ਕਾਸ਼ੀ ''ਚ ਗੰਗਾ ਆਰਤੀ ''ਚ ਸ਼ਾਮਲ ਹੋ ਕੇ PM ਮੋਦੀ ਨੇ ਲਿਆ ਆਸ਼ੀਰਵਾਦ (ਦੇਖੋ ਤਸਵੀਰਾਂ)
Tuesday, Jun 18, 2024 - 09:17 PM (IST)
ਵਾਰਾਣਸੀ- ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਮੰਗਲਵਾਰ ਦੀ ਸ਼ਾਮਇੱਥੇ ਦਸ਼ਾਸ਼ਵਮੇਧ ਘਾਟ 'ਤੇ ਗੰਗਾ ਆਰਤੀ 'ਚ ਸ਼ਾਮਲ ਹੋਏ। ਇਸ ਤੋਂ ਪਹਿਲਾਂ ਕਿਸਾਨ ਸੰਮੇਲਨ 'ਚ ਪੀ.ਐੱਮ. ਮੋਦੀ ਨੇ ਉਨ੍ਹਾਂ ਨੂੰ ਤੀਜੀ ਵਾਰ ਲੋਕ ਸਭਾ ਭੇਜਣ ਲਈ ਵਾਰਾਣਸੀ ਦੇ ਲੋਕਾਂ ਦਾ ਧੰਨਵਾਦ ਕਰਦੇ ਹੋਏ ਕਿਹਾ ਕਿ ਹੁਣ ਤਾਂ ਮਾਂ ਗੰਗਾ ਨੇ ਵੀ ਮੈਨੂੰ ਜਿਵੇਂ ਗੋਦ ਲੈ ਲਿਆ ਹੈ, ਮੈਂ ਇਥੋਂ ਦਾ ਹੀ ਹੋ ਗਿਆ ਹਾਂ। ਵਾਰਾਣਸੀ ਤੋਂ ਤੀਜੀ ਵਾਰ ਸਾਂਸਦ ਚੁਣੇ ਜਾਣ ਤੋਂ ਬਾਅਦ ਲਗਾਤਾਰ ਤੀਜੀ ਵਾਰ ਪ੍ਰਧਾਨ ਮੰਤਰੀ ਬਣ ਕੇ ਮੋਦੀ ਵਾਰਾਣਸੀ ਦੌਰੇ 'ਤੇ ਆਏ ਹਨ।
ਪ੍ਰਧਾਨ ਮੰਤਰੀ ਮਹਿੰਦੀਗੰਜ ਤੋਂ ਹੈਲੀਕਾਪਟਰ ਰਾਹੀਂ ਪੁਲਸ ਲਾਈਨ ਪਹੁੰਚੇ, ਜਿਥੋਂ ਸੜਕ ਮਾਰਗ ਰਾਹੀਂ ਦਸ਼ਾਸ਼ਵਮੇਧ ਘਾਟ ਪਹੁੰਚੇ ਅਤੇ ਗੰਗਾ ਆਰਤੀ 'ਚ ਸ਼ਾਮਲ ਹੋ ਕੇ ਮਾਂ ਗੰਗਾ ਦਾ ਆਸ਼ੀਰਵਾਦ ਲਿਆ। ਸੂਰਜ ਡੁੱਬਣ 'ਤੇ ਪੀ.ਐੱਮ. ਮੋਦੀ ਲਾਲ ਕਾਰਪੇਟ ਨਾਲ ਸਜੀਆਂ ਪੌੜੀਆਂ ਤੋਂ ਉਤਰੇ ਅਤੇ ਦਸ਼ਾਸ਼ਵਮੇਧ ਘਾਟ ਪਹੁੰਚੇ। ਉਨ੍ਹਾਂ ਦੇ ਨਾਲ ਰਾਜਪਾਲ ਆਨੰਦੀਬੇਨ ਪਟੇਲ ਅਤੇ ਮੁੱਖ ਮੰਤਰੀ ਯੋਗੀ ਆਦਿਤਿਆਨਾਥ ਵੀ ਮੌਜੂਦ ਰਹੇ।
