ਭਾਰਤੀ ਆਪਣੇ ਮੋਬਾਈਲ ਫੋਨਾਂ ''ਤੇ ਸਭ ਤੋਂ ਵੱਧ ਕੀ ਦੇਖਦੇ ਹਨ? ਰਿਪੋਰਟ ''ਚ ਹੈਰਾਨ ਕਰਨ ਵਾਲਾ ਖੁਲਾਸਾ

ਨਵੀਂ ਦਿੱਲੀ- ਭਾਰਤੀ ਲੋਕ ਆਪਣੇ ਮੋਬਾਈਲ ਫੋਨ 'ਤੇ ਸਭ ਤੋਂ ਵੱਧ ਕੀ ਦੇਖਦੇ ਅਤੇ ਕੀ ਚਲਾਉਂਦੇ ਹਨ? ਇਸ ਬਾਰੇ ਇੱਕ ਰਿਪੋਰਟ ਸਾਹਮਣੇ ਆਈ ਹੈ। ਸੈਂਸਰ ਟਾਵਰ ਦੀ ਮੋਬਾਈਲ ਫੋਨ ਦੀ ਵਰਤੋਂ ਬਾਰੇ “State of Mobile 2025” ਰਿਪੋਰਟ ਸਾਹਮਣੇ ਆਈ ਹੈ। ਇਸ ਵਿਚ ਦੱਸਿਆ ਗਿਆ ਹੈ ਕਿ ਭਾਰਤੀ ਦੁਨੀਆ ਦੇ ਦੂਜੇ ਦੇਸ਼ਾਂ ਦੇ ਮੁਕਾਬਲੇ ਮੋਬਾਈਲ ਐਪਸ ਜ਼ਿਆਦਾ ਡਾਊਨਲੋਡ ਕਰਦੇ ਹਨ ਅਤੇ ਇਨ੍ਹਾਂ 'ਤੇ ਜ਼ਿਆਦਾ ਸਮਾਂ ਬਿਤਾਉਂਦੇ ਹਨ। ਹਾਲਾਂਕਿ, ਐਪਸ ਰਾਹੀਂ ਸਾਮਾਨ ਖਰੀਦਣ ਦੇ ਮਾਮਲੇ ਵਿੱਚ ਭਾਰਤ ਪਿੱਛੇ ਹੈ। ਇਸਦਾ ਅੰਦਾਜ਼ਾ ਤੁਸੀਂ ਇਸ ਗੱਲ ਤੋਂ ਲਗਾ ਸਕਦੇ ਹੋ ਕਿ ਐਪਸ ਰਾਹੀਂ ਖਰੀਦਦਾਰੀ ਤੋਂ ਹੋਣ ਵਾਲੇ ਮਾਲੀਏ ਦੇ ਮਾਮਲੇ ਵਿੱਚ ਭਾਰਤ ਚੋਟੀ ਦੇ 20 ਦੇਸ਼ਾਂ ਵਿੱਚ ਵੀ ਸ਼ਾਮਲ ਨਹੀਂ ਹੈ।

ਇਹ ਵੀ ਪੜ੍ਹੋ : ਡੋਨਾਲਡ ਟਰੰਪ ਨੇ ਫਿਰ ਦਿੱਤੀ ਧਮਕੀ, ਅਮਰੀਕਾ ਨੂੰ ਨੁਕਸਾਨ ਪਹੁੰਚਾਉਣ ਵਾਲੇ ਦੇਸ਼ਾਂ 'ਤੇ ਲਗਾਇਆ ਜਾਵੇਗਾ ਟੈਰਿਫ

