ਅਰਬਪਤੀ ਦੀ ਧੀ ਵਸੁੰਧਰਾ ਓਸਵਾਲ ਨਾਲ ਸਵਿੱਟਜ਼ਰਲੈਂਡ 'ਚ ਹੋਇਆ ਨਸਲੀ ਭੇਦਭਾਵ, Video ਵਾਇਰਲ

ਬਿਜ਼ਨੈੱਸ ਡੈਸਕ : ਅਰਬਪਤੀ ਉਦਯੋਗਪਤੀ ਪੰਕਜ ਓਸਵਾਲ ਦੀ ਵੱਡੀ ਧੀ ਅਤੇ ਭਾਰਤੀ ਮੂਲ ਦੀ ਕਾਰੋਬਾਰੀ ਮਹਿਲਾ ਵਸੁੰਧਰਾ ਓਸਵਾਲ ਨੇ ਇੱਕ ਵੀਡੀਓ ਸਾਂਝੀ ਕੀਤੀ ਹੈ ਜਿਸ ਵਿੱਚ ਉਸਨੇ ਦੋਸ਼ ਲਗਾਇਆ ਹੈ ਕਿ ਉਸਨੂੰ ਸਵਿਟਜ਼ਰਲੈਂਡ ਵਿੱਚ ਆਪਣੇ ਘਰ ਦੇ ਬਾਹਰ ਨਸਲਵਾਦ ਦਾ ਸਾਹਮਣਾ ਕਰਨਾ ਪਿਆ, ਜਿੱਥੇ ਉਹ ਪਿਛਲੇ ਅੱਠ ਸਾਲਾਂ ਤੋਂ ਰਹਿ ਰਹੀ ਹੈ। ਉਸਦੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਪੋਸਟ ਕੀਤੀ ਗਈ ਵੀਡੀਓ ਵਿੱਚ ਇੱਕ ਸਵਿਸ ਗੁਆਂਢੀ ਨਾਲ ਬਹਿਸ ਹੁੰਦੀ ਦਿਖਾਈ ਦਿੰਦੀ ਹੈ।

ਇਹ ਵੀ ਪੜ੍ਹੋ : ਪਾਕਿਸਤਾਨੀ ਕ੍ਰੀਮ ਨਾਲ 18 ਭਾਰਤੀ ਔਰਤਾਂ ਦੀ ਕਿਡਨੀ ਹੋਈ ਖ਼ਰਾਬ; 'Goree' ਸਮੇਤ 3 ਸੁੰਦਰਤਾ ਉਤਪਾਦਾਂ 'ਤੇ ਲੱਗਾ ਬੈਨ

ਵੀਰਵਾਰ ਦੁਪਹਿਰ ਨੂੰ, ਗੁਆਂਢੀ ਨੇ ਉਸਦੇ ਪਰਿਵਾਰ ਦੁਆਰਾ ਲਾਅਨ ਮੋਵਰ(ਘਾਹ ਕੱਟਣ ਦੀ ਮਸ਼ੀਨ) ਦੀ ਵਰਤੋਂ 'ਤੇ ਇਤਰਾਜ਼ ਜਤਾਇਆ ਅਤੇ ਕਿਹਾ ਕਿ ਉਹ "ਭਾਰਤ 'ਚ ਨਹੀਂ ਹੈ।" ਵਸੁੰਧਰਾ ਨੇ ਜਵਾਬ ਦਿੱਤਾ ਕਿ ਉਸ ਸਮੇਂ ਲਾਅਨ ਮੋਵਰ ਦੀ ਵਰਤੋਂ 'ਤੇ ਪਾਬੰਦੀ ਲਗਾਉਣ ਵਾਲਾ ਕੋਈ ਕਾਨੂੰਨ ਨਹੀਂ ਹੈ।

ਵਸੁੰਧਰਾ ਓਸਵਾਲ ਦੀ ਲੰਬੀ ਪੋਸਟ 

ਵਸੁੰਧਰਾ ਓਸਵਾਲ ਨੇ ਵੀਡੀਓ ਦੇ ਨਾਲ ਇੱਕ ਲੰਮਾ ਨੋਟ ਵੀ ਪੋਸਟ ਕੀਤਾ, ਜਿਸ ਵਿੱਚ ਸਵਿਟਜ਼ਰਲੈਂਡ ਵਿੱਚ ਨਸਲਵਾਦ ਅਤੇ ਜ਼ੈਨੋਫੋਬੀਆ ਦੀ ਵਿਆਪਕ ਪਰ ਅਕਸਰ ਅਣਦੇਖੀ ਕੀਤੀ ਗਈ ਸਮੱਸਿਆ ਨੂੰ ਉਜਾਗਰ ਕੀਤਾ ਗਿਆ। ਅੰਕੜਿਆਂ ਦਾ ਹਵਾਲਾ ਦਿੰਦੇ ਹੋਏ, ਉਸਨੇ ਕਿਹਾ ਕਿ ਦੇਸ਼ ਵਿੱਚ ਰਹਿਣ ਵਾਲੇ 17% ਲੋਕਾਂ ਨੇ ਨਸਲੀ ਵਿਤਕਰੇ ਦਾ ਅਨੁਭਵ ਕਰਨ ਦੀ ਰਿਪੋਰਟ ਕੀਤੀ।

