ਸਾਬਕਾ PM ਪੰਡਿਤ ਨਹਿਰੂ ਦੀ ਜਯੰਤੀ ਮੌਕੇ ਸੋਨੀਆ ਗਾਂਧੀ-ਖੜਗੇ ਨੇ ਕੀਤਾ ਨਮਨ

ਨਵੀਂ ਦਿੱਲੀ- ਕਾਂਗਰਸ ਪ੍ਰਧਾਨ ਮੱਲਿਕਾਰਜੁਨ ਖੜਗੇ ਅਤੇ ਪਾਰਟੀ ਦੇ ਸਾਬਕਾ ਪ੍ਰਧਾਨ ਰਾਹੁਲ ਗਾਂਧੀ ਨੇ ਸਾਬਕਾ ਪ੍ਰਧਾਨ ਮੰਤਰੀ ਪੰਡਿਤ ਜਵਾਹਰਲਾਲ ਨਹਿਰੂ ਨੂੰ ਉਨ੍ਹਾਂ ਦੀ 133ਵੀਂ ਜਯੰਤੀ ਮੌਕੇ ਅੱਜ ਨਮਨ ਕਰਦੇ ਹੋਏ ਸ਼ਰਧਾਂਜਲੀ ਭੇਟ ਕੀਤੀ। ਰਾਹੁਲ ਗਾਂਧੀ ਨੇ ਪੰਡਿਤ ਨਹਿਰੂ ਦਾ ਹਵਾਲਾ ਦਿੰਦੋ ਹੋਏ ਟਵੀਟ ਕੀਤਾ, ‘‘ਕੌਣ ਹੈ ਭਾਰਤ ਮਾਤਾ, ਇਸ ਵਿਸ਼ਾਲ ਭੂਮੀ ’ਚ ਫੈਲੇ ਭਾਰਤ ਵਾਸੀ ਸਭ ਤੋਂ ਜ਼ਿਆਦਾ ਮਾਇਨੇ ਰੱਖਦੇ ਹਨ। ਭਾਰਤ ਮਾਤਾ ਇਹ ਹੀ ਕਰੋੜਾਂ-ਕਰੋੜ ਜਨਤਾ ਹੈ। ਉਨ੍ਹਾਂ ਨੇ ਅੱਗੇ ਕਿਹਾ ਕਿ ਪੰਡਿਤ ਨਹਿਰੂ ਦੇ ਇਨ੍ਹਾਂ ਲੋਕਤੰਤਰੀ, ਤਰੱਕੀਸ਼ੀਲ ਅਤੇ ਧਰਮਨਿਰਪੱਖ ਕਦਰਾਂ-ਕੀਮਤਾਂ ਨੂੰ ਦਿਲ ’ਚ ਲੈ ਕੇ ਚੱਲ ਰਿਹਾ ਹਾਂ। ‘ਹਿੰਦ ਦੇ ਜਵਾਹਰ’ ਦੀ ਭਾਰਤ ਮਾਤਾ ਦੀ ਰੱਖਿਆ ਲਈ।’’

“कौन है भारत माता? इस विशाल भूमि में फैले भारतवासी सबसे ज़्यादा मायने रखते हैं। भारतमाता यही करोड़ों-करोड़ जनता है।”

पं नेहरू के इन्हीं लोकतांत्रिक, प्रगतिशील और धर्मनिरपेक्ष मूल्यों को दिल में ले कर चल रहा हूं, 'हिन्द के जवाहर' की भारत माता की रक्षा के लिए। pic.twitter.com/SmAd2XgBYz

— Rahul Gandhi (@RahulGandhi) November 14, 2022

ਓਧਰ ਖੜਗੇ ਨੇ ਕਿਹਾ ਕਿ ਆਧੁਨਿਕ ਭਾਰਤ ਦੇ ਨਿਰਮਾਤਾ, ਪੰਡਿਤ ਨਹਿਰੂ ਦੇ ਮਹਾਨ ਯੋਗਦਾਨ ਬਿਨਾਂ 21ਵੀਂ ਸਦੀ ਦੇ ਭਾਰਤ ਦੀ ਕਲਪਨਾ ਨਹੀਂ ਕੀਤੀ ਜਾ ਸਕਦੀ। ਕਈ ਚੁਣੌਤੀਆਂ ਦੇ ਬਾਵਜੂਦ ਲੋਕਤੰਤਰ ਦੇ ਇਸ ਮੋਢੀ ਅਤੇ ਉਨ੍ਹਾਂ ਦੇ ਤਰੱਕੀਸ਼ੀਲ ਵਿਚਾਰਾਂ ਨੇ ਭਾਰਤ ਦੇ ਸਮਾਜਿਕ, ਰਾਜਨੀਤਕ ਅਤੇ ਆਰਥਿਕ ਵਿਕਾਸ ਨੂੰ ਹੋਰ ਅੱਗੇ ਵਧਾਇਆ। ਇਕ ਸੱਚੇ ਦੇਸ਼ ਭਗਤ ਨੂੰ ਮੇਰੀ ਨਿੱਘੀ ਸ਼ਰਧਾਂਜਲੀ। ਇਸ ਤੋਂ ਪਹਿਲਾਂ ਖੜਗੇ ਅਤੇ ਕਾਂਗਰਸ ਦੀ ਸਾਬਕਾ ਪ੍ਰਧਾਨ ਸੋਨੀਆ ਗਾਂਧੀ ਨੇ ਹੋਰ ਨੇਤਾਵਾਂ ਨਾਲ ਇੱਥੇ ਪੰਡਿਤ ਨਹਿਰੂ ਦੇ ਸਮਾਧੀ ਸਥਲ ‘ਸ਼ਾਂਤੀਵਨ’ ਜਾ ਕੇ ਉਨ੍ਹਾਂ ਨੂੰ ਸ਼ਰਧਾਂਜਲੀ ਭੇਟ ਕੀਤੀ।