ਅਨੋਖੀ ਵਾਰਦਾਤ, ਹੈਲਮੇਟ ਪਾ ਕੇ ਆਏ ਲੁਟੇਰੇ, ਬੈਂਕ ''ਚੋਂ 8 ਲੱਖ ਲੁੱਟ ਕੇ ਹੋਏ ਫਰਾਰ

ਮੁਜ਼ੱਫਰਪੁਰ— ਬਿਹਾਰ ਦੇ ਮੁਜ਼ੱਫਰਪੁਰ 'ਚ ਗੋਰਬਸਹੀ ਐੱਨ.ਐੱਚ. 'ਤੇ ਸਥਿਤ ਆਈ.ਸੀ.ਆਈ.ਸੀ.ਆਈ. ਬੈਂਕ ਤੋਂ ਸ਼ਨੀਵਾਰ ਸਵੇਰ 6 ਅਪਰਾਧੀਆਂ ਨੇ 8 ਲੱਖ 5 ਹਜ਼ਾਰ 115 ਰੁਪਏ ਲੁੱਟ ਲਏ। ਇਸ ਦੌਰਾਨ ਬੈਂਕ ਦੇ ਗਾਰਡ ਦੀ ਬੰਦੂਕ ਵੀ ਲੁੱਟ ਲਈ। ਹੈਲਮੇਟ ਪਾ ਕੇ ਆਏ ਅਪਰਾਧੀ ਸਿਰਫ਼ 2 ਮਿੰਟ ਦੇ ਅੰਦਰ ਕੈਸ਼ ਲੁੱਟ ਕੇ 2 ਬਾਈਕਾਂ 'ਤੇ ਗੋਰਬਸਹੀ ਵੱਲ ਦੌੜ ਗਏ। ਜਿਸ ਕਾਊਂਟਰ ਤੋਂ 8 ਲੱਖ ਰੁਪਏ ਲੁੱਟੇ, ਉਸੇ ਕਾਊਂਟਰ ਹੇਠਾਂ 40 ਲੱਖ ਕੈਸ਼ ਸੀ। ਅਪਰਾਧੀਆਂ ਦੀ ਜਲਦਬਾਜ਼ੀ 'ਚ 40 ਲੱਖ ਕੈਸ਼ ਬਚ ਗਿਆ।

#WATCH Bihar: Six people, wearing helmets and covering their faces, looted Rs 8,05,115 from ICICI bank in Muzaffarpur's Gobarsahi area. They also looted a rifle of the security guard at the bank. (05.10.2019) (Source: CCTV footage) pic.twitter.com/cpnsWB6dpW

— ANI (@ANI) October 5, 2019

ਇਕ ਹਫ਼ਤੇ ਦੇ ਅੰਦਰ ਸ਼ਹਿਰ 'ਚ ਬੈਂਕ ਲੁੱਟ ਦੀ ਇਹ ਦੂਜੀ ਘਟਨਾ ਹੈ। ਪੁਲਸ ਨੇ ਬੈਂਕ ਅਤੇ ਕੋਲ ਦੇ ਸੀ.ਸੀ.ਟੀ.ਵੀ. ਕੈਮਰਿਆਂ ਨੂੰ ਦੇਖਿਆ। ਅਪਰਾਧੀਆਂ 'ਚ 5 ਹੈਲਮੇਟ ਲਗਾਏ ਹੋਏ ਸਨ, ਇਕ ਨੇ ਪਰਨੇ ਨਾਲ ਮੂੰਹ ਬੰਨ੍ਹਿਆ ਹੋਇਆ ਸੀ। ਬਰਾਂਚ ਮੈਨੇਜਰ ਰਾਜੇਸ਼ ਕੁਮਾਰ ਨੇ ਦੱਸਿਆ,''11.42 ਵਜੇ ਅਪਰਾਧੀ ਬੈਂਕ 'ਚ ਆਏ। ਮੇਰੇ ਚੈਂਬਰ 'ਚ ਵੀ ਗਏ। ਮੈਂ ਨਾਲ ਵਾਲੇ ਚੈਂਬਰ 'ਚ ਸੀ, ਫਿਰ ਅਪਰਾਧੀਆਂ ਨੇ ਕੈਸ਼ੀਅਰ ਕੋਲ ਜਾ ਕੇ ਰੁਪਏ ਲੁੱਟ ਲਏ।''