ਇਹ ਵੀ ਪੜ੍ਹੋ :  LPG ਗਾਹਕਾਂ ਲਈ ਅੱਜ ਤੋਂ ਬਦਲ ਗਏ ਕਈ ਨਿਯਮ, ਸਿਲੰਡਰ ਬੁੱਕ ਕਰਨ ਤੋਂ ਪਹਿਲਾਂ ਜਾਣੋ ਨਵੇਂ ਬਦਲਾਅ

ਉਸਨੇ ਦਲੀਲ ਦਿੱਤੀ ਕਿ ਯੂਕੇ ਵਰਗੇ ਦੇਸ਼ਾਂ ਦੇ ਮੁਕਾਬਲੇ ਇੱਥੇ ਇਸ ਮੁੱਦੇ ਨੂੰ ਘੱਟ ਰਿਪੋਰਟ ਕੀਤਾ ਜਾਂਦਾ ਹੈ। ਇਹ ਇਸ ਲਈ ਹੈ ਕਿਉਂਕਿ ਅਜਿਹੀਆਂ ਘਟਨਾਵਾਂ ਦੀ ਰਿਪੋਰਟ ਕਰਨ ਦੀ ਪ੍ਰਣਾਲੀ ਸਵਿਟਜ਼ਰਲੈਂਡ ਵਿੱਚ ਵਧੇਰੇ ਖੰਡਿਤ ਹੈ।

ਸਵਿਟਜ਼ਰਲੈਂਡ ਵਿੱਚ ਫੈਲਿਆ ਨਸਲਵਾਦ ਅਤੇ ਵਿਦੇਸ਼ੀ ਲੋਕਾਂ ਪ੍ਰਤੀ ਘ੍ਰਿਣਾ
ਓਸਵਾਲ ਨੇ ਇਸ ਧਾਰਨਾ 'ਤੇ ਵੀ ਸਵਾਲ ਉਠਾਇਆ ਕਿ ਆਰਥਿਕ ਵਿਕਾਸ ਦਾ ਅਰਥ ਸਮਾਜਿਕ ਤਰੱਕੀ ਹੈ। ਉਸਨੇ ਕਿਹਾ ਕਿ ਉਹ ਉਸ ਪੱਖਪਾਤ ਤੋਂ ਨਿਰਾਸ਼ ਹੈ ਜਿਸ ਦਾ ਸਾਹਮਣਾ ਉਸਨੇ ਅਤੇ ਉਸਦੇ ਪਰਿਵਾਰ ਨੇ ਸਾਲਾਂ ਤੋਂ ਸਵਿਟਜ਼ਰਲੈਂਡ ਵਿੱਚ ਰਹਿਣ ਦੇ ਬਾਵਜੂਦ ਕੀਤਾ ਹੈ।

ਓਸਵਾਲ ਨੇ ਲਿਖਿਆ, "ਭਾਰਤੀ ਹੋਣ ਦੇ ਨਾਤੇ, ਸਾਨੂੰ ਇਹ ਕਹਿੰਦੇ ਹੋਏ ਦੁੱਖ ਹੋ ਰਿਹਾ ਹੈ ਕਿ ਸਵਿਟਜ਼ਰਲੈਂਡ ਵਿੱਚ ਨਸਲਵਾਦ ਅਤੇ ਵਿਦੇਸ਼ੀ ਲੋਕਾਂ ਪ੍ਰਤੀ ਘ੍ਰਿਣਾ ਬਹੁਤ ਜ਼ਿਆਦਾ ਹੈ। ਪਰ ਕੋਈ ਵੀ ਇਸ ਬਾਰੇ ਗੱਲ ਨਹੀਂ ਕਰਦਾ।" ਉਹ ਪਿਛਲੇ ਅੱਠ ਸਾਲਾਂ ਤੋਂ ਸਵਿਟਜ਼ਰਲੈਂਡ ਵਿੱਚ ਰਹਿ ਰਹੀ ਹੈ ਅਤੇ ਦੇਸ਼ ਦੇ ਸਭ ਤੋਂ ਵੱਡੇ ਘਰਾਂ ਵਿੱਚੋਂ ਇੱਕ ਬਣਾਇਆ ਹੈ।

