ਗ੍ਰਹਿਆਂ ਨੂੰ ਵੀ ਨਿਗਲ ਜਾਂਦੇ ਹਨ ਇਹ ਦੋ ਤਾਰੇ, ਧਰਤੀ ਤੋਂ ਇੰਨੀਂ ਹੈ ਦੂਰੀ

ਮੁੰਬਈ (ਏਜੰਸੀਆਂ)— ਪ੍ਰਿੰਸਟਨ ਯੂਨੀਵਰਸਿਟੀ ਦੇ ਖੋਜਕਾਰਾਂ ਦੀ ਇਕ ਟੀਮ ਨੇ ਗ੍ਰਹਿਆਂ ਨੂੰ ਨਿਗਲਣ ਵਾਲੇ ਤਾਰਿਆਂ ਦੇ ਇਕ ਜੋੜੇ ਦੀ ਖੋਜ ਕੀਤੀ ਹੈ। ਇਨ੍ਹਾਂ ਤਾਰਿਆਂ ਦਾ ਨਾਂ ਕ੍ਰੋਨੋਸ ਅਤੇ ਕ੍ਰਿਓਸ ਦੱਸਿਆ ਜਾ ਰਿਹਾ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਇਹ ਜੋੜਾ ਪਹਿਲਾਂ 15 ਗ੍ਰਹਿਆਂ ਨੂੰ ਨਿਗਲ ਚੁੱਕਾ ਹੈ। ਇਹ ਪਹਿਲੀ ਵਾਰ ਹੈ ਜਦੋਂ ਖਗੋਲ ਵਿਗਿਆਨੀਆਂ ਨੇ ਅਜਿਹੇ ਤਾਰੇ ਦੀ ਖੋਜ ਕੀਤੀ ਹੈ, ਜੋ ਆਪਣੇ ਨੇੜੇ ਦੇ ਗ੍ਰਹਿਆਂ ਨੂੰ ਨਿਗਲ ਰਿਹਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਤਾਰੇ ਧਰਤੀ ਤੋਂ ਸਿਰਫ 350 ਪ੍ਰਕਾਸ਼ ਸਾਲ ਦੂਰ ਹਨ। ਯੂਨਾਨੀ ਪੌਰਾਣਿਕ ਕਥਾਵਾਂ ਵਿਚ ਇਕ ਅਜਿਹੇ ਤਾਰੇ ਦਾ ਜ਼ਿਕਰ ਹੈ, ਜੋ ਗ੍ਰਹਿਆਂ ਨੂੰ ਖਾਂਦਾ ਹੈ ਅਤੇ ਉਸ ਦਾ ਨਾਂ ਕ੍ਰੋਨੋਸ ਹੈ। ਪ੍ਰਿੰਸਟਨ ਯੂਨੀਵਰਸਿਟੀ ਦੀ ਇਸ ਟੀਮ ਦੀ ਮੰਨੀਏ ਤਾਂ ਇਹ ਦੋ ਤਾਰੇ ਇਕ ਦੋ ਧਾਰੀ ਪ੍ਰਣਾਲੀ ਬਣਾਉਂਦੇ ਹਨ ਜੋ 10000 ਸਾਲ ਵਿਚ ਜਮਾਤ 'ਚ ਆਉਂਦੇ ਹਨ।