ਵਰਿੰਦਾਵਨ ਗਏ ਨੌਜਵਾਨ ਨੂੰ ਕੂਲਰ ਤੋਂ ਲੱਗ ਗਿਆ ਕਰੰਟ ! ਸਾਰਿਆਂ ਸਾਹਮਣੇ ਤੜਫ਼-ਤੜਫ਼ ਨਿਕਲੀ ਜਾਨ

ਵਰਿੰਦਾਵਨ- ਮਥੁਰਾ ਦੇ ਵਰਿੰਦਾਵਨ 'ਚ ਦਰਸ਼ਨ ਕਰਨ ਆਏ 21 ਸਾਲਾ ਨੌਜਵਾਨ ਦੀ ਕਰੰਟ ਲੱਗਣ ਨਾਲ ਮੌਤ ਹੋ ਗਈ। ਇਹ ਹਾਦਸਾ ਸੋਮਵਾਰ ਦੁਪਹਿਰ ਇਸਕਾਨ ਮੰਦਰ ਦੇ ਮੁੱਖ ਗੇਟ ਦੇ ਬਾਹਰ ਵਾਪਰਿਆ, ਜਿੱਥੇ ਨਗਰ ਨਿਗਮ ਨੇ ਲੂ ਤੋਂ ਰਾਹਤ ਦੇਣ ਲਈ ਵਾਟਰ ਸਪਰੇਅ ਕੂਲਰ ਲਗਾਇਆ ਸੀ। ਕੂਲਰ 'ਚ ਕਰੰਟ ਆਉਣ ਕਾਰਨ ਅਭਿਗਿਆਨ ਗੁਪਤਾ ਉਸ ਦੀ ਲਪੇਟ 'ਚ ਆ ਗਿਆ।

ਇਸ ਹਾਦਸੇ ਕਾਰਨ ਘਟਨਾ ਸਥਾਨ 'ਤੇ ਹਫੜਾ-ਦਫੜੀ ਮਚ ਗਈ। ਸੂਚਨਾ ਮਿਲਦੇ ਹੀ ਮੌਕੇ 'ਤੇ ਪੁਲਸ ਪਹੁੰਚੀ ਅਤੇ ਨੌਜਵਾਨ ਨੂੰ ਹਸਪਤਾਲ ਲੈ ਗਈ, ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਅਭਿਗਿਆਨ ਮੱਧ ਪ੍ਰਦੇਸ਼ ਦੇ ਛਤਰਪੁਰ ਦਾ ਰਹਿਣ ਵਾਲਾ ਸੀ। ਹਸਪਤਾਲ 'ਚ, ਪਿਤਾ ਨੇ ਡਾਕਟਰਾਂ ਦੀ ਗੱਲ ਸੁਣਨ ਤੋਂ ਇਨਕਾਰ ਕਰ ਦਿੱਤਾ। ਉਹ ਕਦੇ ਆਪਣੇ ਪੁੱਤਰ ਦੀ ਛਾਤੀ ਦਬਾਉਂਦਾ ਸੀ, ਕਦੇ ਉਸਦੇ ਚਿਹਰੇ ਨੂੰ ਪਿਆਰ ਕਰਦੇ ਕਹਿੰਦੇ, "ਬੇਟਾ ਉੱਠੋ... ਪਾਪਾ ਬੁਲਾ ਰਹੇ ਹਨ। ਬੇਟਾ ਪਲੀਜ਼ ਉੱਠ ਜਾਓ... ਮੇਰੇ ਲਈ ਉੱਠ ਜਾਓ...।"