ਇਹ ਵੀ ਪੜ੍ਹੋ :    UIDAI ਨੇ ਦਿੱਤੀ ਵੱਡੀ ਰਾਹਤ, ਹੁਣ Aadhaar ਅਪਡੇਟ ਲਈ ਨਹੀਂ ਲਗਾਉਣੇ ਪੈਣਗੇ ਚੱਕਰ

ਇਹ ਖਾਸ ਵਿਤਕਰਾ ਵੱਖ-ਵੱਖ ਚਮੜੀ ਦੇ ਰੰਗਾਂ ਵਾਲੇ ਲੋਕਾਂ ਨੂੰ ਨਿਸ਼ਾਨਾ ਬਣਾਉਂਦਾ ਹੈ, ਜੋ ਔਸਤ ਸਥਾਨਕ ਆਬਾਦੀ ਨਾਲੋਂ ਬਿਹਤਰ ਹਨ।

ਭਾਰਤੀਆਂ ਨੂੰ ਕੀਤੀ ਅਪੀਲ

ਉਸਨੇ ਭਾਰਤੀਆਂ ਨੂੰ ਸੈਰ-ਸਪਾਟਾ, ਸਿੱਖਿਆ ਜਾਂ ਲੰਬੇ ਸਮੇਂ ਦੀ ਰਿਹਾਇਸ਼ ਲਈ ਲਈ ਸਵਿਟਜ਼ਰਲੈਂਡ ਦੀ ਚੋਣ ਕਰਨ ਤੋਂ ਪਹਿਲਾਂ ਵਧੇਰੇ ਚੌਕਸ ਰਹਿਣ ਦੀ ਅਪੀਲ ਕੀਤੀ। ਉਸਨੇ ਕਿਹਾ ਕਿ ਲੋਕਾਂ ਨੂੰ ਸੋਚਣਾ ਹੋਵੇਗਾ ਕਿ ਕੀ ਉਹ ਉਨ੍ਹਾਂ ਥਾਵਾਂ ਨੂੰ ਵਿੱਤੀ ਸਹਾਇਤਾ ਦੇਣ ਬਾਰੇ ਸੋਚ ਰਹੇ ਹਨ ਜਿੱਥੇ ਭਾਰਤੀਆਂ ਅਤੇ ਉਨ੍ਹਾਂ ਦੇ ਸੱਭਿਆਚਾਰ ਨੂੰ ਨੀਵਾਂ ਸਮਝਿਆ ਜਾਂਦਾ ਹੈ।

ਇਹ ਵੀ ਪੜ੍ਹੋ : PF 'ਚ 1800 ਰੁਪਏ ਦੀ ਕਟੌਤੀ ਵਾਲੇ ਨਿਯਮ ਨਾਲ ਕਿਸ ਨੂੰ ਹੋਵੇਗਾ ਫ਼ਾਇਦਾ ਤੇ ਕਿਸ ਨੂੰ ਹੋਵੇਗਾ ਨੁਕਸਾਨ...

ਉਸਨੇ ਅੱਗੇ ਕਿਹਾ, " ਇੱਥੇ ਅਸੀਂ ਸਵਿਟਜ਼ਰਲੈਂਡ ਵਿੱਚ ਉਸ ਜੋਨੋਫਓਬਿਆ ਨੂੰ  ਸਾਹਮਣੇ ਲਿਆ ਰਹੇ ਹਨ ਜਿਸ ਦਾ ਸਾਨੂੰ ਸਾਹਮਣਾ ਕਰਨਾ ਪੈ ਰਿਹਾ ਹੈ ਤਾਂ ਜੋ ਅਗਲੀ ਵਾਰ ਜਦੋਂ ਤੁਸੀਂ ਕਿਸੇ ਦੇਸ਼ ਦਾ ਯਾਤਰਾ ਕਰਨ, ਪੜ੍ਹਾਈ ਕਰਨ ਜਾਂ ਵਸਣ ਲਈ ਚੋਣ ਕਰੋ, ਤਾਂ ਤੁਸੀਂ ਸੱਚਮੁੱਚ ਸਮਝ ਸਕੋ ਕਿ ਕੀ ਉਹ ਦੇਸ਼ ਸੈਰ-ਸਪਾਟਾ ਅਤੇ ਹੋਰ ਵਿੱਤੀ ਸਹਾਇਤਾ ਦੇ ਰੂਪ ਵਿੱਚ ਭਾਰਤੀਆਂ ਦੀ ਮਿਹਨਤ ਨਾਲ ਕਮਾਏ ਪੈਸੇ ਦਾ ਹੱਕਦਾਰ ਹੈ, ਜਦੋਂ ਕਿ ਸਥਾਨਕ ਆਬਾਦੀ ਭਾਰਤ, ਭਾਰਤੀ ਸੱਭਿਆਚਾਰ ਅਤੇ ਭਾਰਤੀਆਂ ਨੂੰ ਨੀਵਾਂ ਸਮਝਦੀ ਹੈ।"

ਵਸੁੰਧਰਾ ਓਸਵਾਲ ਕੌਣ ਹੈ?

