ਯੂ.ਪੀ. ਪੁਲਸ ਦਾ ਦਾਅਵਾ, ਪ੍ਰਦਰਸ਼ਨਕਾਰੀਆਂ ਤੋਂ 700 ਕਾਰਤੂਸ ਬਰਾਮਦ

ਲਖਨਊ — ਉੱਤਰ ਪ੍ਰਦੇਸ਼ ਪੁਲਸ ਨੇ ਸੋਮਵਾਰ ਨੂੰ ਦਾਅਵਾ ਕੀਤਾ ਕਿ ਸੂਬੇ 'ਚ ਨਾਗਰਿਕਤਾ ਸੋਧ ਕਾਨੂੰਨ ਖਿਲਾਫ ਵਿਰੋਧ ਪ੍ਰਦਰਸ਼ਨ ਦੌਰਾਨ 700 ਤੋਂ ਜ਼ਿਆਦਾ ਕਾਰਤੂਸ ਬਰਾਮਦ ਕੀਤੇ ਗਏ। ਪੁਲਸ ਨੇ ਇਹ ਯਕੀਨੀ ਕੀਤਾ ਕਿ ਪੁਲਸ ਵੱਲੋਂ ਇਨ੍ਹਾਂ ਦਾ ਇਸਤੇਮਾਲ ਨਹੀਂ ਕੀਤਾ ਗਿਆ ਸੀ। ਸੋਮਵਾਰ ਨੂੰ ਕਿਸੇ ਅਣਸੁਖਾਵੀਂ ਘਟਨਾ ਦੀ ਰਿਪੋਰਟ ਨਹੀਂ ਮਿਲਣ ਨਾਲ ਸੂਬਾ ਸ਼ਾਂਤੀਪੂਰਨ ਰਿਹਾ। ਪੁਲਸ ਨੇ ਕਿਹਾ, 'ਕਾਨੂੰਨ ਵਿਵਸਥਾ ਕੰਟਰੋਲ 'ਚ ਹੈ, ਯੂ.ਪੀ. 'ਚ ਸਥਿਤੀ ਆਮ ਹੈ। ਸੂਬੇ 'ਚ ਨਾਗਰਿਕਤਾ ਕਾਨੂੰਨ ਦੇ ਵਿਰੋਧ ਪ੍ਰਦਰਸ਼ਨਾਂ ਦੇ ਸਬੰਧ 'ਚ 213 ਐਫ.ਆਈ.ਆਰ. ਦਰਜ ਕਰਵਾਈ ਗਈ ਹੈ। ਹੁਣ ਤਕ 925 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। 288 ਪੁਲਸ ਕਰਮਚਾਰੀਆਂ ਨੂੰ ਸੱਟਾਂ ਲੱਗੀਆਂ ਹਨ, ਜਿਸ 'ਚ 62 ਫਾਇਰ ਆਰਮ ਦੀਆਂ ਸੱਟਾਂ ਹਨ। ਪੁਲਸ ਨੇ ਟਵੀਟ ਕੀਤਾ, '700 ਤੋਂ ਜ਼ਿਆਦਾ ਪੁਲਸ ਵੱਲੋਂ ਇਸਤੇਮਾਲ ਨਹੀਂ ਕੀਤੇ ਗਏ ਕਾਰਤੂਸ 'ਸ਼ਾਂਤੀਪੂਰਨ ਢੰਗ ਨਾਲ ਵਿਰੋਧ ਕਰਨ ਵਾਲੇ' ਨਾਗਰਿਕਾਂ ਤੋਂ ਬਰਾਮਦ ਕੀਤੇ ਗਏ ਹਨ।'

More than 250 police persons have been injured- 62 with gunshot injuries. Live and fired cartridges of non-prohibited bore (not used by the police) in excess of 700 have been recovered from 'peacefully protesting' citizens.#uppolice #UttarPradesh @TOILucknow @News18India https://t.co/ETcK4LGmce

— UP POLICE (@Uppolice) December 23, 2019