ਪੁੰਛ ’ਚ ਜੰਗਾਲ ਲੱਗਿਆ ਮੋਰਟਾਰ ਸ਼ੈੱਲ ਬਰਾਮਦ

ਪੁੰਛ (ਧਨੁਜ)- ਜ਼ਿਲੇ ਦੀ ਸੂਰਨਕੋਟ ਤਹਿਸੀਲ ’ਚ ਵਹਿੰਦੇ ਇਕ ਨਾਲੇ ’ਚੋਂ ਬੁੱਧਵਾਰ ਦੇਰ ਸ਼ਾਮ ਇਕ ਜੰਗਾਲ ਲੱਗਿਆ ਮੋਰਟਾਰ ਸ਼ੈੱਲ ਮਿਲਣ ਨਾਲ ਦਹਿਸ਼ਤ ਦਾ ਮਾਹੌਲ ਬਣ ਗਿਆ। ਸੂਚਨਾ ਤੋਂ ਬਾਅਦ ਪੁਲਸ ਨੇ ਮੋਰਟਾਰ ਨੂੰ ਨਾਕਾਮ ਕਰ ਦਿੱਤਾ। ਜਾਣਕਾਰੀ ਮੁਤਾਬਕ ਬੁੱਧਵਾਰ ਦੇਰ ਸ਼ਾਮ ਕੁਝ ਲੋਕਾਂ ਨੇ ਜ਼ਿਲੇ ਦੀ ਸੂਰਨਕੋਟ ਤਹਿਸੀਲ ਦੇ ਹਬੀਬ ਨਗਰ ਇਲਾਕੇ ’ਚ ਵਹਿਣ ਵਾਲੇ ਨਾਲੇ ’ਚ ਇਕ ਪੁਰਾਣਾ ਜੰਗਾਲ ਲੱਗਿਆ ਮੋਰਟਾਰ ਸ਼ੈੱਲ ਦੇਖਿਆ, ਜਿਸ ਦੀ ਸੂਚਨਾ ਤੁਰੰਤ ਪੁਲਸ ਨੂੰ ਦਿੱਤੀ ਗਈ। ਪੁਲਸ, ਐੱਸ.ਓ.ਜੀ. ਅਤੇ ਬੰਬ ਨਿਰੋਧਕ ਦਸਤਾ ਮੌਕੇ ’ਤੇ ਪਹੁੰਚਿਆ ਅਤੇ ਇਲਾਕੇ ’ਚ ਲੋਕਾਂ ਦੀ ਆਵਾਜਾਈ ’ਤੇ ਪੂਰੀ ਤਰ੍ਹਾਂ ਪਾਬੰਦੀ ਲਗਾ ਦਿੱਤੀ ਅਤੇ ਸ਼ੈੱਲ ਨੂੰ ਨਕਾਰਾ ਕਰ ਦਿੱਤਾ।