ਅਮਰੀਕਾ 'ਚ ਜਿਹੜਾ ਵੀ ਰਾਸ਼ਟਰਪਤੀ ਚੋਣ ਜਿੱਤੇਗਾ, ਭਾਰਤ ਉਸ ਨਾਲ ਕੰਮ ਕਰਨ 'ਚ ਸਮਰੱਥ : ਜੈਸ਼ੰਕਰ

ਨਵੀਂ ਦਿੱਲੀ : ਵਿਦੇਸ਼ ਮੰਤਰੀ ਐੱਸ. ਜੈਸ਼ੰਕਰ ਨੇ ਮੰਗਲਵਾਰ ਨੂੰ ਵਿਸ਼ਵਾਸ ਪ੍ਰਗਟਾਇਆ ਕਿ ਜੋ ਵੀ ਅਮਰੀਕਾ ਦੇ ਰਾਸ਼ਟਰਪਤੀ ਦੀ ਚੋਣ ਜਿੱਤੇਗਾ, ਭਾਰਤ ਉਸ ਨਾਲ ਕੰਮ ਕਰਨ ਵਿਚ ਪੂਰੀ ਤਰ੍ਹਾਂ ਸਮਰੱਥ ਹੈ। ਅਮਰੀਕਾ 'ਚ ਰਾਸ਼ਟਰਪਤੀ ਚੋਣ ਇਸ ਸਾਲ ਦੇ ਅੰਤ ਵਿਚ ਹੋਵੇਗੀ। ਇਕ ਪ੍ਰੋਗਰਾਮ ਦੌਰਾਨ ਇਕ ਸਵਾਲ 'ਤੇ ਜੈਸ਼ੰਕਰ ਨੇ ਅਮਰੀਕੀ ਚੋਣ ਦੇ ਸੰਦਰਭ ਵਿਚ ਕਿਹਾ, ‘‘ਅਸੀਂ ਆਮ ਤੌਰ 'ਤੇ ਦੂਜਿਆਂ ਦੀਆਂ ਚੋਣਾਂ 'ਤੇ ਟਿੱਪਣੀ ਨਹੀਂ ਕਰਦੇ ਹਾਂ, ਕਿਉਂਕਿ ਅਸੀਂ ਵੀ ਇਹ ਉਮੀਦ ਕਰਦੇ ਹਾਂ ਕਿ ਹੋਰ ਸਾਡੀਆਂ ਚੋਣਾਂ 'ਤੇ ਟਿੱਪਣੀ ਨਹੀਂ ਕਰਨਗੇ।''

ਜੈਸ਼ੰਕਰ ਨੇ ਕਿਹਾ, "ਪਰ ਅਮਰੀਕੀ ਪ੍ਰਣਾਲੀ ਆਪਣਾ ਫੈਸਲਾ ਸੁਣਾਏਗੀ ਅਤੇ ਮੈਂ ਇਹ ਰਸਮੀ ਤੌਰ 'ਤੇ ਨਹੀਂ ਕਹਿ ਰਿਹਾ, ਅਸਲ ਵਿਚ ਜੇਕਰ ਤੁਸੀਂ ਪਿਛਲੇ 20 ਸਾਲਾਂ ਨੂੰ ਦੇਖੋ ਜਾਂ ਸ਼ਾਇਦ ਬਹੁਤ ਜ਼ਿਆਦਾ ਤਾਂ ਸਾਨੂੰ ਪੂਰਾ ਵਿਸ਼ਵਾਸ ਹੈ ਕਿ ਅਸੀਂ ਅਮਰੀਕਾ ਦੇ ਰਾਸ਼ਟਰਪਤੀ ਨਾਲ ਕੰਮ ਕਰਨ ਵਿਚ ਸਮਰੱਥ ਹੋਵਾਂਗੇ, ਭਾਵੇਂ ਉਹ ਕੋਈ ਵੀ ਹੋਵੇ।''  

ਇਹ ਵੀ ਪੜ੍ਹੋ : ਰੈਜ਼ੀਡੈਂਟ ਡਾਕਟਰਾਂ ਦੀ ਹੜਤਾਲ ਖ਼ਤਮ, ਸਿਹਤ ਮੰਤਰੀ ਜੇਪੀ ਨੱਡਾ ਨਾਲ ਮੁਲਾਕਾਤ ਤੋਂ ਬਾਅਦ ਲਿਆ ਫ਼ੈਸਲਾ