ਹਸਪਤਾਲ ਦਾ ਸਟਾਫ ਸਮਝਾਉਂਦਾ ਰਿਹਾ ਕਿ ਹੁਣ ਕੁਝ ਨਹੀਂ ਹੋ ਸਕਦਾ, ਪਰ ਪਿਤਾ ਵਾਰ-ਵਾਰ ਇਹੀ ਕਹਿੰਦਾ ਰਿਹਾ,"ਹੋਵੇਗਾ...ਹੋਵੇਗਾ... ਮੇਰਾ ਪੁੱਤ ਹੁਣੇ ਉੱਠ ਜਾਵੇਗਾ।" ਇਸ ਦ੍ਰਿਸ਼ ਨੇ ਹਸਪਤਾਲ 'ਚ ਮੌਜੂਦ ਲੋਕਾਂ ਦੀਆਂ ਅੱਖਾਂ ਨਮ ਕਰ ਦਿੱਤੀਆਂ। ਇਸ ਮਾਮਲੇ ਬਾਰੇ, ਇਸਕਾਨ ਮੰਦਿਰ ਦੇ ਬੁਲਾਰੇ ਰਵੀ ਲੋਚਨ ਦਾਸ ਨੇ ਕਿਹਾ, "ਇਹ ਹਾਦਸਾ ਦੁਖਦਾਈ ਹੈ, ਪਰ ਇਸਕਾਨ ਵਰਿੰਦਾਵਨ ਦੀ ਕੋਈ ਗਲਤੀ ਨਹੀਂ ਹੈ।" ਨਗਰ ਨਿਗਮ ਜ਼ੋਨ ਦੇ ਇੰਚਾਰਜ ਵਧੀਕ ਨਗਰ ਕਮਿਸ਼ਨਰ ਨਾਲ ਸੰਪਰਕ ਕੀਤਾ ਗਿਆ, ਤਾਂ ਉਨ੍ਹਾਂ ਨੇ ਫ਼ੋਨ ਦਾ ਜਵਾਬ ਨਹੀਂ ਚੁੱਕਿਆ।

वृंदावन में बेहद दुखद और चिंताजनक घटना। ISKCON मंदिर के बाहर नगर निगम द्वारा लगाए गए शावर कूलर में कथित रूप से उतरे करंट की चपेट में आकर मध्य प्रदेश के छतरपुर निवासी 21 वर्षीय अभिज्ञान गुप्ता की मौत हो गई। अब घटना का लाइव वीडियो भी सामने आया है। #Vrindavan #ISKCON #Mathura… pic.twitter.com/koUroHQXvt

— Farooqui (@Farooqui0M) June 16, 2026

ਮੱਧ ਪ੍ਰਦੇਸ਼ ਦੇ ਛਤਰਪੁਰ ਦਾ ਰਹਿਣ ਵਾਲਾ ਅਨਿਲ ਗੁਪਤਾ ਆਪਣੇ 21 ਸਾਲਾ ਪੁੱਤਰ ਅਭਿਗਿਆਨ ਗੁਪਤਾ ਨਾਲ ਵਰਿੰਦਾਵਨ ਦਰਸ਼ਨ ਕਰਨ ਆਇਆ ਸੀ। ਦੁਪਹਿਰ 12 ਵਜੇ ਦੇ ਕਰੀਬ, ਪਿਤਾ ਅਤੇ ਪੁੱਤਰ ਇਸਕਾਨ ਮੰਦਰ ਪਹੁੰਚੇ। ਅਭਿਗਿਆਨ ਮੰਦਰ ਦੇ ਮੁੱਖ ਗੇਟ ਦੇ ਨੇੜੇ ਇਕ ਵਾਟਰ ਕੂਲਰ ਦੇ ਹੇਠਾਂ ਆਪਣੀਆਂ ਚੱਪਲਾਂ ਉਤਾਰ ਰਿਹਾ ਸੀ। ਕੂਲਰ ਅਚਾਨਕ ਕਰੰਟ ਆ ਗਿਆ ਅਤੇ ਉਹ ਉਸ ਨਾਲ ਚਿਪਕ ਗਿਆ। ਬੇਟੇ ਨੂੰ ਕਰੰਟ ਲੱਗਦਾ ਦੇਖ ਪਿਤਾ ਅਨਿਲ ਉਸ ਨੂੰ ਬਚਾਉਣ ਦੌੜੇ। ਅਨਿਲ ਗੁਪਤਾ ਨੂੰ ਵੀ ਕਰੰਟ ਦਾ ਝਟਕਾ ਲੱਗਾ। ਮੌਕੇ 'ਤੇ ਮੌਜੂਦ ਲੋਕਾਂ ਨੇ ਕਿਸੇ ਤਰ੍ਹਾਂ ਪਿਤਾ-ਪੁੱਤ ਨੂੰ ਕੂਲਰ ਤੋਂ ਵੱਖ ਕੀਤਾ ਅਤੇ ਹਾਦਸੇ ਦੀ ਸੂਚਨਾ ਪੁਲਸ ਨੂੰ ਦਿੱਤੀ। 