ਹਾਲਾਂਕਿ 2024 ਵਿਚ ਭਾਰਤ ਵਿੱਚ ਕਰੀਬ 24.3 ਬਿਲੀਅਨ ਐਪਸ ਡਾਊਨਲੋਡ ਹੋਏ, ਜੋ 2023 ਦੇ 25.6 ਬਿਲੀਅਨ ਅਤੇ 2022 ਦੇ 26.6 ਬਿਲੀਅਨ ਤੋਂ ਘੱਟ ਹੈ। ਭਾਵੇਂ ਲੋਕਾਂ ਨੇ ਘੱਟ ਐਪਸ ਡਾਊਨਲੋਡ ਕੀਤੇ ਹਨ, ਪਰ ਐਪ 'ਤੇ ਬਿਤਾਇਆ ਜਾਣ ਵਾਲਾ ਸਮਾਂ ਵਧਿਆ ਹੈ, ਜੋ ਕਿ 2024 ਵਿਚ 1.12 ਟ੍ਰਿਲੀਅਨ ਘੰਟੇ ਤੱਕ ਪਹੁੰਚ ਗਿਆ। ਇਹ 2023 ਵਿਚ 991 ਬਿਲੀਅਨ ਘੰਟੇ ਅਤੇ 2022 ਦੇ 841 ਬਿਲੀਅਨ ਘੰਟੇ ਤੋਂ ਜ਼ਿਆਦਾ ਹੈ। ਭਾਰਤ ਵਿੱਚ ਸੋਸ਼ਲ ਮੀਡੀਆ ਅਤੇ ਮੀਡੀਆ ਅਤੇ ਮਨੋਰੰਜਨ (M&E) ਐਪਸ ਸਭ ਤੋਂ ਵੱਧ ਪ੍ਰਸਿੱਧ ਹਨ। ਹਾਲਾਂਕਿ ਇਨ੍ਹਾਂ ਦੀ ਡਾਊਨਲੋਡ ਸੰਖਿਆ ਵਿਚ ਗਿਰਾਵਟ ਆਈ ਹੈ। ਸੋਸ਼ਲ ਮੀਡੀਆ ਐਪ ਡਾਊਨਲੋਡ 10% ਘੱਟ ਕੇ 1.19 ਬਿਲੀਅਨ ਰਹਿ ਗਏ। ਫਿਲਮ ਅਤੇ ਟੀਵੀ ਸਟ੍ਰੀਮਿੰਗ ਐਪਸ ਦੇ ਡਾਊਨਲੋਡ 8% ਘਟ ਕੇ 663 ਮਿਲੀਅਨ ਰਹਿ ਗਏ।

ਇਹ ਵੀ ਪੜ੍ਹੋ: PM ਮੋਦੀ ਗੈਰ-ਕਾਨੂੰਨੀ ਪ੍ਰਵਾਸੀਆਂ ਦੇ ਮਾਮਲੇ 'ਚ ਉਹੀ ਕਰਨਗੇ ਜੋ ਸਹੀ ਹੋਵੇਗਾ: ਡੋਨਾਲਡ ਟਰੰਪ

ਡੇਟਿੰਗ ਐਪਸ (M&E) ਤੋਂ IAP ਰੈਵੀਨਿਊ 25% ਵਧ ਕੇ 55 ਮਿਲੀਅਨ ਡਾਲਰ ਹੋ ਗਿਆ, ਜਿਸ ਵਿੱਚ Bumble ਸਭ ਤੋਂ ਅੱਗੇ ਰਿਹਾ। ਸੋਸ਼ਲ ਮੀਡੀਆ ਸ਼੍ਰੇਣੀ ਵਿੱਚ IAP ਰੈਵੀਨਿਊ 29% ਵਧ ਕੇ 54 ਮਿਲੀਅਨ ਡਾਲਰ ਤੱਕ ਪਹੁੰਚਿਆ, ਜਿਸ ਵਿਚ YouTube ਨੇ ਮੁੱਖ ਭੂਮਿਕਾ ਨਿਭਾਈ। M&E (ਫਿਲਮ ਅਤੇ ਟੀਵੀ ਸਟ੍ਰੀਮਿੰਗ) ਤੋਂ IAP ਰੈਵੀਨਿਊ 86% ਵਧ ਕੇ 45 ਮਿਲੀਅਨ ਡਾਲਰ ਤੱਕ ਪਹੁੰਚਿਆ। ਇਸ ਸ਼੍ਰੇਣੀ ਵਿੱਚ ਡਿਜ਼ਨੀ+ ਹੌਟਸਟਾਰ ਸਭ ਤੋਂ ਵੱਧ ਪ੍ਰਸਿੱਧ ਰਿਹਾ। ਭਾਰਤ ਦੇ ਗੇਮਿੰਗ ਸੈਕਟਰ ਨੇ 2024 ਵਿੱਚ 8.5 ਬਿਲੀਅਨ ਡਾਊਨਲੋਡ ਦਰਜ ਕੀਤੇ, ਜੋ ਕਿ 2023 ਨਾਲੋਂ 11% ਘੱਟ ਹਨ।

ਇਹ ਵੀ ਪੜ੍ਹੋ: ਨਿਊਯਾਰਕ ਦੇ ਗੁਰਦੁਆਰਿਆਂ 'ਚ ਨਹੀਂ ਹੋਈ ਕੋਈ ਛਾਪੇਮਾਰੀ, ਸਿੱਖ ਭਾਈਚਾਰੇ ਦੇ ਆਗੂਆਂ ਨੇ ਖਬਰਾਂ ਦਾ ਕੀਤਾ ਖੰਡਨ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8