ਮੁੜ ਸ਼ਰਮਸਾਰ ਹੋਈ ਦਿੱਲੀ; ਪ੍ਰੇਮੀ ਨੇ ਕੁੜੀ ਨੂੰ ਲੋਹੇ ਦੀ ਰਾਡ ਨਾਲ ਕੁੱਟਿਆ, ਫਿਰ ਉਬਲਦੀ ਹੋਈ ਡੋਲ੍ਹੀ ਦਾਲ

ਨਵੀਂ ਦਿੱਲੀ- ਦੱਖਣੀ ਦਿੱਲੀ ਦੇ ਨੇਬਰਸਰਾਏ ਇਲਾਕੇ ਤੋਂ ਦਰਿੰਦਗੀ ਦੀਆਂ ਸਾਰੀਆਂ ਹੱਦਾਂ ਪਾਰ ਕਰਨ ਵਾਲਾ ਅਜਿਹਾ ਮਾਮਲਾ ਸਾਹਮਣੇ ਆਇਆ ਹੈ, ਜਿਸ ਨੇ ਇਕ ਵਾਰ ਮੁੜ ਦਿੱਲੀ ਨੂੰ ਸ਼ਰਮਸਾਰ ਕਰ ਦਿੱਤਾ ਹੈ। ਇਸ ਘਟਨਾ ਦਾ ਸ਼ਿਕਾਰ ਸਿੱਕਮ ਦੀ ਰਹਿਣ ਵਾਲੀ ਇਕ ਕੁੜੀ ਹੋਈ ਹੈ, ਜਿਸ ਨੂੰ ਉਸ ਦੇ ਪ੍ਰੇਮੀ ਨੇ ਰੂਹ ਕੰਬਾਉਣ ਵਾਲੀ ਸਜ਼ਾ ਦਿੱਤੀ ਸੀ। 

ਇਹ ਵੀ ਪੜ੍ਹੋ- ਬੱਸਾਂ 'ਚ ਹੁਣ ਕਿੰਨਰ ਭਾਈਚਾਰੇ ਨੂੰ ਵੀ ਮਿਲੀ ਮੁਫ਼ਤ ਯਾਤਰਾ ਦੀ ਸੌਗਾਤ, ਕੇਜਰੀਵਾਲ ਨੇ ਕੀਤਾ ਐਲਾਨ

ਕੁੜੀ ਨੂੰ ਲੋਹੇ ਦੀ ਰਾਡ ਨਾਲ ਕੁੱਟਿਆ

ਦਰਅਸਲ ਦੱਖਣੀ ਦਿੱਲੀ ਦੇ ਨੇਬਸਰਾਏ ਇਲਾਕੇ ਵਿਚ ਸਿੱਕਮ ਦੀ ਇਕ 32 ਸਾਲਾ ਕੁੜੀ ਨਾਲ ਸਭ ਤੋਂ ਪਹਿਲਾਂ ਉਸ ਦੇ ਪ੍ਰੇਮੀ ਨੇ ਜਬਰ-ਜ਼ਨਾਹ ਕੀਤਾ। ਫਿਰ ਉਸ ਨੂੰ ਲੋਹੇ ਦੀ ਰਾਡ ਨਾਲ ਕਾਫੀ ਦੇਰ ਤੱਕ ਕੁੱਟਿਆ। ਜਦੋਂ ਫਿਰ ਵੀ ਪ੍ਰੇਮੀ ਦੀ ਤਸੱਲੀ ਨਾ ਹੋਈ ਤਾਂ ਉਸ ਨੇ ਕੁੜੀ ’ਤੇ ਉਬਲਦੀ ਹੋਈ ਦਾਲ ਡੋਲ੍ਹ ਦਿੱਤੀ ਤੇ ਉਸ ਨੂੰ ਤੜਫਦਾ ਛੱਡ ਕੇ ਭੱਜ ਗਿਆ। ਉਹ ਕਰੀਬ 5 ਘੰਟੇ ਤਕ ਦਰਦ ਨਾਲ ਚੀਕਾਂ ਮਾਰਦੀ ਰਹੀ। 

