IPO ਤੋਂ ਪਹਿਲਾਂ PhonePe ਦਾ ਧਮਾਕਾ: 4.7 ਕਰੋੜ ਵਪਾਰੀਆਂ ਦਾ ਨੈੱਟਵਰਕ, ਕਮਾਈ ਦੇ ਨਵੇਂ ਮਾਡਲ ਦਾ ਹੋਇਆ ਖੁਲਾਸਾ

ਬਿਜ਼ਨੈੱਸ ਡੈਸਕ : ਭਾਰਤ ਦੀ ਪ੍ਰਮੁੱਖ ਡਿਜੀਟਲ ਪੇਮੈਂਟ ਕੰਪਨੀ PhonePe ਹੁਣ ਸ਼ੇਅਰ ਬਾਜ਼ਾਰ ਵਿੱਚ ਉਤਰਨ ਦੀ ਪੂਰੀ ਤਿਆਰੀ ਕਰ ਚੁੱਕੀ ਹੈ। ਆਪਣੇ ਆਈ.ਪੀ.ਓ. (IPO) ਤੋਂ ਪਹਿਲਾਂ ਕੰਪਨੀ ਵੱਲੋਂ ਦਾਖਲ ਕੀਤੇ ਗਏ ਡਰਾਫਟ ਰੈੱਡ ਹੇਰਿੰਗ ਪ੍ਰੌਸਪੈਕਟਸ (DRHP) ਵਿੱਚ ਕੰਪਨੀ ਦੇ ਵਿਸ਼ਾਲ ਨੈੱਟਵਰਕ ਅਤੇ ਕਮਾਈ ਦੇ ਮਾਡਲ ਨੂੰ ਲੈ ਕੇ ਕਈ ਅਹਿਮ ਜਾਣਕਾਰੀਆਂ ਸਾਹਮਣੇ ਆਈਆਂ ਹਨ।

ਇਹ ਵੀ ਪੜ੍ਹੋ :  ਮੱਧ ਪੂਰਬ ਤਣਾਅ ਕਾਰਨ ਵਧੀਆਂ ਸੋਨੇ ਦੀਆਂ ਕੀਮਤਾਂ , ਅਪ੍ਰੈਲ ਤੋਂ ਬਾਅਦ ਇੰਨੀ ਹੋਵੇਗੀ Gold ਦੀ ਕੀਮਤ

ਦੇਸ਼ ਦੇ 98 ਫੀਸਦੀ ਹਿੱਸੇ ਤੱਕ ਪਹੁੰਚਿਆ ਨੈੱਟਵਰਕ

ਸੇਬੀ (SEBI) ਨੂੰ ਦਿੱਤੇ ਗਏ ਦਸਤਾਵੇਜ਼ਾਂ ਅਨੁਸਾਰ, 30 ਸਤੰਬਰ 2025 ਤੱਕ PhonePe ਨਾਲ ਰਜਿਸਟਰਡ ਵਪਾਰੀਆਂ ਦੀ ਗਿਣਤੀ 4.71 ਕਰੋੜ ਤੱਕ ਪਹੁੰਚ ਗਈ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ ਉਨ੍ਹਾਂ ਦਾ ਨੈੱਟਵਰਕ ਭਾਰਤ ਦੇ ਲਗਭਗ 98.61 ਪ੍ਰਤੀਸ਼ਤ ਪਿਨ ਕੋਡਾਂ ਤੱਕ ਫੈਲ ਚੁੱਕਾ ਹੈ। ਹਰ ਮਹੀਨੇ ਲਗਭਗ 1.13 ਕਰੋੜ ਵਪਾਰੀ ਇਸ ਪਲੇਟਫਾਰਮ 'ਤੇ ਸਰਗਰਮ ਰਹਿੰਦੇ ਹਨ, ਜੋ ਭਾਰਤ ਦੇ ਕੁੱਲ ਸਰਗਰਮ UPI ਵਪਾਰੀਆਂ ਦਾ ਲਗਭਗ 54 ਪ੍ਰਤੀਸ਼ਤ ਹਿੱਸਾ ਹੈ।

ਇਹ ਵੀ ਪੜ੍ਹੋ :   ਈਰਾਨ ਤਣਾਅ ਦਰਮਿਆਨ ਅਮਰੀਕਾ ਦੀ ਵੱਡੀ ਗੋਲਡ ਡੀਲ, ਕੀਮਤਾਂ 'ਤੇ ਹੋ ਸਕਦੈ ਅਸਰ?

ਸਿਰਫ਼ ਪੇਮੈਂਟ ਐਪ ਨਹੀਂ, ਹੁਣ ਬਣਿਆ ਵੱਡਾ ਫਾਈਨਾਂਸ਼ੀਅਲ ਪਲੇਟਫਾਰਮ

ਰਿਪੋਰਟ ਮੁਤਾਬਕ PhonePe ਹੁਣ ਸਿਰਫ਼ ਇੱਕ ਡਿਜੀਟਲ ਪੇਮੈਂਟ ਐਪ ਨਹੀਂ ਰਹੀ, ਸਗੋਂ ਇੱਕ ਵੱਡਾ ਫਾਈਨਾਂਸ਼ੀਅਲ ਸਰਵਿਸ ਪਲੇਟਫਾਰਮ ਬਣਦਾ ਜਾ ਰਿਹਾ ਹੈ। ਵਿੱਤੀ ਸਾਲ 2025 ਵਿੱਚ ਕੰਪਨੀ ਦਾ ਮਰਚੈਂਟ ਪੇਮੈਂਟਸ ਸੈਗਮੈਂਟ ਤੋਂ ਮਾਲੀਆ 1,991 ਕਰੋੜ ਰੁਪਏ ਰਿਹਾ, ਜੋ ਕੰਪਨੀ ਦੀ ਕੁੱਲ ਆਮਦਨ ਦਾ ਲਗਭਗ 28 ਪ੍ਰਤੀਸ਼ਤ ਹੈ। ਕੰਪਨੀ ਦੇ ਪਲੇਟਫਾਰਮ 'ਤੇ ਸਾਲਾਨਾ ਭੁਗਤਾਨ ਮੁੱਲ (TPV) 15 ਲੱਖ ਕਰੋੜ ਰੁਪਏ ਤੱਕ ਪਹੁੰਚ ਗਿਆ ਹੈ।

