ਪਤੀ ਦੀ ਮੌਤ ''ਤੇ ਡਾਹਾਂ ਮਾਰ ਕੇ ਰੋਣ ਵਾਲੀ ਪਤਨੀ ਹੀ ਨਿਕਲੀ ਕਾਤਲ, ਪੁਲਸ ''ਤੇ ਲਾਏ ਸਨ ਝੂਠੇ ਇਲਜ਼ਾਮ

ਨੈਸ਼ਨਲ ਡੈਸਕ- ਮੱਧ ਪ੍ਰਦੇਸ਼ ਦੇ ਮੰਦਸੌਰ ਜ਼ਿਲ੍ਹੇ ਦੇ ਕੁਖਿਆਤ ਤਸਕਰ ਭੈਯੂ ਲਾਲਾ ਦੇ ਕਤਲ ਕੇਸ ਵਿੱਚ ਪੁਲਸ ਨੇ ਇੱਕ ਬਹੁਤ ਹੀ ਸਨਸਨੀਖੇਜ਼ ਅਤੇ ਹੈਰਾਨੀਜਨਕ ਖੁਲਾਸਾ ਕੀਤਾ ਹੈ। ਜਿਸ ਪਤਨੀ ਨੇ ਪੁਲਸ 'ਤੇ ਕੁੱਟਮਾਰ ਅਤੇ ਹੱਤਿਆ ਦੇ ਦੋਸ਼ ਲਗਾ ਕੇ ਵੀਡੀਓ ਵਾਇਰਲ ਕੀਤੇ ਸਨ, ਉਹ ਹੀ ਆਪਣੇ ਪਤੀ ਦੀ ਅਸਲੀ ਕਾਤਲ ਅਤੇ ਇਸ ਪੂਰੇ ਮਾਂਡਲ ਦੀ ਮਾਸਟਰਮਾਈਂਡ ਨਿਕਲੀ ਹੈ।

ਇਹ ਘਟਨਾ 18 ਫਰਵਰੀ 2026 ਨੂੰ ਸੀਤਾਮਊ ਦੇ ਪਿੰਡ ਸੁਰਜਨੀ ਵਿੱਚ ਵਾਪਰੀ ਸੀ। ਉਸ ਸਮੇਂ ਪਤਨੀ ਰੁਖਸਾਨਾ ਨੇ ਰੋਂਦੇ ਹੋਏ ਸੋਸ਼ਲ ਮੀਡੀਆ 'ਤੇ ਵੀਡੀਓ ਵਾਇਰਲ ਕੀਤੇ ਸਨ, ਜਿਸ ਵਿੱਚ ਉਸਨੇ ਦਾਅਵਾ ਕੀਤਾ ਸੀ ਕਿ ਪੁਲਸ ਨੇ ਰੇਡ ਦੌਰਾਨ ਭੈਯੂ ਦੀ ਬੁਰੀ ਤਰ੍ਹਾਂ ਕੁੱਟਮਾਰ ਕੀਤੀ, ਜਿਸ ਕਾਰਨ ਉਸਦੀ ਮੌਤ ਹੋ ਗਈ। ਇੱਥੋਂ ਤੱਕ ਕਿ ਪੁਲਸ ਨੂੰ ਗੁਮਰਾਹ ਕਰਨ ਲਈ ਇਹ ਕਹਾਣੀ ਵੀ ਘੜੀ ਗਈ ਸੀ ਕਿ ਭੈਯੂ ਪੁਲਸ ਦੇ ਡਰੋਂ ਪਲੰਘ ਦੀ ਪੇਟੀ ਵਿੱਚ ਛੁਪ ਗਿਆ ਸੀ ਅਤੇ ਉੱਥੇ ਦਮ ਘੁੱਟਣ ਕਾਰਨ ਉਸਦੀ ਜਾਨ ਚਲੀ ਗਈ।