ਪ੍ਰਧਾਨ ਮੰਤਰੀ ਮੋਦੀ ਨੇ ਅਰਚਕਾਂ ਦੇ ਵੈਦਿਕ ਮੰਤਰਾਂ ਵਿਚਕਾਰ ਗੰਗਾ ਪੂਜਾ ਅਤੇ ਆਰਤੀ ਕੀਤੀ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਘਾਟ 'ਤੇ ਇਕੱਠੀ ਹੋਈ ਭੀੜ ਦਾ ਹੱਥ ਹਿਲਾ ਕੇ ਸਵਾਗਤ ਕੀਤਾ। ਇਸ ਤੋਂ ਬਾਅਦ ਅਰਚਕਾਂ ਨੇ ਇਸ ਤੋਂ ਬਾਅਦ ਘਾਟ 'ਤੇ ਮੌਜੂਦ ਸਾਰੇ ਲੋਕਾਂ ਨੂੰ ਸੰਕਲਪ ਦਿਵਾਇਆ 'ਮੈਂ ਮਾਂ ਗੰਗਾ ਅਤੇ ਭਾਰਤ ਨੂੰ ਸ਼ੁੱਧ ਅਤੇ ਸਵੱਛ ਰੱਖਾਂਗਾ।' ਪਾਣੀ ਦੀ ਸੰਭਾਲ ਲਈ ਵੀ ਸਾਰਿਆਂ ਨੂੰ ਸੰਕਲਪ ਦਿਵਾਇਆ।
ਇਸ ਤੋਂ ਬਾਅਦ ਪ੍ਰਧਾਨ ਮੰਤਰੀ ਮੋਦੀ ਫੁੱਲਾਂ ਨਾਲ ਸਜੇ ਮੰਡਪ ਪਹੁੰਚੇ, ਜਿੱਥੋਂ ਉਹ ਮਾਂ ਗੰਗਾ ਦੀ ਮਹਾ ਆਰਤੀ ਦੇਖਦੇ ਰਹੇ। ਮੋਦੀ ਸੁਰੀਲੇ ਭਜਨਾਂ ਦੇ ਵਿਚਕਾਰ ਲਗਾਤਾਰ ਤਾੜੀਆਂ ਵਜਾਉਂਦੇ ਨਜ਼ਰ ਆਏ। ਘਾਟ 'ਤੇ ਮੌਜੂਦ ਲੋਕਾਂ ਨੇ ਹਰ ਹਰ ਮਹਾਦੇਵ ਦੇ ਨਾਅਰਿਆਂ ਨਾਲ ਪ੍ਰਧਾਨ ਮੰਤਰੀ ਦਾ ਸਵਾਗਤ ਕੀਤਾ। ਪੀ.ਐੱਮ. ਮੋਦੀ ਨੇ ਹੱਥ ਹਿਲਾ ਕੇ ਸਵਾਗਤ ਸਵੀਕਾਰ ਕੀਤਾ।
ਪੁਲਸ ਲਾਈਨ ਤੋਂ ਦਸ਼ਾਸ਼ਵਮੇਧ ਘਾਟ ਤੱਕ ਭਾਜਪਾ ਵਰਕਰਾਂ ਅਤੇ ਜਨਤਾ ਨੇ ਪ੍ਰਧਾਨ ਮੰਤਰੀ ਮੋਦੀ ਦਾ ਢੋਲ, ਸ਼ੰਖਾਂ ਵਜਾ ਕੇ ਅਤੇ ਫੁੱਲਾਂ ਦੀ ਵਰਖਾ ਨਾਲ ਸਵਾਗਤ ਕੀਤਾ।
ਦਸ਼ਾਸ਼ਵਮੇਧ ਘਾਟ ਵਿਖੇ ਸਭ ਤੋਂ ਪਹਿਲਾਂ ਗੰਗਾ ਮਹਾਰਾਣੀ ਦੇ ਜੈਕਾਰਿਆਂ ਨਾਲ ਸ਼ੰਖ ਦੀ ਧੁਨ ਗੂੰਜੀ ਅਤੇ ਇਸ ਤੋਂ ਬਾਅਦ ਸਾਰਾ ਮਾਹੌਲ ਹਰ ਹਰ ਮਹਾਦੇਵ ਦੇ ਨਾਅਰਿਆਂ ਨਾਲ ਗੂੰਜ ਗਿਆ। ਇਸ ਦੌਰਾਨ ਇੱਕ ਅਦਭੁਤ ਦ੍ਰਿਸ਼ ਸਾਹਮਣੇ ਆਇਆ। ਮੰਤਰਾਂ ਦੀ ਗੂੰਜ ਅਤੇ ਰੋਸ਼ਨੀ ਵਿੱਚ ਇਸ਼ਨਾਨ ਕੀਤੇ ਮਾਹੌਲ ਵਿੱਚ ਗੰਗਾ ਮਹਾ ਆਰਤੀ ਕੀਤੀ ਗਈ।