ਇਹ ਵੀ ਪੜ੍ਹੋ :   PNB ਖ਼ਾਤਾਧਾਰਕਾਂ ਨੂੰ ਝਟਕਾ ! Cash Withdrawal ਦੇ ਨਿਯਮਾਂ 'ਚ ਹੋ ਗਿਆ ਵੱਡਾ ਬਦਲਾਅ

ਕਰਜ਼ਾ ਦੇਣ ਦੇ ਖੇਤਰ ਵਿੱਚ ਮਾਰੀ ਵੱਡੀ ਮੱਲ

DRHP ਵਿੱਚ ਸਭ ਤੋਂ ਹੈਰਾਨੀਜਨਕ ਵਾਧਾ ਮਰਚੈਂਟ ਲੈਂਡਿੰਗ (ਵਪਾਰੀਆਂ ਨੂੰ ਕਰਜ਼ਾ ਦੇਣਾ) ਵਿੱਚ ਦੇਖਿਆ ਗਿਆ ਹੈ। ਸਾਲ 2023 ਵਿੱਚ ਜੋ ਕਰਜ਼ਾ ਵੰਡ ਸਿਰਫ਼ 11 ਕਰੋੜ ਰੁਪਏ ਸੀ, ਉਹ ਸਾਲ 2025 ਤੱਕ ਵਧ ਕੇ 4,507 ਕਰੋੜ ਰੁਪਏ ਹੋ ਗਈ ਹੈ। ਕੰਪਨੀ ਵਪਾਰੀਆਂ ਦੇ ਟ੍ਰਾਂਜੈਕਸ਼ਨ ਡੇਟਾ ਦੀ ਵਰਤੋਂ ਕਰਕੇ ਉਨ੍ਹਾਂ ਨੂੰ ਬਿਨਾਂ ਕਿਸੇ ਗਿਰਵੀ ਦੇ ਲੋਨ ਮੁਹੱਈਆ ਕਰਵਾਉਣ ਵਿੱਚ ਮਦਦ ਕਰਦੀ ਹੈ।

ਇਹ ਵੀ ਪੜ੍ਹੋ :  Gold Loan ਨੂੰ ਲੈ ਕੇ ਬਦਲਿਆ ਲੋਕਾਂ ਦਾ ਨਜ਼ਰੀਆ, ਹੁਣ ਅਮੀਰ ਪਰਿਵਾਰ ਵੀ ਗਿਰਵੀ ਰੱਖ ਰਹੇ ਗਹਿਣੇ

ਸਮਾਰਟ ਸਪੀਕਰਾਂ ਰਾਹੀਂ ਵਧੀ ਕਮਾਈ

ਕੰਪਨੀ ਨੇ ਦੇਸ਼ ਭਰ ਵਿੱਚ 91.9 ਲੱਖ (9.19 ਮਿਲੀਅਨ) ਤੋਂ ਵੱਧ ਫਿਜ਼ੀਕਲ ਪੇਮੈਂਟ ਡਿਵਾਈਸਾਂ, ਖਾਸ ਕਰਕੇ ਸਮਾਰਟ ਸਪੀਕਰ ਲਗਾਏ ਹਨ, ਜੋ ਭੁਗਤਾਨ ਦੀ ਜਾਣਕਾਰੀ ਆਵਾਜ਼ ਰਾਹੀਂ ਦਿੰਦੇ ਹਨ। ਇਸ ਵਿਸ਼ਾਲ ਨੈੱਟਵਰਕ ਨੂੰ ਸੰਭਾਲਣ ਲਈ ਕੰਪਨੀ ਕੋਲ 25,000 ਤੋਂ ਵੱਧ ਫੀਲਡ ਟੀਮ ਮੈਂਬਰ ਅਤੇ ਲਗਭਗ 31,000 ਏਜੰਟ ਕੰਮ ਕਰ ਰਹੇ ਹਨ, ਜੋ ਖਾਸ ਕਰਕੇ ਪੇਂਡੂ ਖੇਤਰਾਂ ਵਿੱਚ ਕੰਪਨੀ ਦਾ ਵਿਸਥਾਰ ਕਰ ਰਹੇ ਹਨ।

ਇਹ ਵੀ ਪੜ੍ਹੋ :    ਭਾਰਤ ਤੱਕ ਪਹੁੰਚਿਆ ਈਰਾਨ-ਇਜ਼ਰਾਈਲ ਜੰਗ ਦਾ ਸੇਕ, Cooking oil ਸਮੇਤ ਇਨ੍ਹਾਂ ਚੀਜ਼ਾਂ ਦੇ ਵਧੇ ਰੇਟ.

ਇਹ ਵੀ ਪੜ੍ਹੋ :  ਸੋਨਾ ਖ਼ਰੀਦਣ ਵਾਲਿਆਂ ਲਈ ਵੱਡੀ ਖ਼ਬਰ, ਸਰਕਾਰ ਨੇ ਵਧਾਇਆ ਲਾਜ਼ਮੀ ਹਾਲਮਾਰਕਿੰਗ ਦਾ ਦਾਇਰਾ

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt