ਸਮੁੰਦਰ ''ਚ ਨਹਾਉਂਦੇ ਸਮੇਂ ਡੁੱਬੀਆਂ ਦੋ ਔਰਤਾਂ, ਤਿੰਨ ਨੂੰ ਸੁਰੱਖਿਅਤ ਬਚਾਇਆ

ਥੂਥੂਕੁਡੀ (ਤਾਮਿਲਨਾਡੂ) : ਤਾਮਿਲਨਾਡੂ ਦੇ ਥੂਥੂਕੁਡੀ ਜ਼ਿਲ੍ਹੇ 'ਚ ਵੇਂਬਰ ਨੇੜੇ ਪੇਰੀਯਾਸਾਮੀਪੁਰਮ ਬੀਚ ਉੱਤੇ ਸਮੁੰਦਰ 'ਚ ਨਹਾਉਣ ਦੌਰਾਨ ਦੋ ਔਰਤਾਂ ਡੁੱਬ ਗਈਆਂ ਅਤੇ ਤਿੰਨ ਹੋਰਾਂ ਨੂੰ ਬਚਾ ਲਿਆ ਗਿਆ। ਮ੍ਰਿਤਕਾਂ ਦੀ ਪਛਾਣ ਐੱਸ. ਕੰਨਿਆਮਲ (51) ਅਤੇ ਐੱਮ ਇਲੱਕੀਆ (21) ਦੋਵੇਂ ਵਾਸੀ ਮਦੁਰਾਈ ਵਜੋਂ ਹੋਈ ਹੈ, ਜਦਕਿ ਤਿੰਨ ਹੋਰਾਂ 'ਚ ਐੱਨ ਮੁਰੁਗਾ ਲਕਸ਼ਮੀ (39) ਕੇਰਲ, ਐੱਸ. ਅਨੀਥਾ (29) ਤੇ ਐੱਮ ਸਵੇਤਾ (22) ਨੂੰ ਥੂਥੂਕੁਡੀ ਦੇ ਸਰਕਾਰੀ ਮੈਡੀਕਲ ਕਾਲਜ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਹੈ। 

ਮਦੁਰਾਈ ਦੇ ਲੋਕਾਂ ਦਾ ਇੱਕ ਸਮੂਹ ਆਪਣੇ ਪਰਿਵਾਰਕ ਦੇਵਤਾ ਮੰਦਰ ਵਿੱਚ ਸਾਲਾਨਾ ਤਿਉਹਾਰ ਵਿੱਚ ਹਿੱਸਾ ਲੈਣ ਲਈ ਥੂਥੂਕੁਡੀ ਆਇਆ ਸੀ। ਤਿਉਹਾਰਾਂ ਵਿਚ ਹਿੱਸਾ ਲੈਣ ਤੋਂ ਬਾਅਦ, ਉਨ੍ਹਾਂ ਵਿਚੋਂ ਕੁਝ ਨੇ ਬੀਚ 'ਤੇ ਜਾ ਕੇ ਸਮੁੰਦਰ ਵਿਚ ਡੁਬਕੀ ਲਗਾਈ। ਉਨ੍ਹਾਂ ਵਿੱਚੋਂ ਪੰਜ ਇੱਕ ਵੱਡੀ ਲਹਿਰ ਵਿੱਚ ਵਹਿ ਗਈਆਂ। ਸਥਾਨਕ ਲੋਕਾਂ ਅਤੇ ਮਛੇਰਿਆਂ ਨੇ ਤਿੰਨ ਔਰਤਾਂ ਨੂੰ ਬਚਾਇਆ, ਜਦਕਿ ਦੋ ਹੋਰ ਸਮੁੰਦਰ 'ਚ ਡੁੱਬ ਗਈਆਂ। ਵੇਂਬਰ ਵਿਚ ਤਾਮਿਲਨਾਡੂ ਮਰੀਨ ਪੁਲਸ ਦਾ ਤੱਟਵਰਤੀ ਸੁਰੱਖਿਆ ਸਮੂਹ (ਸੀਐੱਸਜੀ) ਮਾਮਲੇ ਦੀ ਜਾਂਚ ਕਰ ਰਿਹਾ ਹੈ।