ਮਾਮਲੇ ਵਿੱਚ ਨਵਾਂ ਮੋੜ ਉਦੋਂ ਆਇਆ ਜਦੋਂ ਡਾਕਟਰਾਂ ਦੇ ਪੈਨਲ ਵੱਲੋਂ ਕੀਤੀ ਗਈ ਜਾਂਚ ਅਤੇ ਵੀਡੀਓਗ੍ਰਾਫੀ ਵਾਲੀ ਪੋਸਟਮਾਰਟਮ ਰਿਪੋਰਟ ਸਾਹਮਣੇ ਆਈ। ਰਿਪੋਰਟ ਵਿੱਚ ਖੁਲਾਸਾ ਹੋਇਆ ਕਿ ਭੈਯੂ ਦੀ ਮੌਤ ਦਮ ਘੁੱਟਣ ਨਾਲ ਨਹੀਂ, ਸਗੋਂ ਗੋਲੀ ਲੱਗਣ ਕਾਰਨ ਹੋਈ ਸੀ। ਇਸ ਤੋਂ ਬਾਅਦ ਪੁਲਸ ਨੇ ਤੁਰੰਤ SIT ਗਠਿਤ ਕਰਕੇ ਜਾਂਚ ਤੇਜ਼ ਕਰ ਦਿੱਤੀ।

ਪਤਨੀ ਨਿਕਲੀ ਕਾਤਲ, ਦੋ ਭਰਾ ਗ੍ਰਿਫਤਾਰਫੋਰੈਂਸਿਕ ਜਾਂਚ ਅਤੇ ਪੁੱਛਗਿੱਛ ਦੌਰਾਨ ਪਤਾ ਲੱਗਿਆ ਕਿ ਇਹ ਪੂਰੀ ਘਟਨਾ ਇੱਕ ਘਰੇਲੂ ਸਾਜ਼ਿਸ਼ ਸੀ। ਪਤਨੀ ਰੁਖਸਾਨਾ ਨੇ ਹੀ ਆਪਣੇ ਪਤੀ ਭੈਯੂ ਲਾਲਾ ਦੀ ਗੋਲੀ ਮਾਰ ਕੇ ਹੱਤਿਆ ਕੀਤੀ ਸੀ। ਉਸਦੇ ਦੋ ਭਰਾਵਾਂ, ਸਲਮਾਨ ਖਾਨ ਅਤੇ ਬਬਲੂ ਖਾਨ, ਨੇ ਸਬੂਤ ਮਿਟਾਉਣ ਅਤੇ ਕਤਲ ਨੂੰ 'ਹਾਦਸਾ' ਸਾਬਤ ਕਰਨ ਵਿੱਚ ਉਸਦੀ ਮਦਦ ਕੀਤੀ ਸੀ।

ਪੁਲਸ ਦੀ ਕਾਰਵਾਈ ਪੁਲਸ ਨੇ ਰੁਖਸਾਨਾ ਦੇ ਦੋਵਾਂ ਭਰਾਵਾਂ ਨੂੰ ਗ੍ਰਿਫਤਾਰ ਕਰਕੇ ਜੇਲ੍ਹ ਭੇਜ ਦਿੱਤਾ ਹੈ ਅਤੇ ਉਨ੍ਹਾਂ ਦੀ ਨਿਸ਼ਾਨਦੇਹੀ 'ਤੇ ਕਤਲ ਵਿੱਚ ਵਰਤਿਆ ਗਿਆ ਨਾਜਾਇਜ਼ ਪਿਸਤੌਲ ਵੀ ਬਰਾਮਦ ਕਰ ਲਿਆ ਹੈ। ਮੁੱਖ ਦੋਸ਼ੀ ਰੁਖਸਾਨਾ ਫਿਲਹਾਲ ਫਰਾਰ ਹੈ, ਜਿਸਦੀ ਭਾਲ ਵਿੱਚ ਪੁਲਿਸ ਦੀਆਂ ਟੀਮਾਂ ਵੱਖ-ਵੱਖ ਥਾਵਾਂ 'ਤੇ ਛਾਪੇਮਾਰੀ ਕਰ ਰਹੀਆਂ ਹਨ।