ਅਰਥਵਿਵਸਥਾ ਨੂੰ ਖੋਲ੍ਹਣ ਲਈ ਰਾਹੁਲ ਦੀ ਸਲਾਹ- ਸਪਲਾਈ ਚੇਨ ‘ਤੇ ਸੋਚੇ ਮੋਦੀ ਸਰਕਾਰ
05/05/2020 6:48:44 PM
ਨਵੀਂ ਦਿੱਲੀ - ਕੋਰੋਨਾ ਵਾਇਰਸ ਦੀ ਮਹਾਮਾਰੀ ਨੂੰ ਫੈਲਣ ਤੋਂ ਰੋਕਣ ਲਈ ਦੇਸ਼ ‘ਚ ਲਾਕਡਾਊਨ ਲਾਗੂ ਹੈ। 25 ਮਾਰਚ ਤੋਂ ਲਾਗੂ ਲਾਕਡਾਊਨ ਦੀ ਮਿਆਦ ਪਹਿਲਾਂ 14 ਅਪ੍ਰੈਲ ਤੋਂ 3 ਮਈ ਤੱਕ ਵਧਾਈ ਗਈ ਸੀ। ਹੁਣ ਇਸ ਨੂੰ 17 ਮਈ ਤੱਕ ਵਧਾ ਦਿੱਤਾ ਗਿਆ ਹੈ। ਹਾਲਾਂਕਿ ਇਸ ਦੌਰਾਨ ਕਈ ਤਰ੍ਹਾਂ ਦੀਆਂ ਰਿਆਇਤਾਂ ਵੀ ਦਿੱਤੀਆਂ ਗਈਆਂ ਹਨ, ਜਿਸ ਨੂੰ ਹੌਲੀ-ਹੌਲੀ ਲਾਕਡਾਊਨ ਤੋਂ ਬਾਹਰ ਨਿਕਲਣ ਦੀ ਦਿਸ਼ਾ ‘ਚ ਚੁੱਕਿਆ ਗਿਆ ਕਦਮ ਮੰਨਿਆ ਜਾ ਰਿਹਾ ਹੈ।
While tackling the virus, think in terms of zones.
— Rahul Gandhi (@RahulGandhi) May 5, 2020
While reopening the economy, think in terms of supply chains. #ReopeningIndiasEconomy
ਲਾਕਡਾਊਨ ਨੂੰ ਪਾਉਜ ਬਟਨ ਦੱਸਣ ਵਾਲੇ ਕਾਂਗਰਸ ਦੇ ਸਾਬਕਾ ਰਾਸ਼ਟਰੀ ਪ੍ਰਧਾਨ ਰਾਹੁਲ ਗਾਂਧੀ ਨੇ ਹੁਣ ਕੋਰੋਨਾ ਵਾਇਰਸ ਨਾਲ ਨਜਿੱਠਣ ਅਤੇ ਮਾਲੀ ਹਾਲਤ ਨੂੰ ਮੁੜ ਖੋਲ੍ਹਣ ਲਈ ਸੁਝਾਅ ਦਿੱਤਾ ਹੈ। ਰਾਹੁਲ ਗਾਂਧੀ ਨੇ ਟਵੀਟ ਕਰ ਕਿਹਾ ਹੈ ਕਿ ਵਾਇਰਸ ਨਾਲ ਨਜਿੱਠਣ ਦੌਰਾਨ ਜੋਨ ਦੇ ਬਾਰੇ ਸੋਚਣ। ਉਨ੍ਹਾਂ ਨੇ ਅੱਗੇ ਕਿਹਾ ਹੈ ਕਿ ਮਾਲੀ ਹਾਲਤ ਨੂੰ ਫਿਰ ਤੋਂ ਖੋਲ੍ਹਦੇ ਸਮੇਂ ਸਪਲਾਈ ਦੀ ਚੇਨ ਬਾਰੇ ਸੋਚਣ।
ਜਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਰਾਹੁਲ ਗਾਂਧੀ ਨੇ ਨੋਬਲ ਜੇਤੂ ਅਰਥਸ਼ਾਸਤਰੀ ਅਭੀਜੀਤ ਭੱਟਾਚਾਰਿਆ ਨਾਲ ਵੀਡੀਓ ਕਾਨਫਰੰਸਿੰਗ ਦੇ ਜ਼ਰੀਏ ਮੌਜੂਦਾ ਹਾਲਾਤ ਅਤੇ ਇਸ ਤੋਂ ਨਿਕਲਣ ਦੇ ਉਪਰਾਲਿਆਂ ਨੂੰ ਲੈ ਕੇ ਚਰਚਾ ਕੀਤੀ। ਭੱਟਾਚਾਰਿਆ ਨੇ ਲੋਕਾਂ ਨੂੰ ਪੈਸੇ ਦੀ ਉਪਲਬਧਤਾ ਯਕੀਨੀ ਕਰਦੇ ਹੋਏ ਖਰੀਦ ਲਈ ਉਤਸ਼ਾਹਿਤ ਕਰਣ ਨੂੰ ਜ਼ਰੂਰੀ ਦੱਸਿਆ ਸੀ। ਨੋਬਲ ਜੇਤੂ ਅਰਥਸ਼ਾਸਤਰੀ ਨੇ ਨਾਲ ਹੀ ਈ.ਐਮ.ਆਈ. ਵੀ ਸਰਕਾਰ ਵਲੋਂ ਭਰੇ ਜਾਣ ਦੀ ਸਲਾਹ ਦਿੱਤੀ ਸੀ।
ਰਾਹੁਲ ਗਾਂਧੀ ਨੇ ਕੁੱਝ ਦਿਨ ਪਹਿਲਾਂ ਰਿਜ਼ਰਵ ਬੈਂਕ ਦੇ ਸਾਬਕਾ ਗਵਰਨਰ ਰਘੁਰਾਮ ਰਾਜਨ ਨਾਲ ਵੀ ਚਰਚਾ ਕੀਤੀ ਸੀ। ਰਾਹੁਲ ਗਾਂਧੀ ਨੇ ਸ਼ੁਰੂਆਤੀ ਦੌਰ ‘ਚ ਲਾਕਡਾਊਨ ਦਾ ਸਮਰਥਨ ਕਰਦੇ ਹੋਏ ਕਿਹਾ ਸੀ ਕਿ ਕਾਂਗਰਸ ਦਾ ਇੱਕ-ਇੱਕ ਕਰਮਚਾਰੀ ਸਰਕਾਰ ਦੇ ਨਾਲ ਹੈ। ਹਾਲਾਂਕਿ ਬਾਅਦ ‘ਚ ਰਾਹੁਲ ਨੇ ਲਾਕਡਾਊਨ ਨੂੰ ਪਾਉਜ ਬਟਨ ਦੱਸਿਆ ਸੀ। ਉਨ੍ਹਾਂ ਨੇ ਕੋਰੋਨਾ ਵਾਇਰਸ ਨਾਲ ਨਜਿੱਠਣ ਲਈ ਟੈਸਟਿੰਗ ‘ਤੇ ਜ਼ੋਰ ਦੇਣ ਦੀ ਮੰਗ ਕੀਤੀ ਸੀ।