ਫੇਸਬੁੱਕ ਤੋਂ ਹੋਈ ਸੀ ਦੋਸਤੀ

ਕੁੜੀ ਦੀ ਦੋਸਤੀ ਫੇਸਬੁੱਕ ਰਾਹੀਂ ਦਿੱਲੀ ਦੇ ਰਹਿਣ ਵਾਲੇ ਪਾਰਸ ਨਾਲ ਕੁਝ ਸਮਾ ਪਹਿਲਾਂ ਹੀ ਹੋਈ ਸੀ। ਹੌਲੀ-ਹੌਲੀ ਦੋਹਾਂ ਦੀ ਦੋਸਤੀ ਡੂੰਘੀ ਹੁੰਦੀ ਗਈ ਤਾਂ ਕੁੜੀ ਪਾਰਸ 'ਤੇ ਭਰੋਸਾ ਕਰਨ ਲੱਗੀ। ਉਸ ਨੇ ਪਾਰਸ ਨੂੰ ਨੌਕਰੀ ਲਈ ਬੋਲਿਆ। ਇਸ ਗੱਲ 'ਤੇ ਪਾਰਸ ਨੇ ਕੁੜੀ ਨੂੰ ਨੌਕਰੀ  ਲਈ ਦਿੱਲੀ ਆਉਣ ਦੀ ਗੱਲ ਆਖੀ। ਇਸ ਸਾਲ 10 ਜਨਵਰੀ ਨੂੰ ਪਾਰਸ ’ਤੇ ਭਰੋਸਾ ਕਰ ਕੇ ਕੁੜੀ ਨੌਕਰੀ ਲਈ ਦਿੱਲੀ ਆਈ ਸੀ। ਦਿੱਲੀ ਆ ਕੇ ਉਹ ਪਾਰਸ ਨਾਲ ਖਾਨਪੁਰ ’ਚ ਰਹਿਣ ਲੱਗੀ। 

ਇਹ ਵੀ ਪੜ੍ਹੋ- ਹਰਸਿਮਰਤ ਬਾਦਲ ਨੇ ਦੇਸ਼ ਦੇ '4 ਥੰਮ੍ਹਾਂ' 'ਤੇ ਚੁੱਕੇ ਸਵਾਲ, ਕਿਹਾ- ਨੌਜਵਾਨ ਬੇਰੋਜ਼ਗਾਰ ਹੋ ਰਹੇ, ਕਿਸਾਨ ਮਰ ਰਹੇ

ਕੁੜੀ ਨੇ ਪਾਰਸ 'ਤੇ ਵਿਆਹ ਦਾ ਦਬਾਅ ਬਣਾਇਆ ਸੀ

ਕੁੜੀ ਅਤੇ ਦੋਸ਼ੀ ਦੇ ਇਕੱਠੇ ਰਹਿਣ ਦੇ ਚੱਲਦੇ ਦੋਹਾਂ ਵਿਚਾਲੇ ਸਰੀਰਕ ਸਬੰਧ ਬਣੇ। ਦੋਵੇਂ ਇਕ-ਦੂਜੇ ਨਾਲ ਵਿਆਹ ਦੀ ਗੱਲ ਕਰਨ ਲੱਗੇ। ਉਸ ਨੇ ਪਾਰਸ ’ਤੇ ਵਿਆਹ ਲਈ ਦਬਾਅ ਪਾਉਣਾ ਸ਼ੁਰੂ ਕਰ ਦਿੱਤਾ। ਇਸ ਤੋਂ ਗੁੱਸੇ ’ਚ ਆ ਕੇ ਪਾਰਸ ਨੇ ਪਹਿਲਾਂ ਤਾਂ ਉਸ ਨੂੰ ਲੋਹੇ ਦੀ ਰਾਡ ਨਾਲ ਕਾਫੀ ਦੇਰ ਤੱਕ ਕੁੱਟਿਆ। ਫਿਰ ਗੈਸ ਦੇ ਚੁੱਲ੍ਹੇ ’ਤੇ ਪਈ ਉਬਲਦੀ ਦਾਲ ਦਾ ਪਤੀਲਾ ਉਸ ’ਤੇ ਡੋਲ੍ਹ ਦਿੱਤਾ, ਜਿਸ ਕਾਰਨ ਉਹ ਕਾਫੀ ਝੁਲਸ ਗਈ। 