ਵਸੁੰਧਰਾ ਓਸਵਾਲ ਉਦਯੋਗਪਤੀ ਪੰਕਜ ਅਤੇ ਰਾਧਿਕਾ ਓਸਵਾਲ ਦੀ ਧੀ ਹੈ। ਉਹ ਓਸਵਾਲ ਗਰੁੱਪ ਗਲੋਬਲ ਦੀ ਸੰਸਥਾਪਕ ਹੈ, ਇੱਕ ਬਹੁ-ਰਾਸ਼ਟਰੀ ਵਪਾਰਕ ਸਮੂਹ ਜੋ ਖਾਦ, ਪੈਟਰੋ ਕੈਮੀਕਲ ਅਤੇ ਹੋਰ ਖੇਤਰਾਂ ਵਿੱਚ ਕੰਮ ਕਰਦਾ ਹੈ।

ਉਸਨੇ ਇੱਕ ਸਵਿਸ ਯੂਨੀਵਰਸਿਟੀ ਤੋਂ ਫਾਇਨਾਂਸ ਵਿੱਚ ਆਨਰਜ਼ ਦੇ ਨਾਲ ਬੈਚਲਰ ਦੀ ਡਿਗਰੀ ਪ੍ਰਾਪਤ ਕੀਤੀ ਹੈ ਅਤੇ ਉਸਨੂੰ ਕਈ ਸਨਮਾਨ ਪ੍ਰਾਪਤ ਹੋਏ ਹਨ। ਇਨ੍ਹਾਂ ਵਿੱਚ ਇਕਨਾਮਿਕ ਟਾਈਮਜ਼ ਦਾ "ਇੰਸਪਾਇਰਿੰਗ ਵੂਮੈਨ ਆਫ ਦਿ ਈਅਰ" ਪੁਰਸਕਾਰ ਅਤੇ 2023 ਦਾ "ਗਲੋਬਲ ਯੂਥ ਆਈਕਨ ਅਵਾਰਡ" ਸ਼ਾਮਲ ਹਨ।

ਉਸਨੂੰ "ਫੈਮੀਨਾ ਇੰਡੀਆ" ਦੁਆਰਾ ਵੀ ਮਾਨਤਾ ਪ੍ਰਾਪਤ ਹੈ। ਵਸੁੰਧਰਾ ਆਪਣੇ ਪਰਿਵਾਰ ਨਾਲ ਸਵਿਟਜ਼ਰਲੈਂਡ ਵਿੱਚ "ਵਿਲਾ ਵਾਰੀ" ਨਾਮਕ ਇੱਕ ਆਲੀਸ਼ਾਨ ਘਰ ਵਿੱਚ ਰਹਿੰਦੀ ਹੈ, ਜੋ ਕਿ ਮੌਂਟ ਬਲੈਂਕ ਦਾ ਨਜ਼ਰਾਂ ਦਿਖਆਉਂਦਾ ਹੈ। ਇਸ ਘਰ ਨੂੰ ਦੇਸ਼ ਦੇ ਸਭ ਤੋਂ ਮਹਿੰਗੇ ਨਿੱਜੀ ਨਿਵਾਸਾਂ ਵਿੱਚੋਂ ਇੱਕ ਮੰਨਿਆ ਜਾਂਦਾ ਹੈ। ਇਸਨੂੰ ਮਸ਼ਹੂਰ ਇੰਟੀਰੀਅਰ ਡਿਜ਼ਾਈਨਰ ਜੈਫਰੀ ਵਿਲਕਸ ਦੁਆਰਾ ਡਿਜ਼ਾਈਨ ਕੀਤਾ ਗਿਆ ਸੀ।

ਇਹ ਵੀ ਪੜ੍ਹੋ :  Indigo ਨੇ ਲਾਂਚ ਕੀਤੀ ਸਸਤੀ ਉਡਾਣ ਸੇਵਾ, 15 ਜੁਲਾਈ ਤੋਂ ਲਾਗੂ ਹੋਵੇਗਾ ਨਵਾਂ ਸਿਸਟਮ

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt