ਪੜ੍ਹਦੇ-ਪੜ੍ਹਦੇ ਨਿਕਲ ਗਈ ਜਾਨ ! 15 ਸਾਲਾ ਹੋਣਹਾਰ ਵਿਦਿਆਰਥਣ ਦੀ ਚੁੱਪ-ਚਪੀਤੇ ਹੋਈ ਮੌਤ

ਭਿੰਡ- ਮੱਧ ਪ੍ਰਦੇਸ਼ ਦੇ ਭਿੰਡ ਜ਼ਿਲ੍ਹੇ ਦੇ ਲਹਾਰ ਸੈਕਸ਼ਨ ਦੇ ਆਲਮਪੁਰ 'ਚ ਪੜ੍ਹਾਈ ਕਰਦੇ ਸਮੇਂ 15 ਸਾਲਾ ਵਿਦਿਆਰਥਣ ਉਰਵਗੀ ਦੁਬੇ ਦੀ ਅਚਾਨਕ ਮੌਤ ਹੋ ਗਈ। ਤਾਲਗਾਂਵ ਵਾਸੀ ਵਿਨੇ ਕੁਮਾਰ ਦੂਬੇ ਦੀ ਧੀ ਉਰਵਗੀ ਦੀ ਮੌਤ ਦਾ ਕਾਰਨ ਸਾਈਲੈਂਟ ਅਟੈਕ ਮੰਨਿਆ ਜਾ ਰਿਹਾ ਹੈ। ਘਟਨਾ ਦੇ ਸਮੇਂ ਉਰਵਗੀ ਦੇ ਪਿਤਾ ਵਿਨੇ ਕੁਮਾਰ ਦੂਬੇ ਸਕੂਲ ਗਏ ਸਨ, ਜਦੋਂ ਕਿ ਉਸ ਦੀ ਮਾਂ ਨਾਲ ਦੇ ਕਮਰੇ 'ਚ ਟੀਵੀ ਦੇਖ ਰਹੀ ਸੀ ਅਤੇ ਛੋਟੇ ਭਰਾ-ਭੈਣ ਬਾਹਰ ਖੇਡ ਰਹੇ ਸਨ। ਸਕੂਲ ਤੋਂ ਆਉਣ ਮਗਰੋਂ ਪਿਤਾ ਨੇ ਉਰਵਗੀ ਨੂੰ ਕਈ ਵਾਰ ਆਵਾਜ਼ ਮਾਰੀ ਪਰ ਕੋਈ ਜਵਾਬ ਨਹੀਂ ਮਿਲਿਆ।

ਇਸ ਤੋਂ ਬਾਅਦ ਜਦੋਂ ਉਹ ਉਸ ਨੂੰ ਦੇਖਣ ਕਮਰੇ 'ਚ ਪਹੁੰਚੇ ਤਾਂ ਉਹ ਬਿਸਤਰ 'ਤੇ ਬੇਹੋਸ਼ ਪਈ ਮਿਲੀ। ਪਰਿਵਾਰ ਵਾਲੇ ਉਸ ਨੂੰ ਤੁਰੰਤ ਡਾਕਟਰ ਕੋਲ ਲੈ ਗਏ, ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਡਾਕਟਰਾਂ ਨੇ ਸਾਈਲੈਂਟ ਅਟੈਕ ਦਾ ਖਦਸ਼ਾ ਜਤਾਇਆ ਹੈ। ਪਰਿਵਾਰ ਵਾਲਿਆਂ ਅਨੁਸਾਰ ਉਰਵਗੀ ਪੜ੍ਹਾਈ 'ਚ ਕਾਫ਼ੀ ਹੁਸ਼ਿਆਰ ਸੀ। ਉਸ ਨੇ ਹਾਲ 'ਚ 10ਵੀਂ ਜਮਾਤ ਦਾ ਅੰਤਿਮ ਪੇਪਰ ਦਿੱਤਾ ਸੀ ਅਤੇ ਉਸ ਨੂੰ ਉਮੀਦ ਸੀ ਕਿ ਉਸ ਨੂੰ 90 ਫੀਸਦੀ ਤੋਂ ਵੱਧ ਅੰਕ ਮਿਲਣਗੇ। ਪ੍ਰੀਖਿਆ ਚੰਗੀ ਹੋਣ ਕਾਰਨ ਉਹ ਕਾਫ਼ੀ ਖੁਸ਼ ਸੀ। ਉਰਵਗੀ ਦੇ ਪਿਤਾ ਵਿਨੇ ਕੁਮਾਰ ਦੂਬੇ ਅਰੂਸੀ ਹਾਈ ਸਕੂਲ 'ਚ ਤਾਇਨਾਤ ਹਨ। ਧੀ ਦੀ ਇਸ ਤਰ੍ਹਾਂ ਅਚਾਨਕ ਮੌਤ ਨਾਲ ਮਾਤਾ-ਪਿਤਾ ਦਾ ਰੋ-ਰੋ ਕੇ ਬੁਰਾ ਹਾਲ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e