ਪੱਛਮੀ ਬੰਗਾਲ ''ਚ ਸ਼ਾਹ ਦੀ ਰੱਥ ਯਾਤਰਾ ਦਾ ਮੁਕਾਬਲਾ ਕਰੇਗੀ ਸੀ ਪੀ ਐੱਮ ਕਾਂਗਰਸ ਦੀ ਪੈਦਲ ਯਾਤਰਾ

ਕੋਲਕਾਤਾ-ਮਿਸ਼ਨ 2019 ਤੋਂ ਪਹਿਲਾਂ ਭਾਜਪਾ ਮੁਖੀ ਅਮਿਤ ਸ਼ਾਹ ਦੀ ਪੱਛਮੀ ਬੰਗਾਲ 'ਚ ਹੋਣ ਵਾਲੀ ਰੱਥ ਯਾਤਰਾ ਦਾ ਮੁਕਾਬਲਾ ਕਰਨ ਦੇ ਲਈ ਵਿਰੋਧੀ ਕਾਂਗਰਸ ਅਤੇ ਮਾਰਕਸਵਾਦੀ ਕਮਿਊਨਿਟ ਪਾਰਟੀ (ਮਾਕਪਾ) ਨੇ ਜਨਤਕ ਕੰਮਾਂ ਅਤੇ ਪੈਦਲ ਯਾਤਰਾਵਾਂ ਕਰਨ ਦਾ ਫੈਸਲਾ ਕੀਤਾ ਹੈ। ਸੂਬੇ 'ਚ ਸੱਤਾਧਾਰੀ ਤ੍ਰਿਣਾਮੂਲ ਕਾਂਗਰਸ ਨੇ ਪਰ ਸ਼ਾਹ ਦੀ ਰੱਥ ਯਾਤਰਾ ਅਤੇ ਵਿਰੋਧੀ ਵੱਲੋਂ ਆਯੋਜਿਤ ਕਿਸੇ ਵੀ ਪ੍ਰੋਗਰਾਮ ਨੂੰ ਤਵੱਜੋਂ ਨਾ ਦਿੰਦੇ ਹੋਏ ਕਿਹਾ ਹੈ ਕਿ ਸੂਬੇ ਦੀ ਜਨਤਾ ਮੁੱਖ ਮੰਤਰੀ ਮਮਤਾ ਬੈਨਰਜੀ ਦੇ ਨਾਲ ਮਜ਼ਬੂਤੀ ਨਾਲ ਖੜੀ ਹੈ। ਬੰਗਾਲ 'ਚ ਪੈਠ ਬਣਾਉਣ ਦੀ ਕੋਸ਼ਿਸ਼ 'ਚ ਲੱਗੀ ਭਾਜਪਾ ਹਾਲ ਹੀ 'ਚ ਹੋਏ ਸਥਾਨਿਕ ਨਿਗਮ ਚੋਣਾਂ 'ਚ ਤ੍ਰਿਣਾਮੂਲ ਕਾਂਗਰਸ ਤੋਂ ਬਾਅਦ ਦੂਜੇ ਸਥਾਨ 'ਤੇ ਰਹੀ ਸੀ। ਭਾਜਪਾ ਤ੍ਰਿਣਾਮੂਲ ਕਾਂਗਰਸ ਦੀ ਮੁੱਖ ਵਿਰੋਧੀ ਪਾਰਟੀ ਦੇ ਰੂਪ 'ਚ ਉੱਭਰ ਕੇ ਸਾਹਮਣੇ ਆਈ ਹੈ? ਪਾਰਟੀ ਮਾਹਿਰਾ ਨੇ ਦੱਸਿਆ ਹੈ ਕਿ ਕਾਂਗਰਸ ਨੇ ਰਾਜਭਰ 'ਚ ਜਨਸੰਪਰਕ ਮੁਹਿੰਮ ਚਲਾਉਣ ਦਾ ਫੈਸਲਾ ਕੀਤਾ ਹੈ। ਇਹ ਪ੍ਰੋਗਰਾਮ ਅਗਲੇ ਮਹੀਨੇ ਦੇ ਅੰਤ ਤੋਂ ਸ਼ੁਰੂ ਹੋ ਸਕਦਾ ਹੈ।

