ਕਮਾਈ ਦੇ ਮਾਮਲੇ ''ਚ Taj Mahal ਨੇ ਤੋੜਿਆ ਰਿਕਾਰਡ! ਪਿਛਲੇ 5 ਸਾਲਾਂ ''ਚ ਕਮਾਏ 300 ਕਰੋੜ ਰੁਪਏ

ਨੈਸ਼ਨਲ ਡੈਸਕ : ਮੁਗ਼ਲ ਕਾਲ ਦਾ ਮਕਬਰਾ ਤਾਜ ਮਹਿਲ ਏਐੱਸਆਈ (ASI) ਸੁਰੱਖਿਅਤ ਸਮਾਰਕ ਵਜੋਂ ਪਿਛਲੇ ਪੰਜ ਸਾਲਾਂ ਵਿੱਚ ਟਿਕਟਾਂ ਦੀ ਵਿਕਰੀ ਰਾਹੀਂ ਸਭ ਤੋਂ ਵੱਧ ਕਮਾਈ ਕਰਨ ਵਾਲਾ ਰਿਹਾ ਹੈ। ਕੇਂਦਰੀ ਸੱਭਿਆਚਾਰ ਮੰਤਰੀ ਗਜੇਂਦਰ ਸਿੰਘ ਸ਼ੇਖਾਵਤ ਨੇ ਰਾਜ ਸਭਾ ਵਿੱਚ ਇੱਕ ਸਵਾਲ ਦੇ ਲਿਖਤੀ ਜਵਾਬ ਵਿੱਚ ਇਹ ਜਾਣਕਾਰੀ ਦਿੱਤੀ।

ਤਾਜ ਮਹਿਲ ਬਣਿਆ ASI ਦਾ ਸਭ ਤੋਂ ਵੱਧ ਕਮਾਈ ਕਰਨ ਵਾਲਾ ਸਮਾਰਕ 
ਜਾਣਕਾਰੀ ਮੁਤਾਬਕ ਉਨ੍ਹਾਂ ਨੂੰ ਪੁੱਛਿਆ ਗਿਆ ਕਿ ਭਾਰਤੀ ਪੁਰਾਤੱਤਵ ਸਰਵੇਖਣ (ਏਐੱਸਆਈ) ਨੂੰ ਪਿਛਲੇ 5 ਸਾਲਾਂ ਵਿੱਚ ਵੱਖ-ਵੱਖ ਸਮਾਰਕਾਂ ਦੀਆਂ ਐਂਟਰੀ ਟਿਕਟਾਂ ਦੀ ਵਿਕਰੀ ਤੋਂ ਕਿੰਨੀ ਰਕਮ ਮਿਲੀ ਹੈ ਅਤੇ ਉਹ ਕਿਹੜੇ ਸਮਾਰਕ ਹਨ ਜਿਨ੍ਹਾਂ ਨੂੰ ਪਿਛਲੇ 5 ਸਾਲਾਂ ਵਿੱਚ ਐਂਟਰੀ ਟਿਕਟਾਂ ਦੀ ਵਿਕਰੀ ਤੋਂ ਸਭ ਤੋਂ ਵੱਧ ਆਮਦਨ ਹੋਈ ਹੈ। ਆਪਣੇ ਜਵਾਬ ਵਿੱਚ ਸ਼ੇਖਾਵਤ ਨੇ ਵਿੱਤੀ ਸਾਲ 19-20 ਤੋਂ ਵਿੱਤੀ ਸਾਲ 23-24 ਤੱਕ ਦੇ ਅੰਕੜੇ ਸਾਂਝੇ ਕੀਤੇ, ਜਿਸ ਅਨੁਸਾਰ ਤਾਜ ਮਹਿਲ ਨੇ ਸਾਰੇ 5 ਸਾਲਾਂ ਵਿੱਚ ਟਿਕਟਾਂ ਦੀ ਵਿਕਰੀ ਦੇ ਮਾਮਲੇ ਵਿੱਚ ASI ਸੁਰੱਖਿਅਤ ਸਮਾਰਕਾਂ ਵਿੱਚ ਚੋਟੀ ਦਾ ਸਥਾਨ ਹਾਸਲ ਕੀਤਾ, ਜਦੋਂਕਿ ਤਾਜ ਮਹਿਲ ਨੇ 5 ਸਾਲਾਂ 'ਚ ਟਿਕਟਾਂ ਵੇਚ ਕੇ ਕਰੀਬ 300 ਕਰੋੜ ਰੁਪਏ ਕਮਾ ਲਏ ਹਨ।

