ਮਾਂ ਦੀ ਵੋਟ ਨੇ ਪੁੱਤ ਨੂੰ ਚੋਣਾਂ ''ਚ ਦਿਵਾਈ ਜਿੱਤ ! ਅਗਲੇ ਹੀ ਦਿਨ ਦੁਨੀਆ ਨੂੰ ਆਖ਼''ਤਾ ਅਲਵਿਦਾ

ਭਰਤਪੁਰ (ਏਜੰਸੀ)- ਰਾਜਸਥਾਨ ਦੇ ਭਰਤਪੁਰ ਦੀ ਨਦਬਈ ਨਗਰਪਾਲਿਕਾ ਲਈ ਸੋਮਵਾਰ ਨੂੰ ਹੋਈ ਵੋਟਾਂ ਦੀ ਗਿਣਤੀ ਤੋਂ ਬਾਅਦ ਇਕ ਭਾਵੁਕ ਕਰ ਦੇਣ ਵਾਲੀ ਘਟਨਾ ਸਾਹਮਣੇ ਆਈ। ਇੱਥੇ ਇਕ ਮਾਂ ਦੀ ਆਖਰੀ ਵੋਟ ਨੇ ਨਗਰਪਾਲਿਕਾ ਚੋਣਾਂ 'ਚ ਬੇਟੇ ਨੂੰ ਜਿੱਤ ਦਿਵਾਈ। ਆਜ਼ਾਦ ਉਮੀਦਵਾਰ ਦੀ ਮਾਂ ਦਾ ਅਗਲੇ ਦਿਨ ਦਿਹਾਂਤ ਹੋ ਗਿਆ। ਪੁੱਤਰ ਸਿਰਫ਼ ਇਕ ਵੋਟ ਨਾਲ ਜਿੱਤਿਆ ਅਤੇ ਉਹ ਆਖਰੀ ਵੋਟ ਉਸ ਦੀ ਬੀਮਾਰ ਮਾਂ ਨੇ ਪਾਈ ਸੀ।

ਆਜ਼ਾਦ ਉਮੀਦਵਾਰ ਜਗਦੀਸ਼ ਪ੍ਰਸਾਦ ਦੀ ਮਾਂ ਨੇ ਆਖਰੀ ਸਾਹ ਲੈਣ ਤੋਂ ਪਹਿਲਾਂ ਆਪਣੀ ਇਕ ਵੋਟ ਨਾਲ ਆਪਣੇ ਪੁੱਤ ਦੇ ਮੱਥੇ 'ਤੇ ਜਿੱਤ ਦਾ ਟਿੱਕਾ ਲਗਾਇਆ। ਰਿਪੋਰਟਾਂ ਅਨੁਸਾਰ, ਆਜ਼ਾਦ ਉਮੀਦਵਾਰ ਜਗਦੀਸ਼ ਪ੍ਰਸਾਦ ਦੀ ਮਾਂ ਦਾ 11 ਸਤੰਬਰ ਨੂੰ ਨਗਰਪਾਲਿਕਾ ਦੇ ਵਾਰਡ 6 'ਚ ਵੋਟ ਪਾਉਣ ਤੋਂ ਅਗਲੇ ਦਿਨ ਦਿਹਾਂਤ ਹੋ ਗਿਆ। ਵੋਟ ਗਿਣਤੀ ਤੋਂ ਬਾਅਦ ਸੋਮਵਾਰ ਨੂੰ ਦੁਖੀ ਆਜ਼ਾਦ ਉਮੀਦਵਾਰ ਨੂੰ ਪਤਾ ਲੱਗਾ ਕਿ ਉਹ ਸਿਰਫ਼ ਇਕ ਵੋਟ ਨਾਲ ਜਿੱਤ ਗਿਆ ਹੈ।

ਜਗਦੀਸ਼ ਪ੍ਰਸਾਦ ਅਤੇ ਉਸ ਦੇ ਪਰਿਵਾਰ ਨੂੰ ਬਹੁਤ ਦੁੱਖ ਹੋਇਆ ਜਦੋਂ ਇਕ ਆਜ਼ਾਦ ਉਮੀਦਵਾਰ ਨੇ ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਦੇ ਇਕ ਸ਼ਕਤੀਸ਼ਾਲੀ ਉਮੀਦਵਾਰ ਰਾਮਸ਼ਰਨ ਨੂੰ ਹਰਾਇਆ। ਇਸ ਘਟਨਾ ਦੀ ਪੂਰੇ ਇਲਾਕੇ 'ਚ ਚਰਚਾ ਹੋ ਰਹੀ ਹੈ, ਲੋਕ ਕਹਿ ਰਹੇ ਹਨ ਕਿ ਇਕ ਮਾਂ ਦੀ ਵੋਟ ਉਸ ਦੇ ਪੁੱਤਰ ਲਈ ਫੈਸਲਾਕੁੰਨ ਸਾਬਤ ਹੋਈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e