ਜੈਸ਼ੰਕਰ ਨੇ ਇਹ ਵੀ ਕਿਹਾ, "ਸਾਡੀਆਂ ਚੋਣਾਂ ਅਸਲ ਵਿਚ ਉਮੀਦਵਾਰਾਂ, ਲੋਕਾਂ ਅਤੇ ਪ੍ਰਣਾਲੀ ਦੀ ਪ੍ਰੀਖਿਆ ਹਨ ਅਤੇ ਅਸੀਂ ਲਗਾਤਾਰ ਇਨ੍ਹਾਂ ਪ੍ਰੀਖਿਆਵਾਂ ਨੂੰ ਪਾਸ ਕਰਦੇ ਹਾਂ। ਇਸ ਲਈ ਇਹ ਇਕ ਅਜਿਹਾ ਦੇਸ਼ ਹੈ ਜਿੱਥੇ ਤੁਸੀਂ ਹਮੇਸ਼ਾ ਲੋਕਤੰਤਰੀ ਪ੍ਰਕਿਰਿਆ ਦਾ ਸਮਰਥਨ ਕਰਦੇ ਹੋਏ ਲੋਕਾਂ ਨੂੰ ਦੇਖੋਗੇ।'' ਇਹ ਸਮਾਗਮ ਨਵੀਂ ਦਿੱਲੀ ਵਿਚ 'ਇੰਡੀਆਸਪੋਰਾ ਬੀਸੀਜੀ ਇੰਪੈਕਟ ਰਿਪੋਰਟ' ਰਿਲੀਜ਼ ਕਰਨ ਲਈ ਆਯੋਜਿਤ ਕੀਤਾ ਗਿਆ ਸੀ। ਜਦੋਂ ਵਿਦੇਸ਼ ਮੰਤਰੀ ਤੋਂ ਵਿਸ਼ਵ ਦੀ ਮੌਜੂਦਾ ਸਥਿਤੀ ਬਾਰੇ ਉਨ੍ਹਾਂ ਦੀ ਰਾਏ ਪੁੱਛੀ ਗਈ ਤਾਂ ਉਨ੍ਹਾਂ ਕਿਹਾ ਕਿ ਅਗਲੇ ਪੰਜ ਸਾਲਾਂ ਲਈ ਬਹੁਤ ਨਿਰਾਸ਼ਾਜਨਕ ਭਵਿੱਖਬਾਣੀ ਹੋਵੇਗੀ।

ਉਨ੍ਹਾਂ ਕਿਹਾ, "ਜੇਕਰ ਤੁਸੀਂ ਮੈਨੂੰ ਦੁਨੀਆ ਬਾਰੇ ਮੇਰੇ ਨਜ਼ਰੀਏ ਬਾਰੇ ਪੁੱਛੋ ਤਾਂ ਮੈਂ ਇਕ ਆਸ਼ਾਵਾਦੀ ਵਿਅਕਤੀ ਹਾਂ ਅਤੇ ਆਮ ਤੌਰ 'ਤੇ ਸਮੱਸਿਆਵਾਂ ਦੇ ਹੱਲ ਬਾਰੇ ਸੋਚਦਾ ਹਾਂ... ਪਰ ਮੈਂ ਬਹੁਤ ਗੰਭੀਰਤਾ ਨਾਲ ਕਹਾਂਗਾ ਕਿ ਅਸੀਂ ਇਕ ਬਹੁਤ ਹੀ ਮੁਸ਼ਕਲ ਦੌਰ ਵਿੱਚੋਂ ਲੰਘ ਰਹੇ ਹਾਂ।" ਵਿਦੇਸ਼ ਮੰਤਰੀ ਤੋਂ ਅਮਰੀਕਾ ਵਿਚ ਪ੍ਰਵਾਸੀ ਭਾਈਚਾਰੇ ਲਈ ਦੋਹਰੀ ਨਾਗਰਿਕਤਾ ਦੇ ਵਿਚਾਰ ਬਾਰੇ ਵੀ ਪੁੱਛਿਆ ਗਿਆ।

ਉਨ੍ਹਾਂ ਕਿਹਾ, ''ਮੈਂ ਭਾਰਤ-ਅਮਰੀਕਾ ਸਬੰਧਾਂ 'ਤੇ ਇਕ ਲਾਭਦਾਇਕ ਕਿਤਾਬ ਵਿਚ ਪੜ੍ਹਿਆ ਸੀ...ਜਦੋਂ ਪ੍ਰਧਾਨ ਮੰਤਰੀ ਨਹਿਰੂ ਪਹਿਲੀ ਵਾਰ ਅਮਰੀਕਾ ਗਏ ਸਨ ਤਾਂ ਉਥੇ 3,000 ਭਾਰਤੀ ਸਨ, ਜਦੋਂ (ਪ੍ਰਧਾਨ ਮੰਤਰੀ) ਇੰਦਰਾ ਗਾਂਧੀ ਗਈ ਤਾਂ ਇਹ ਗਿਣਤੀ 30,000 ਹੋ ਗਈ ਅਤੇ ਜਦੋਂ ਰਾਜੀਵ ਗਾਂਧੀ ਗਏ ਇਹ ਗਿਣਤੀ 3,00,000 ਹੋ ਗਈ ਅਤੇ ਜਦੋਂ ਪ੍ਰਧਾਨ ਮੰਤਰੀ ਮੋਦੀ ਗਏ ਤਾਂ ਇਹ ਗਿਣਤੀ 33 ਲੱਖ ਹੋ ਗਈ ਹੈ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8