ਇਹ ਵੀ ਪੜ੍ਹੋ : ਵਕਫ਼ ਸੋਧ ਬਿੱਲ ਵਿਰੁੱਧ 8 ਸੂਬਿਆਂ ’ਚ ਵਿਰੋਧ ਪ੍ਰਦਰਸ਼ਨ, ਕੋਲਕਾਤਾ ਤੇ ਅਹਿਮਦਾਬਾਦ ’ਚ ਸਾੜੇ ਗਏ ਪੋਸਟਰ

17ਵੀਂ ਸ਼ਤਾਬਦੀ 'ਚ ਸਮਰਾਟ ਸ਼ਾਹਜਹਾਂ ਨੇ ਕਰਵਾਇਆ ਸੀ ਇਸ ਸਮਾਰਕ ਦਾ ਨਿਰਮਾਣ
ਤੁਹਾਨੂੰ ਦੱਸ ਦੇਈਏ ਕਿ ਮੁਗਲ ਕਾਲ ਦੇ ਆਰਕੀਟੈਕਚਰ ਦੇ ਇਸ ਸਮਾਰਕ ਨੂੰ ਬਾਦਸ਼ਾਹ ਸ਼ਾਹਜਹਾਂ ਨੇ 17ਵੀਂ ਸਦੀ ਵਿੱਚ ਬਣਾਇਆ ਸੀ ਅਤੇ ਇਸ ਨੂੰ ਦੁਨੀਆ ਦੀਆਂ ਸਭ ਤੋਂ ਖੂਬਸੂਰਤ ਇਮਾਰਤਾਂ ਵਿੱਚੋਂ ਇੱਕ ਮੰਨਿਆ ਜਾਂਦਾ ਹੈ। ਵਿੱਤੀ ਸਾਲ 19-20 ਵਿੱਚ ਆਗਰਾ ਦਾ ਕਿਲ੍ਹਾ ਅਤੇ ਦਿੱਲੀ ਦਾ ਕੁਤੁਬਮੀਨਾਰ ਟਿਕਟਾਂ ਦੀ ਵਿਕਰੀ ਦੇ ਮਾਮਲੇ ਵਿੱਚ ਕ੍ਰਮਵਾਰ ਦੂਜੇ ਅਤੇ ਤੀਜੇ ਸਥਾਨ 'ਤੇ ਰਹੇ। ਤਾਮਿਲਨਾਡੂ ਦੇ ਮਮੱਲਾਪੁਰਮ ਮੈਮੋਰੀਅਲ ਅਤੇ ਸੂਰਜ ਮੰਦਰ, ਕੋਨਾਰਕ ਨੂੰ ਵਿੱਤੀ ਸਾਲ 20-21 ਵਿੱਚ ਦੂਜੇ ਅਤੇ ਤੀਜੇ ਸਥਾਨ 'ਤੇ ਰੱਖਿਆ ਗਿਆ ਸੀ। ਦਿੱਲੀ ਦਾ ਕੁਤੁਬਮੀਨਾਰ ਅਤੇ ਲਾਲ ਕਿਲ੍ਹਾ ਵਿੱਤੀ ਸਾਲ 23-24 ਵਿੱਚ ਦੂਜੇ ਅਤੇ ਤੀਜੇ ਸਥਾਨ 'ਤੇ ਸਨ।

ਇਹ ਵੀ ਪੜ੍ਹੋ : ਹੋਰ ਸਸਤਾ ਹੋਵੇਗਾ ਸੋਨਾ! ਇੰਨੇ ਰੁਪਏ 'ਚ ਖਰੀਦ ਸਕੋਗੇ 10 ਗ੍ਰਾਮ Gold

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8