ਸੂਚਨਾ ਮਿਲਦੇ ਹੀ ਰਮਨ ਰੇਤੀ ਪੁਲਸ ਚੌਕੀ ਤੋਂ ਪੁਲਸ ਮੁਲਾਜ਼ਮ ਮੌਕੇ 'ਤੇ ਪਹੁੰਚੇ ਅਤੇ ਕਰੰਟ ਲੱਗਣ ਨਾਲ ਜ਼ਖਮੀ ਨੌਜਵਾਨ ਅਤੇ ਪਿਤਾ ਨੂੰ ਹਸਪਤਾਲ ਲੈ ਕੇ ਦੌੜ ਪਏ। ਡਾਕਟਰਾਂ ਨੇ ਅਭਿਗਿਆਨ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਪਿਤਾ ਦਾ ਦੋਸ਼ ਸੀ ਕਿ ਇਹ ਹਾਦਸਾ ਜ਼ਿੰਮੇਵਾਰਾਂ ਦੀ ਲਾਪਵਾਹੀ ਕਾਰਨ ਹੋਇਆ ਹੈ। ਮੇਰਾ ਤਾਂ ਬੇਟਾ ਮੇਰੇ ਤੋਂ ਹਮੇਸ਼ਾ ਲਈ ਖੋਹ ਲਿਆ। ਮੈਂ ਉਸ ਨਾਲ ਦਰਸ਼ਨ ਕਰਨ ਆਇਆ ਸੀ।  ਇਸਕਾਨ ਮੰਦਰ ਪ੍ਰਬੰਧਨ ਵਿਰੁੱਧ ਪਿਤਾ ਦੇ ਦੋਸ਼ਾਂ ਬਾਰੇ, ਇਸਕਾਨ ਮੰਦਰ ਵਰਿੰਦਾਵਨ ਦੇ ਬੁਲਾਰੇ ਰਵੀ ਲੋਚਨ ਦਾਸ ਨੇ ਕਿਹਾ, "ਇਹ ਹਾਦਸਾ ਮੰਦਰ ਦੇ ਮੁੱਖ ਪ੍ਰਵੇਸ਼ ਦੁਆਰ ਦੇ ਬਾਹਰ ਨਗਰ ਨਿਗਮ ਦੁਆਰਾ ਲਗਾਏ ਗਏ ਕੂਲਰ 'ਚ ਬਿਜਲੀ ਦਾ ਕਰੰਟ ਆਉਣ ਕਾਰਨ ਹੋਇਆ ਹੈ। ਹਾਦਸਾ ਦੁਖਦਾਈ ਹੈ ਪਰ ਇਸਕਾਨ ਵਰਿੰਦਾਵਨ ਦੀ ਕੋਈ ਦੋਸ਼ ਨਹੀਂ ਹੈ। ਨਗਰ ਨਿਗਮ ਨੇ ਸ਼ਰਧਾਲੂਆਂ ਨੂੰ ਰਾਹਤ ਪ੍ਰਦਾਨ ਕਰਨ ਲਈ ਇਹ ਕੂਲਰ ਲਗਵਾਇਆ ਸੀ।"

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e