਪਿਛਲੇ ਮਹੀਨੇ ਆਪਣੀ ਸਰਜਰੀ ਤੋਂ ਬਾਅਦ ਪੈਸੇ ਘਰ ਲੈ ਕੇ ਆਇਆ ਤਾਂ ਉਸਦੀ ਪਤਨੀ ਨੇ ਉਸਨੂੰ ਜਲਦੀ ਠੀਕ ਹੋਣ ਲਈ ਆਰਾਮ ਕਰਨ ਅਤੇ ਬਾਹਰ ਨਾ ਜਾਣ ਲਈ ਕਿਹਾ। ਪਤੀ ਨੇ ਕਿਹਾ, “ਫਿਰ ਇੱਕ ਦਿਨ ਉਹ ਘਰੋਂ ਚਲੀ ਗਈ ਅਤੇ ਵਾਪਸ ਨਹੀਂ ਆਈ। ਬਾਅਦ ਵਿੱਚ ਮੈਨੂੰ ਪਤਾ ਲੱਗਾ ਕਿ ਅਲਮਾਰੀ ਵਿੱਚੋਂ 10 ਲੱਖ ਰੁਪਏ ਨਕਦ ਅਤੇ ਕੁਝ ਹੋਰ ਚੀਜ਼ਾਂ ਗਾਇਬ ਹਨ।" ਪਤੀ ਨੇ ਕਿਹਾ ਕਿ ਉਸਦੇ ਪਰਿਵਾਰ ਨੇ ਅਖੀਰ ਵਿੱਚ ਹਾਵੜਾ ਤੋਂ ਬਹੁਤ ਦੂਰ ਕੋਲਕਾਤਾ ਦੇ ਉੱਤਰੀ ਉਪਨਗਰ ਬੈਰਕਪੁਰ ਵਿੱਚ ਉਸ ਘਰ ਦਾ ਪਤਾ ਲਗਾਇਆ ਜਿਥੇ ਉਸ ਦੀ ਪਤਨੀ ਰਹਿ ਰਹੀ ਸੀ। ਉਸ ਘਰ ਵਿੱਚ ਉਹ ਉਸ ਆਦਮੀ ਨਾਲ ਰਹਿ ਰਹੀ ਸੀ ਜਿਸ ਨਾਲ ਉਹ ਕਥਿਤ ਤੌਰ 'ਤੇ ਭੱਜ ਗਈ ਸੀ।

ਇਹ ਵੀ ਪੜ੍ਹੋ- ਕੁੜੀ ਦੀ ਨਗਨ ਹਾਲਤ 'ਚ ਮਿਲੀ ਲਾ/ਸ਼ ਨੇ ਫੈਲਾਈ ਸਨਸਨੀ, ਪੂਰੇ ਪਿੰਡ 'ਚ ਦਹਿਸ਼ਤ ਦਾ ਮਾਹੌਲ

ਸ਼ਿਕਾਇਤ ਮੁਤਾਬਕ, ਦੋਸ਼ੀ ਔਰਤ ਫੇਸਬੁੱਕ 'ਤੇ ਉਸ ਵਿਅਕਤੀ ਨਾਲ ਮੁਲਾਕਾਤ ਤੋਂ ਬਾਅਦ ਕਥਿਤ ਤੌਰ 'ਤੇ ਪਿਛਲੇ ਇਕ ਸਾਲ ਤੋਂ ਉਸਦੇ ਨਾਲ ਪ੍ਰੇਮ ਸਬੰਧ 'ਚ ਸੀ। ਹਾਲਾਂਕਿ, ਜਦੋਂ ਉਸਦਾ ਪਤੀ, ਸੱਸ ਅਤੇ ਧੀ ਉਸ ਆਦਮੀ ਦੇ ਬੈਰਕਪੁਰ ਸਥਿਤ ਘਰ ਪਹੁੰਚੇ ਤਾਂ ਉਸਨੇ ਬਾਹਰ ਆਉਣ ਤੋਂ ਇਨਕਾਰ ਕਰ ਦਿੱਤਾ। 

ਔਰਤ ਦੇ ਪ੍ਰਤੀ ਨੇ ਉਸਦੇ ਪਤੀ ਦੇ ਪਰਿਵਾਰ ਨੂੰ ਕਿਹਾ ਕਿ (ਔਰਤ) ਆਪਣੇ ਸਹੁਰਾ ਪਰਿਵਾਰ 'ਤੇ ਵਿਆਹੁਤਾ ਜੀਵਨ ਦੇ 16 ਸਾਲਾਂ ਦੌਰਾਨ ਸਰੀਰਕ ਅਤੇ ਮਾਨਸਿਕ ਤਸ਼ੱਦਦ ਦਾ ਦੋਸ਼ ਲਗਾਉਂਦੇ ਹੋਏ ਤਲਾਕ ਦਾ ਮੁਕੱਦਮਾ ਦਾਇਰ ਕਰੇਗੀ। ਪੱਤਰਕਾਰਾਂ ਨਾਲ ਗੱਲਬਾਤ ਦੌਰਾਨ ਉਸ ਵਿਅਕਤੀ (ਔਰਤ ਦਾ ਪ੍ਰੇਮੀ) ਨੇ ਇਸ ਗੱਲ ਤੋਂ ਇਨਕਾਰ ਕੀਤਾ ਕਿ ਉਸਨੇ (ਔਰਤ ਨੇ) ਆਪਣੇ ਪਤੀ ਦੇ ਘਰੋਂ ਕੋਈ ਨਕਦੀ ਲਈ ਅਤੇ ਦਾਅਵਾ ਕੀਤਾ ਕਿ ਉਹੀ ਪੈਸੇ ਲੈ ਕੇ ਆਈ ਜੋ ਉਸਨੇ ਬਚਾਏ ਸਨ। ਪੁਲਸ ਨੇ ਕਿਹਾ ਕਿ ਉਹ ਕੋਈ ਵੀ ਕਾਰਵਾਈ ਸ਼ੁਰੂ ਕਰਨ ਤੋਂ ਪਹਿਲਾਂ ਔਰਤ ਅਤੇ ਉਸਦੇ ਕਥਿਤ ਪ੍ਰੇਮੀ ਤੋਂ ਪੁੱਛਗਿੱਛ ਕਰਨਗੇ। 

ਇਹ ਵੀ ਪੜ੍ਹੋ- 1.29 ਕਰੋੜ ਸ਼ਰਧਾਲੂਆਂ ਨੇ ਲਗਾਈ ਆਸਥਾ ਦੀ ਡੁਬਕੀ, ਹੁਣ ਤੱਕ 34.90 ਕਰੋੜ ਲੋਕਾਂ ਨੇ ਕੀਤਾ ਇਸ਼ਨਾਨ