ਰੂਹ ਕੰਬਾਊ ਵਾਰਦਾਤ: ਬਿਸਤਰ ਗਿੱਲਾ ਕਰਨ ''ਤੇ ਸੌਤੇਲੀ ਮਾਂ ਬਣ ਗਈ ਹੈਵਾਨ, ਗਰਮ ਚਮਚ ਨਾਲ ਦਾਗੀ ਕੁੜੀ

ਪਲੱਕੜ- ਇਕ ਔਰਤ ਨੇ ਬਿਸਤਰ ਗਿੱਲਾ ਕਰਨ 'ਤੇ 5 ਸਾਲ ਦੀ ਆਪਣੀ ਸੌਤੇਲੀ ਧੀ ਦੇ ਗੁਪਤ ਅੰਗ ਨੂੰ ਸਟੀਲ ਦੀ ਗਰਮ ਚਮਚ ਨਾਲ ਦਾਗ਼ ਦਿੱਤਾ। ਪੁਲਸ ਨੇ ਸ਼ੁੱਕਰਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਪੁਲਸ ਨੇ ਦੱਸਿਆ ਕਿ ਇਹ ਘਟਨਾ ਪਿਛਲੇ ਹਫ਼ਤੇ ਉੱਤਰੀ ਕੇਰਲ ਜ਼ਿਲ੍ਹੇ ਦੇ ਕਾਂਜੀਕੋਡ ਕੋਲ ਹੋਈ ਅਤੇ ਇਸ ਦਾ ਪਤਾ ਉਦੋਂ ਲੱਗਾ, ਜਦੋਂ ਬੱਚੀ ਦੀ ਆਂਗਣਵਾੜੀ ਅਧਿਆਪਕਾ ਨੇ ਦੇਖਿਆ ਕਿ ਉਸ ਨੂੰ ਜਮਾਤ 'ਚ ਬੈਠਣ 'ਚ ਪਰੇਸ਼ਾਨੀ ਹੋ ਰਹੀ ਹੈ।

ਆਂਗਣਵਾੜੀ ਅਧਿਆਪਕਾ ਨੇ ਪੁਲਸ ਨੂੰ ਸੂਚਿਤ ਕੀਤਾ, ਜਿਸ ਨੇ ਵੀਰਵਾਰ ਨੂੰ ਸੌਤੇਲੀ ਮਾਂ ਨੂੰ ਗ੍ਰਿਫ਼ਤਾਰ ਕਰ ਕੇ ਉਸ ਨੂੰ 14 ਦਿਨਾਂ ਦੀ ਨਿਆਇਕ ਹਿਰਾਸਤ 'ਚ ਭੇਜ ਦਿੱਤਾ। ਔਰਤ ਬਿਹਾਰ ਦੀ ਰਹਿਣ ਵਾਲੀ ਹੈ। ਪੁਲਸ ਨੇ ਦੱਸਿਆ ਕਿ ਔਰਤ 'ਤੇ ਭਾਰਤੀ ਨਿਆਂ ਸੰਹਿਤਾ ਅਤੇ ਕਿਸ਼ੋਰ ਨਿਆਂ ਐਕਟ ਦੀਆਂ ਸੰਬੰਧਤ ਧਾਰਾਵਾਂ ਦੇ ਅਧੀਨ ਮਾਮਲਾ ਦਰਜ ਕੀਤਾ ਗਿਆ ਹੈ। ਪੁਲਸ ਨੇ ਦੱਸਿਆ ਕਿ ਬੱਚੀ ਦਾ ਪਿਤਾ ਨੇਪਾਲ ਦਾ ਨਾਗਰਿਕ ਹੈ ਅਤੇ ਇਕ ਹੋਟਲ 'ਚ ਕੰਮ ਕਰਦਾ ਹੈ। ਬੱਚੀ ਫਿਲਹਾਲ ਬਾਲ ਕਲਿਆਣ ਕਮੇਟੀ ਦੀ ਦੇਖਰੇਖ 'ਚ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e