ਹੈਂ ! ਗਰੀਬ ਦੇ ਘਰੋਂ ਅੱਤਵਾਦੀਆਂ ਨੇ ਪਹਿਲਾਂ ਲੁੱਟਿਆ ਖਾਣਾ , ਫਿਰ...

ਨੈਸ਼ਨਲ ਡੈਸਕ : ਜੰਮੂ-ਕਸ਼ਮੀਰ ਦੇ ਊਧਮਪੁਰ ਜ਼ਿਲ੍ਹੇ ਵਿੱਚ ਅੱਤਵਾਦੀਆਂ ਦੀਆਂ ਗਤੀਵਿਧੀਆਂ ਤੋਂ ਬਾਅਦ ਸੁਰੱਖਿਆ ਬਲਾਂ ਵੱਲੋਂ ਵੱਡੇ ਪੱਧਰ 'ਤੇ ਤਲਾਸ਼ੀ ਮੁਹਿੰਮ ਚਲਾਈ ਜਾ ਰਹੀ ਹੈ। ਇਹ ਕਾਰਵਾਈ ਉਦੋਂ ਸ਼ੁਰੂ ਕੀਤੀ ਗਈ, ਜਦੋਂ 2 ਅੱਤਵਾਦੀਆਂ ਵੱਲੋਂ ਇੱਕ ਸਥਾਨਕ ਨਿਵਾਸੀ ਦੇ ਘਰੋਂ ਜ਼ਬਰਦਸਤੀ ਭੋਜਨ ਲੁੱਟ ਕੇ ਜੰਗਲ ਵੱਲ ਭੱਜਣ ਦੀ ਖ਼ਬਰ ਮਿਲੀ।
ਮੰਗਤੂ ਰਾਮ ਦੇ ਘਰ ਪਹੁੰਚੇ ਅੱਤਵਾਦੀ 
ਅਧਿਕਾਰੀਆਂ ਅਨੁਸਾਰ ਸ਼ਨੀਵਾਰ ਦੇਰ ਸ਼ਾਮ ਸੂਚਨਾ ਮਿਲੀ ਸੀ ਕਿ ਦੋ ਅਣਪਛਾਤੇ ਅੱਤਵਾਦੀ ਮਜ਼ਾਲਤਾ ਖੇਤਰ ਦੇ ਪਿੰਡ ਚੋਰੇ ਮੋਟੂ ਵਿੱਚ ਸ਼ਾਮ ਕਰੀਬ 6:30 ਵਜੇ ਮੰਗਤੂ ਰਾਮ ਦੇ ਘਰ ਪਹੁੰਚੇ। ਉੱਥੋਂ ਭੋਜਨ ਲੈਣ ਤੋਂ ਬਾਅਦ ਉਹ ਤੁਰੰਤ ਨੇੜਲੇ ਜੰਗਲਾਂ ਵਿੱਚ ਰੂਪੋਸ਼ ਹੋ ਗਏ। ਸੂਚਨਾ ਮਿਲਦੇ ਹੀ ਪੁਲਸ ਅਤੇ ਅਰਧ ਸੈਨਿਕ ਬਲਾਂ ਦੀਆਂ ਟੀਮਾਂ ਮੌਕੇ 'ਤੇ ਪਹੁੰਚੀਆਂ, ਪਰ ਅੱਤਵਾਦੀ ਉਦੋਂ ਤੱਕ ਫਰਾਰ ਹੋ ਚੁੱਕੇ ਸਨ।
ਸੁਰੱਖਿਆ ਬਲਾਂ ਵੱਲੋਂ ਸਾਂਝੀ ਤਲਾਸ਼ੀ ਮੁਹਿੰਮ 
ਐਤਵਾਰ ਤੜਕੇ ਤੋਂ ਹੀ ਪੁਲਸ ਅਤੇ ਅਰਧ ਸੈਨਿਕ ਬਲਾਂ ਵੱਲੋਂ ਚੋਰੇ ਮੋਟੂ ਪਿੰਡ ਅਤੇ ਉਸ ਨਾਲ ਲੱਗਦੇ ਜੰਗਲੀ ਖੇਤਰਾਂ ਵਿੱਚ ਸਾਂਝੀ ਤਲਾਸ਼ੀ ਮੁਹਿੰਮ ਚਲਾਈ ਜਾ ਰਹੀ ਹੈ। ਸੁਰੱਖਿਆ ਬਲਾਂ ਨੇ ਪੂਰੇ ਇਲਾਕੇ ਦੀ ਘੇਰਾਬੰਦੀ ਕਰ ਦਿੱਤੀ ਹੈ ਤਾਂ ਜੋ ਅੱਤਵਾਦੀਆਂ ਨੂੰ ਕਾਬੂ ਕੀਤਾ ਜਾ ਸਕੇ। ਪੁਰਾਣੀ ਘਟਨਾ ਨਾਲ ਸਬੰਧ ਦੱਸਿਆ ਜਾ ਰਿਹਾ ਹੈ ਕਿ ਇਹ ਇਲਾਕਾ ਉਸ ਸਥਾਨ ਤੋਂ ਮਹਿਜ਼ 5 ਕਿਲੋਮੀਟਰ ਦੀ ਦੂਰੀ 'ਤੇ ਹੈ, ਜਿੱਥੇ ਪਹਿਲਾਂ ਹੋਈ ਇੱਕ ਮੁਕਾਬਲੇ ਵਿੱਚ ਇੱਕ ਪੁਲਸ ਕਰਮਚਾਰੀ ਸ਼ਹੀਦ ਹੋ ਗਿਆ ਸੀ। ਜ਼ਿਕਰਯੋਗ ਹੈ ਕਿ 15 ਦਸੰਬਰ ਨੂੰ ਮਜ਼ਾਲਤਾ ਖੇਤਰ ਦੇ ਹੀ ਸੌਨ ਪਿੰਡ ਵਿੱਚ ਅੱਤਵਾਦੀਆਂ ਨਾਲ ਹੋਈ ਮੁੱਠਭੇੜ ਦੌਰਾਨ ਇੱਕ ਜਵਾਨ ਨੇ ਆਪਣੀ ਜਾਨ ਗਵਾਈ ਸੀ।