ਬਿਜਨੌਰ ''ਚ 350 ਪੇਟੀ ਸ਼ਰਾਬ ਸਣੇ ਦੋ ਤਸਕਰ ਗ੍ਰਿਫਤਾਰ

ਬਿਜਨੌਰ— ਉੱਤਰ ਪ੍ਰਦੇਸ਼ ਦੀ ਬਿਜਨੌਰ ਪੁਲਸ ਨੇ ਦੋ ਤਸਕਰਾਂ ਨੂੰ ਗ੍ਰਿਫਤਾਰ ਕਰ ਉਨ੍ਹਾਂ ਦੇ ਕਬਜ਼ੇ ਤੋਂ ਤਸਕਰੀ ਕਰ ਲਿਆਂਦੀ ਗਈ ਸ਼ਰਾਬ ਦੀ 350 ਪੇਟੀ ਬਰਾਮਦ ਕੀਤੀ ਹੈ। ਬਰਾਮਦ ਸ਼ਰਾਬ ਅਤੇ ਟਰੱਕ ਦੀ ਕੀਮਤ ਕਰੀਬ 50 ਲੱਖ ਰੁਪਏ ਦੱਸੀ ਗਈ ਹੈ।
ਪੁਲਸ ਸੂਤਰਾਂ ਮੁਤਾਬਕ ਬਿਜਨੌਰ ਕੋਤਵਾਲੀ ਇਲਾਕੇ 'ਚ ਚੈਕਿੰਗ ਦੌਰਾਮ ਪੁਲਸ ਨੇ ਮੰਡਾਵਰ ਬਾਈਪਾਸ 'ਤੇ ਇਕ ਟਰੱਕ ਦੀ ਤਲਾਸ਼ੀ ਦੌਰਾਨ 350 ਪੇਟੀ ਸ਼ਰਾਬ ਬਰਾਮਦ ਕੀਤੀ। ਮੌਕੇ 'ਤੇ ਸ਼ਰਾਬ ਤਸਕਰ ਨਰਿੰਦਰ ਅਤੇ ਸ਼ੇਖਰ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ। ਸ਼ਰਾਬ ਰੂਈ ਦੀ ਬੋਰੀ 'ਚ ਲੁਕਾ ਕੇ ਲਿਆਂਦੀ ਜਾ ਰਹੀ ਸੀ। ਉਨ੍ਹਾਂ ਦੱਸਿਆ ਕਿ ਗ੍ਰਿਫਤਾਰ ਕੀਤੇ ਤਸਕਰਾਂ ਨੂੰ ਜੇਲ ਭੇਜ ਦਿੱਤਾ ਗਿਆ ਹੈ ਅਤੇ ਕਾਰਵਾਈ ਕੀਤੀ ਜਾ ਰਹੀ ਹੈ।