ਜੈਪੁਰ ''ਚ ਵੱਡਾ ਹਾਦਸਾ: ਨਮਾਜ਼ ਦੌਰਾਨ ਮਸਜਿਦ ਦੀ ਕੰਧ ਡਿੱਗੀ, 19 ਲੋਕ ਮਲਬੇ ਹੇਠ ਦਬੇ

ਨੈਸ਼ਨਲ ਡੈਸਕ : ਰਾਜਸਥਾਨ ਦੀ ਰਾਜਧਾਨੀ ਜੈਪੁਰ ਦੇ ਭੱਟਾ ਬਸਤੀ ਇਲਾਕੇ ਵਿੱਚ ਸ਼ੁੱਕਰਵਾਰ ਨੂੰ ਇੱਕ ਦਰਦਨਾਕ ਹਾਦਸਾ ਵਾਪਰਿਆ ਹੈ। ਇੱਥੇ ਜੁਮੇ ਦੀ ਨਮਾਜ਼ ਦੌਰਾਨ ਫਿਰਦੌਸ ਮਸਜਿਦ ਦੀ ਇੱਕ ਕੰਧ ਅਚਾਨਕ ਡਿੱਗ ਗਈ, ਜਿਸ ਕਾਰਨ 19 ਲੋਕ ਮਲਬੇ ਹੇਠ ਦਬ ਗਏ। ਇਸ ਘਟਨਾ ਤੋਂ ਬਾਅਦ ਇਲਾਕੇ ਵਿੱਚ ਅਫਰਾ-ਤਫਰੀ ਦਾ ਮਾਹੌਲ ਬਣ ਗਿਆ।
 ਜਾਣਕਾਰੀ ਅਨੁਸਾਰ ਇਹ ਹਾਦਸਾ ਦੁਪਹਿਰ ਕਰੀਬ 2:30 ਵਜੇ ਵਾਪਰਿਆ, ਜਦੋਂ ਮਸਜਿਦ ਵਿੱਚ ਲਗਭਗ 1000 ਲੋਕ ਨਮਾਜ਼ ਅਦਾ ਕਰ ਰਹੇ ਸਨ। ਹਾਦਸੇ ਦੀ ਸੂਚਨਾ ਮਿਲਦੇ ਹੀ ਪੁਲਸ ਨੇ ਸਥਾਨਕ ਲੋਕਾਂ ਦੀ ਮਦਦ ਨਾਲ ਰਾਹਤ ਅਤੇ ਬਚਾਅ ਕਾਰਜ ਸ਼ੁਰੂ ਕੀਤਾ ਅਤੇ ਮਲਬੇ ਹੇਠ ਦਬੇ ਲੋਕਾਂ ਨੂੰ ਬਾਹਰ ਕੱਢ ਕੇ ਤੁਰੰਤ ਕਾਂਵਟੀਆ ਹਸਪਤਾਲ ਪਹੁੰਚਾਇਆ।
 ਹਸਪਤਾਲ ਲਿਜਾਏ ਗਏ ਜ਼ਖਮੀਆਂ ਵਿੱਚੋਂ 8 ਲੋਕਾਂ ਦੀ ਹਾਲਤ ਗੰਭੀਰ ਦੱਸੀ ਜਾ ਰਹੀ ਹੈ, ਜਿਨ੍ਹਾਂ ਨੂੰ ਬਿਹਤਰ ਇਲਾਜ ਲਈ ਐਸਐਮਐਸ (SMS) ਹਸਪਤਾਲ ਰੈਫਰ ਕਰ ਦਿੱਤਾ ਗਿਆ ਹੈ। ਹਾਦਸੇ ਦੀ ਖ਼ਬਰ ਮਿਲਦਿਆਂ ਹੀ ਸਥਾਨਕ ਵਿਧਾਇਕ ਅਮੀਨ ਕਾਗਜ਼ੀ, ਹਾਕਮ ਅਲੀ ਅਤੇ ਅਸਰਾਰ ਕੁਰੈਸ਼ੀ ਵਿਧਾਨ ਸਭਾ ਤੋਂ ਸਿੱਧੇ ਹਸਪਤਾਲ ਪਹੁੰਚੇ ਅਤੇ ਡਾਕਟਰਾਂ ਤੋਂ ਜ਼ਖਮੀਆਂ ਦੀ ਹਾਲਤ ਬਾਰੇ ਜਾਣਕਾਰੀ ਲਈ।
ਕਿਵੇਂ ਡਿੱਗੀ ਕੰਧ? 
ਪੁਲਸ ਅਧਿਕਾਰੀਆਂ ਅਨੁਸਾਰ ਮਸਜਿਦ ਦੀ ਇਹ ਕੰਧ ਸਿਰਫ ਸਿੰਗਲ ਇੱਟ ਦੀ ਬਣੀ ਹੋਈ ਸੀ ਅਤੇ ਕਾਫੀ ਕਮਜ਼ੋਰ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਜਿਸ ਸਮੇਂ ਹੇਠਾਂ ਨਮਾਜ਼ ਚੱਲ ਰਹੀ ਸੀ, ਉਸ ਸਮੇਂ ਕੁਝ ਬੱਚੇ ਮਸਜਿਦ 'ਤੇ ਸੈਲਫੀਆਂ ਲੈ ਰਹੇ ਸਨ ਅਤੇ ਖੇਡ ਰਹੇ ਸਨ। ਨਮਾਜ਼ ਤੋਂ ਬਾਅਦ ਜਦੋਂ ਬੱਚੇ ਅਚਾਨਕ ਭੱਜਣ ਲੱਗੇ ਤਾਂ ਕੰਧ 'ਤੇ ਵਾਧੂ ਭਾਰ ਪੈ ਗਿਆ ਅਤੇ ਉਹ ਡਿੱਗ ਗਈ। ਮਸਜਿਦ ਕਮੇਟੀ ਦੇ ਮੈਂਬਰਾਂ ਨੇ ਦੱਸਿਆ ਕਿ ਕੰਧ ਉਸ ਜਗ੍ਹਾ ਡਿੱਗੀ ਜਿੱਥੇ ਲੋਕ ਨਮਾਜ਼ ਪੜ੍ਹ ਕੇ ਬਾਹਰ ਨਿਕਲ ਰਹੇ ਸਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e