ਇਕ ਸਾਥ ਚੋਣਾਂ ਲਈ 32 ਲੱਖ EVM ਚਾਹੀਦੇ ਹਨ, ਸਾਡੇ ਕੋਲ ਹਨ 15.16 ਲੱਖ: ਕਮਿਸ਼ਨ

ਨਵੀਂ ਦਿੱਲੀ— 'ਵਨ ਨੈਸ਼ਨ-ਵਨ ਇਲੈਕਸ਼ਨ' ਨੂੰ ਲੈ ਕੇ ਭਾਰਤ ਚੋਣ ਕਮਿਸ਼ਨ ਦੇ ਮੁਖ ਚੋਣ ਕਮਿਸ਼ਨ ਓ.ਪੀ.ਰਾਵਤ ਨੇ ਫਿਰ ਸਾਫ ਕੀਤਾ ਹੈ ਕਿ ਇਸ ਵਾਰ ਇਸ ਦੀ ਸੰਭਾਵਨਾ ਘੱਟ ਹੈ। ਉਨ੍ਹਾਂ ਨੇ ਕਿਹਾ ਕਿ ਇਕ ਸਾਥ ਚੋਣਾਂ ਲਈ 32 ਲੱਖ ਈ.ਵੀ.ਐੱਮ ਦੀ ਜ਼ਰੂਰਤ ਪਵੇਗੀ। ਕਮਿਸ਼ਨ ਕੋਲ ਇਸ ਸਮੇਂ 15 ਲੱਖ 16 ਹਜ਼ਾਰ ਈ.ਵੀ.ਐੱਮ ਹਨ। ਇਸ ਦੇ ਇਲਾਵਾ ਸੰਵਿਧਾਨਿਕ ਪ੍ਰਬੰਧਾਂ 'ਚ ਵੀ ਸੋਧ ਜ਼ਰੂਰੀ ਹੈ। ਰਾਵਤ ਮੰਗਲਵਾਰ ਨੂੰ ਮਾਖਨ ਲਾਲ ਚਤੁਰਵੇਦੀ ਰਾਸ਼ਟਰੀ ਪੱਤਰਕਾਰੀ ਅਤੇ ਸੰਚਾਰ ਯੂਨੀਵਰਸਿਟੀ ਦੇ ਸਮਾਰੋਹ 'ਚ ਬੋਲ ਰਹੇ ਸਨ। ਇਕ ਵਿਦਿਆਰਥੀ ਦੇ ਸਵਾਲ 'ਤੇ ਉਨ੍ਹਾਂ ਨੇ ਇਹ ਜਵਾਬ ਦਿੱਤਾ। 
ਫੇਕ ਖਬਰ ਨੂੰ ਲੈ ਕੇ ਪੁੱਛੇ ਗਏ ਸਵਾਲ 'ਤੇ ਰਾਵਤ ਨੇ ਕਿਹਾ ਕਿ ਇਸ ਦਾ ਉਦਾਹਰਣ ਮਿਥਿਹਾਸਕ ਟੈਕਸਟਸ 'ਚ ਵੀ ਮਿਲਦਾ ਹੈ। ਮਹਾਭਾਰਤ 'ਚ ਦ੍ਰੋਣਾਚਾਰਿਆ ਨੂੰ ਮਾਰਨਾ ਸੀ, ਉਨ੍ਹਾਂ ਨੂੰ ਕਮਜ਼ੋਰ ਕਰਨ ਲਈ ਯੁੱਧ ਦੌਰਾਨ ਐਲਾਨ ਕਰ ਦਿੱਤਾ ਗਿਆ ਕਿ ਅਸ਼ਵਤਥਾਮਾ ਮਾਰਿਆ ਗਿਆ। ਅਸ਼ਵਤਥਾਮਾ ਦ੍ਰੋਣਾਚਾਰਿਆ ਦੇ ਪੁੱਤਰ ਸਨ। ਜਦਕਿ ਮਰਨ ਵਾਲਾ ਅਸ਼ਵਤਥਾਮਾ ਇਕ ਹਾਥੀ ਸੀ। ਜਿਸ ਦੇ ਬਾਰੇ ਇਹ ਐਲਾਨ ਕੀਤਾ ਗਿਆ ਸੀ। ਦ੍ਰੋਣਾਚਾਰਿਆ ਇਹ ਖਬਰ ਸੁਣ ਕੇ ਕਮਜ਼ੋਰ ਹੋ ਗਿਆ ਅਤੇ ਪਾਂਡਵਾਂ ਨੇ ਉਨ੍ਹਾਂ ਨੂੰ ਮਾਰ ਦਿੱਤਾ। ਇਹ ਫੇਕ ਨਿਊਜ਼ ਦੀ ਉਦਾਹਰਣ ਹੈ।
ਮੱਧ ਪ੍ਰਦੇਸ਼ 'ਚ 2008-2013 ਵਿਚਾਲੇ ਵਧੇ 1.5 ਕਰੋੜ ਵੋਟਰ ਅਤੇ 2013 ਤੋਂ 2018 ਵਿਚਾਲੇ ਵਧੇ ਸਿਰਫ 28 ਲੱਖ ਵੋਟਰਾਂ ਦੇ ਮਾਮਲੇ 'ਚ 8 ਉਠ ਰਹੇ ਸਵਾਲਾਂ 'ਤੇ ਮੁਖ ਚੋਣ ਕਮਿਸ਼ਨ ਆਯੁਕਤ ਓ.ਪੀ.ਰਾਵਤ ਨੇ ਸਾਫ ਕਰ ਦਿੱਤਾ ਹੈ ਕਿ ਪੁਰਾਣੇ ਮਾਮਲੇ ਦੀ ਕੋਈ ਜਾਂਚ ਨਹੀਂ ਹੋਵੇਗੀ। 
ਨਰਮਦਾ ਭਵਨ 'ਚ ਕਲੈਕਟਰ-ਐੱਸ.ਪੀ, ਕਮਿਸ਼ਨਰ ਦੀ ਬੈਠਕ 'ਚ ਸੀਹੋਰ ਕਲੈਕਟਰ ਤਰੁਣ ਕੁਮਾਰ ਪਿਥੌੜੇ ਨੇ ਕਿਹਾ ਕਿ ਨਰਮਦਾ ਨਦੀ ਕਾਰਨ ਇੱਥੇ ਜ਼ਿਲਾ ਬਹੁਤ ਸੰਵੇਦਨਸ਼ੀਲ ਹੈ। ਇੱਥੇ ਨਦੀ ਦੀ 110 ਕਿਲੋਮੀਟਰ ਲੰਬਾਈ ਹੈ, ਬਹੁਤ ਵੱਡਾ ਬੈਂਕ ਵੀ ਹੈ। ਲੋਕਾਂ ਦਾ ਆਉਣਾ-ਜਾਣਾ ਬਣਿਆ ਰਹਿੰਦਾ ਹੈ। ਇਸ ਲਈ ਇਕ ਹਜ਼ਾਰ ਤੋਂ ਜ਼ਿਆਦਾ ਪੁਲਸ ਬਲ ਚਾਹੀਦਾ ਹੈ। ਜੇਕਰ ਵਿਵਸਥਾ ਨਾ ਹੋ ਸਕੇ ਤਾਂ ਅਸੀਂ ਇਹ ਮਨਜ਼ੂਰੀ ਰਿਟਾਇਰਡ ਫੌਜੀਆਂ ਨੂੰ ਦੇ ਸਕਦੇ ਹਾਂ।