ਇਹ ਵੀ ਪੜ੍ਹੋ- ਦਿੱਲੀ ਸਰਕਾਰ ਦੇ ਵਿਕਾਸ ਕੰਮ ਰੁਕਣਗੇ ਨਹੀਂ, ਭਾਵੇਂ ਮੈਨੂੰ ਜੇਲ੍ਹ ਭੇਜ ਦਿੱਤਾ ਜਾਵੇ: CM ਕੇਜਰੀਵਾਲ

5 ਘੰਟੇ ਤੱਕ ਤੜਫਦੀ ਰਹੀ ਕੁੜੀ

ਇਸ ਸਾਰੀ ਘਟਨਾ ਨੂੰ ਅੰਜਾਮ ਦੇਣ ਤੋਂ ਬਾਅਦ ਪਾਰਸ ਨੇ ਕਮਰਾ ਬੰਦ ਕਰ ਦਿੱਤਾ ਅਤੇ ਕੁੜੀ ਨੂੰ ਦਰਦ ਨਾਲ ਛੱਡ ਦਿੱਤਾ। ਕੁੜੀ ਕਰੀਬ 5 ਘੰਟੇ ਤਕ ਦਰਦ ਨਾਲ ਰੋਂਦੀ ਰਹੀ ਅਤੇ ਚੀਕਾਂ ਮਾਰਦੀ ਰਹੀ। ਜਦੋਂ ਉਸ ਦੀਆਂ ਚੀਕਾਂ ਕਿਸੇ ਤਰ੍ਹਾਂ ਮਕਾਨ ਮਾਲਕ ਤੱਕ ਪਹੁੰਚੀਆਂ ਤਾਂ ਉਸ ਨੇ ਆ ਕੇ ਕੁੜੀ ਨੂੰ ਬਾਹਰ ਕੱਢਿਆ ਅਤੇ ਪੁਲਸ ਨੂੰ ਸੂਚਨਾ ਦਿੱਤੀ।

ਇਹ ਵੀ ਪੜ੍ਹੋ- ED ਦੇ ਛਾਪਿਆਂ ਨਾਲ 'ਆਪ' ਆਗੂਆਂ ਨੂੰ ਡਰਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ ਕੇਂਦਰ ਸਰਕਾਰ : ਆਤਿਸ਼ੀ

ਪਾਰਸ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ

ਪੁਲਸ ਨੇ ਕੁੜੀ ਨੂੰ ਸਫਦਰਜੰਗ ਹਸਪਤਾਲ 'ਚ ਭਰਤੀ ਕਰਵਾਇਆ। ਕੁੜੀ ਦੇ ਬਿਆਨਾਂ 'ਤੇ ਥਾਣਾ ਨੇਬਸਰਾਏ ਦੀ ਪੁਲਸ ਨੇ ਵੱਖ-ਵੱਖ ਧਾਰਾਵਾਂ ਤਹਿਤ ਮਾਮਲਾ ਦਰਜ ਕਰਕੇ ਦੋਸ਼ੀ ਪਾਰਸ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ। ਜਿਸ ਨੂੰ ਬਾਅਦ ਵਿਚ ਸਤਬੜੀ ਇਲਾਕੇ ਤੋਂ ਗ੍ਰਿਫਤਾਰ ਕਰ ਲਿਆ ਗਿਆ। ਕੁੜੀ ਦੇ ਸਰੀਰ 'ਤੇ 20 ਥਾਵਾਂ 'ਤੇ ਸੱਟਾਂ ਦੇ ਨਿਸ਼ਾਨ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8