ਸ਼ੰਕਰਾਚਾਰੀਆ ਸਵਾਮੀ ਦਾ ਦਾਅਵਾ-ਸਨਾਤਨੀ ਹਿੰਦੂ ਸਨ ਪੈਗੰਬਰ ਮੁਹੰਮਦ ਤੇ ਈਸਾ ਮਸੀਹ ਦੇ ਪੂਰਵਜ

ਭੁਵਨੇਸ਼ਵਰ (ਓਡਿਸ਼ਾ)– ਪੁਰੀ ਸ਼ੰਕਰਾਚਾਰੀਆ ਸਵਾਮੀ ਨਿਸ਼ਚਲਾਨੰਦ ਸਰਸਵਤੀ ਨੇ ਮੰਗਲਵਾਰ ਨੂੰ ਦਾਅਵਾ ਕੀਤਾ ਕਿ ਪੈਗੰਬਰ ਮੁਹੰਮਦ ਅਤੇ ਈਸਾ ਮਸੀਹ ਦੇ ਪੂਰਵਜ ਸਨਾਤਨੀ ਹਿੰਦੂ ਸਨ। ਉਨ੍ਹਾਂ ਇਥੇ ਪੱਤਰਕਾਰਾਂ ਨੂੰ ਕਿਹਾ ਕਿ ਅਮਰੀਕਾ ਵਿਚ ਵਿਰੋਧੀ ਧਿਰ ਦੇ ਮੈਂਬਰਾਂ ਨੇ ਇਸ ਮੁੱਦੇ ਨੂੰ ਸੰਸਦ ਵਿਚ ਉਠਾਇਆ ਹੈ। ਮੁਹੰਮਦ ਅਤੇ ਈਸਾ ਮਸੀਹ ਦੇ ਪੂਰਵਜ ਸਨਾਤਨੀ ਹਿੰਦੂ ਸਾਬਿਤ ਹੋਏ ਹਨ।

ਇਸ ਦੌਰਾਨ ਉਨ੍ਹਾਂ ਕਿਹਾ ਕਿ ਮੰਦਰਾਂ ਅਤੇ ਮੱਠ ’ਤੇ ਸਰਕਾਰਾਂ ਦਾ ਕੰਟਰੋਲ ਨਹੀਂ ਹੋਣਾ ਚਾਹੀਦਾ ਅਤੇ ਹਰ ਕੋਨੇ ਦੇ ਵਿਕਾਸ ਲਈ ਪੈਸਾ ਖਰਚ ਕਰਨ ਦੀ ਲੋੜ ਹੈ। ਪੁਰੀ ਦੇ ਰਤਨ ਭੰਡਾਰ ਦੀ ਗੁਆਚੀ ਹੋਈ ਚਾਬੀ ਬਾਰੇ ਪੁੱਛੇ ਜਾਣ ’ਤੇ ਸ਼ੰਕਰਾਚਾਰੀਆਂ ਨੇ ਕਿਹਾ ਕਿ ਓਡਿਸ਼ਾ ਸਰਕਾਰ ਅਤੇ ਜਗਨਨਾਥ ਮੰਦਰ ਪ੍ਰਸ਼ਾਸਨ ਨੇ ਕਦੇ ਵੀ ਮੰਦਰ ਦੇ ਸੰਬੰਧ ਵਿਚ ਕਿਸੇ ਵੀ ਮੁੱਦੇ ’ਤੇ ਸਲਾਹ ਨਹੀਂ ਕੀਤੀ। ਮੈਂ ਰਤਨ ਭੰਡਾਰ ਦੇ ਲਾਪਤਾ ਪ੍ਰਮੁੱਖ ਮੁੱਦੇ ਵਿਚ ਦਖਲਅੰਦਾਜ਼ੀ ਕਿਉਂ ਕਰਾਂ? ਮੰਦਰ ਦੇ ਅੰਦਰ ਕੁਲ 7 ਰਤਨ ਭੰਡਾਰ ਹਨ, ਜਿਨ੍ਹਾਂ ਵਿਚੋਂ ਇਕ ਹਮੇਸ਼ਾ ਖੁੱਲ੍ਹਾ ਰਹਿੰਦਾ ਹੈ। ਲਗਭਗ 38 ਸਾਲ ਪਹਿਲਾਂ 4 ਰਤਨ ਭੰਡਾਰਾਂ ਦੀਆਂ ਚਾਬੀਆਂ ਗੁੰਮ ਹੋ ਗਈਆਂ ਸਨ ਪਰ ਡੀ. ਸੀ. ਕੋਲ ਸਿਰਫ 2 ਚਾਬੀਆਂ ਸਨ।