ਮਾਕਪਾ ਅਗਵਾਈ ਨੇ ਆਪਣੇ ਕਿਸਾਨ ਸੈੱਲ ਦੇ ਬੈਨਰ ਹੇਠਾਂ ਹੁਗਲੀ ਜ਼ਿਲੇ ਦੇ ਸਿੰਗੂਰ 'ਚ ਮੁਰਸ਼ਿਦਾਬਾਦ ਦੇ ਫਾਰਕਕਾ 'ਚ ਅਤੇ ਕੂਚਬਿਹਾਰ ਜ਼ਿਲੇ 'ਚ ਤਿੰਨ ਪੈਦਲ ਯਾਤਰਾ ਕਰਨ  ਦਾ ਐਲਾਨ ਕੀਤਾ ਹੈ। ਦੋਵੇਂ ਪਾਰਟੀਆਂ ਦੇ ਮਾਹਿਰਾਂ ਨੇ ਦੱਸਿਆ ਹੈ ਕਿ ਇਨ੍ਹਾਂ ਪ੍ਰੋਗਰਾਮਾਂ ਦਾ ਸਮਾਂ 5 ਤੋਂ 9 ਦਸੰਬਰ ਤੱਕ ਦੇ ਦੌਰਾਨ ਸ਼ਾਹ ਜੀ 3 ਰੱਥ ਯਾਤਰਾਵਾਂ ਦੇ ਸਮੇਂ ਨਾਲ ਟਕਰਾਉਣਗੀਆਂ। ਪੱਛਮੀ ਬੰਗਾਲ ਕਾਂਗਰਸ ਪ੍ਰਧਾਨ ਸੋਮੇਨ ਮਿਸ਼ਰਾ ਨੇ ਕਿਹਾ ਹੈ ਕਿ ਜਨਤਕ ਸੰਪਰਕ ਯਾਤਰਾ ਦਾ ਮਕਸਦ ਲੋਕਾਂ ਨੂੰ ਪਾਰਟੀ ਦੇ ਕੰਮਾਂ ਤੋਂ ਜਾਣੂ ਕਰਵਾਉਣਾ ਅਤੇ ਨਰਿੰਦਰ ਮੋਦੀ ਸਰਕਾਰ ਦੇ ਭ੍ਰਿਸ਼ਟਾਚਾਰ , ਸੰਪਰਦਾਇਕ ਰਾਜਨੀਤੀ ਅਤੇ ਕੁਸ਼ਾਸ਼ਨ ਦੇ ਬਾਰੇ 'ਚ ਦੱਸਣਾ ਹੈ।

ਮਿਸ਼ਰਾ ਨੇ ਕਿਹਾ ਹੈ ਕਿ ਰਾਜ ਦੇ ਹਰ ਜ਼ਿਲੇ , ਬਲਾਕ ਅਤੇ ਬੂਥ ਤੱਕ ਸਾਡੇ ਪਾਰਟੀ ਪ੍ਰੋਗਰਾਮ ਲੋਕਾਂ ਤੱਕ ਜਾਣਗੇ ਅਤੇ ਸਾਡੇ ਦ੍ਰਿਸ਼ਟੀਕੋਣ ਨਾਲ ਉਨ੍ਹਾਂ ਨੂੰ ਜਾਣੂ ਕਰਵਾਉਣਗੇ। ਅਸੀਂ ਪਾਰਟੀ ਦੇ ਲਈ ਹਰ ਘਰ ਤੋਂ ਦੋ ਤੋਂ ਪੰਜ ਰੁਪਏ ਦਾ ਚੰਦਾ ਵੀ ਇੱਕਠਾ ਕਰਾਂਗੇ। ਇਨ੍ਹਾਂ ਪ੍ਰੋਗਰਾਮਾਂ ਤੋਂ ਅਸੀਂ ਆਪਣੀ ਪਾਰਟੀ ਨੂੰ ਮਜ਼ਬੂਤ ਕਰਾਂਗੇ। ਮਾਕਪਾ ਪੋਲਿਤ ਬਿਊਰੋ ਦੇ ਮੈਂਬਰ ਅਤੇ ਕਿਸਾਨ ਸਭਾ ਦੇ ਜਨਰਲ ਸਕੱਤਰ ਹਨਨ ਮੋਹੱਲਾ ਨੇ ਦੱਸਿਆ ਹੈ ਕਿ ਉਨ੍ਹਾਂ ਦੀ ਪਾਰਟੀ ਕਿਸਾਨਾਂ ਨਾਲ ਜੁੜੇ ਮੁੱਦਿਆਂ ਤੋਂ ਇਲਾਵਾ ਭਾਜਪਾ ਦੀ ਵਿਭਾਜਨਕਾਰੀ ਨੀਤੀਆਂ ਦੇ ਬਾਰੇ ਲੋਕਾਂ ਨੂੰ ਦੱਸੇਗੀ।